उपमन्यु  हिन्दी देवनागरी में पढ़ें।

upamanyu maharshi ayod dhaumy ke shishyon men se ek the. inake guru dhaumy ne upamanyu ko apani gaen charane ka kam de rakha th. upamanyu dinabhar van men gaen charate aur saynkal ashram men laut aya karate the.

ek din gurudev ne poochha- "beta upamanyu! tum ajakal bhojan kya karate ho?" upamanyu ne namrata se kaha- "bhagavan! main bhiksha mangakar apana kam chala leta hoon." maharshi bole- "vats! brahmachari ko is prakar bhiksha ka ann nahin khana chahie. bhiksha mangakar jo kuchh mile, use guru ke samane rakh dena chahie. usamen se guru yadi kuchh den to use grahan karana chahie." upamanyu ne maharshi ki agya svikar kar li. ab ve bhiksha mangakar jo kuchh milata use gurudev ke samane lakar rakh dete. gurudev ko to shishy ki shraddha ko dridh karana tha, at: ve bhiksha ka sabhi ann rakh lete. usamen se kuchh bhi upamanyu ko nahin dete. thode dinon bad jab gurudev ne poochha- "upamanyu! tum ajakal kya khate ho?" tab upamanyu ne bataya ki- "main ek bar ki bhiksha ka ann gurudev ko dekar dubara apani bhiksha mang lata hoon." maharshi ne kaha- "dubara bhiksha mangana to dharm ke viruddh hai. isase grihasthon par adhik bhar padega aur doosare bhiksha mangane valon ko bhi snkoch hoga. ab tum doosari bar bhiksha mangane mat jaya karo."[1]

upamanyu ne kaha- "jo agya." usane doosari bar bhiksha mangana bnd kar diya. jab kuchh dinon bad maharshi ne phir poochha, tab upamanyu ne bataya ki- "main gayon ka doodh pi leta hoon." maharshi bole- "yah to thik nahin." gaen jisaki hoti hain, unaka doodh bhi usi ka hota hai. mujhase poochhe bina gayon ka doodh tumhen nahin pina chahie." upamanyu ne doodh pina bhi chhodn diya. thode din bitane par gurudev ne poochha- "upamanyu! tum dubara bhiksha bhi nahin late aur gayon ka doodh bhi nahin pite to khate kya ho? tumhara sharir to upavas karane vale jaisa durbal nahin dikhaee padata." upamanyu ne kaha- "bhagavan! main bachhadon ke mukh se jo phain girata hai, use pikar apana kam chala leta hoon." maharshi bole- "bachhde bahut dayalu hote hain. ve svayn bhookhe rahakar tumhare lie adhik phain gira dete honge. tumhari yah vritti bhi uchit nahin hai." ab upamanyu upavas karane lage. dinabhar bina kuchh khae gayon ko charate hue unhen van men bhatakana padata tha. ant men jab bhookh asahy ho gee, tab unhonne ak ke patte kha lie. un vishaile patton ka vish sharir men phailane se ve andhe ho ge. unhen kuchh bhi dikhaee nahin padata tha. gayon ki padachap sunakar hi ve unake pichhe chal rahe the. marg men ek sookha kuan tha, jisamen upamanyu gir pade. jab andhera hone par sab gaen laut aeen aur upamanyu nahin laute, tab maharshi ko chinta huee. ve sochane lage- "mainne us bhole balak ka bhojan sab prakar se bnd kar diya. kasht pate-pate du:khi hokar vah bhag to nahin gaya." use ve jngal men dhoondhane nikale aur bar-bar pukarane lage- "beta upamanyu! tum kahan ho?"

upamanyu ne kuen men se uttar diya- "bhagavan! main kuen men gir pada hoon." maharshi samip ae aur sab baten sunakar rigved ke mntron se unhonne ashvinikumaron ki stuti karane ki agya di. svar ke sath shraddhapoorvak jab upamanyu ne stuti ki, tab devataon ke vaidy ashvinikumar vahan kuen men prakat ho ge. unhonne upamanyu ke netr achchhe karake use ek padarth dekar khane ko kaha. kintu upamanyu ne gurudev ko arpit kie bina vah padarth khana svikar nahin kiya. ashvinikumaron ne kaha- "tum snkoch mat karo. tumhare guru ne bhi apane guru ko arpit kie bina pahale hamara diya padarth prasad manakar kha liya tha." upamanyu ne kaha- "ve mere guru hain, unhonne kuchh bhi kiya ho, par main unaki agya nahin taloonga." is gurubhakti se prasann hokar ashvinikumaron ne unhen samast vidyaen bina padhe a jane ka ashirvad diya. jab upamanyu kuen se bahar nikale, maharshi ayod dhaumy ne apane priy shishy ko hriday se laga liya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. guru bhakt upamanyu (hindi) webdunia. abhigaman tithi: 15 janavari, 2016.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah