अनन्त चतुर्दशी  हिन्दी देवनागरी में पढ़ें।

anant chaturdashi
bhagavan vishnu tatha lakshmi
vivaran 'anant chaturdashi' ke vrat men anant ke roop men bhagavan shrihari vishnu ki pooja hoti hai. isamen chaudah ganthon vala annt sootr purushon dvara dahine tatha striyon dvara bayen hath men bandha jata hai.
anuyayi hindoo tatha pravasi bharatiy hindoo
tithi bhadrapad mas, shukl paksh ki chaturdashi
sambandhit devata vishnu
snbndhit lekh vishnu, shrikrishn, yudhishthir
any janakari anant chaturdashi vrat men dharan kiye jane vale anant sootr kapas ya resham ke dhage se bane hote hain, jo kunkami rng men rnge jate hain. is sootr men chaudah ganthe hoti hain. anant ki chaudah ganthe chaudah lokon ki pratit mani gee hain.

anant chaturdashi (angrezi: Anant Chaturdashi) ka vrat bhadrapad mas ke shukl paksh ki chaturdashi tithi ko kiya jata hai. is vrat men anant ke roop men bhagavan shrihari vishnu ki pooja hoti hai. anant chaturdashi ke din purush dahine hath men tatha nariyan banye hath men anant dharan karati hain. anant kapas ya resham ke dhage se bane hote hain, jo kunkami rng men rnge jate hain tatha inamen chaudah ganthe hoti hain. inhin dhagon se anant ka nirman hota hai. yah vyaktigat pooja hai, isaka koee samajik ya dharmik utsav nahin hota. 'agni puran'[1] men isaka vivaran hai. chaturdashi ko darbh se bani shrihari ki pratima, jo kalash ke jal men rakhi hoti hai, ki pooja hoti hai. vrati ko dhan ke ek prasth (prasar) ate se rotiyan (poodi) banani hoti hain, jinaki adhi vah brahman ko de deta hai aur shesh ardhansh svayn prayog men lata hai.

pauranik ullekh

'anant chaturdashi' ka vrat nadi-tat par kiya jana chahie aur vahan hari ki kathaen sunani chahie. hari se is prakar ki prarthana ki jati hai-

"he vasudev, is anant snsar roopi mahasamudr men doobe hue logon ki raksha karo tatha unhen anant ke roop ka dhyan karane men snlagn karo, anant roop vale tumhen namaskar."[2]

is mantr se hari ki pooja karake tatha apane hath ke oopari bhag men ya gale men dhaga bandhakar ya lataka kar[3] vrati anant vrat karata hai tatha prasann hota hai. yadi hari anant hain to 14 ganthen hari dvara utpann 14 lokon ki dyotak hain. hemadri[4] men anant vrat ka vivaran vishad roop se aya hai, usamen bhagavan shrikrishn dvara yudhishthir se kahi gayi kaundiny evn usaki stri shila ki gatha bhi ayi hai. krishn ka kathan hai ki 'anant' unake roopon ka ek roop hai aur ve kal hain, jise anant kaha jata hai. anant vrat chandan, dhoop, pushp, naivedy ke upacharon ke sath kiya jata hai. is vrat ke vishay men any baton ke lie.[5] aisa aya hai ki yadi yah vrat 14 varshon tak kiya jay to vrati vishnu lok ki prapti kar sakata hai.[6] is vrat ke upayukt evn tithi ke vishay men kee mat prakashit ho gaye hain. madhav[7] ke anusar is vrat men madhyahn karmakal nahin hai, kintu vah tithi, jo sooryoday ke samay tin muharton tak avasthit rahati hai, anant vrat ke lie sarvottam hai. kintu nirnayasindhu[8] ne is mat ka khandan kiya hai. ajakal anant chaturdashi vrat kiya to jata hai, kintu vratiyon ki snkhya dhire-dhire kam hoti ja rahi hai.

vrat vidhi

is din bhagavan vishnu ki katha hoti hai. isamen uday tithi li jati hai. poornima ka sahayog hone se isaka bal badh jata hai. yadi madhyahn tak chaturdashi ho to zyada achchha hai. jaisa is vrat ke nam se lakshit hota hai ki yah din us ant n hone vale srishti ke karta nirgun brahma ki bhakti ka din hai. is din bhaktagan laukik karyakalapon se man ko hatakar eeshvar bhakti men anurakt ho jate hain. is din ved grnthon ka path karake bhakti ki smriti ka dora bandha jata hai. is vrat ki pooja dopahar men ki jati hai. is din vrati ko chahie ki prat:kal snanadi nityakarmon se nivritt hokar kalash ki sthapana karen. kalash par ashtadal kamal ke saman bane bartan men kush se nirmit anant ki sthapana ki jati hai. isake age kunkum, kesar ya haldi se rngakar banaya hua kachche dore ka chaudah ganthon vala 'anant' bhi rakha jata hai.

kush ke anant ki vndana karake, usamen bhagavan vishnu ka ahvan tatha dhyan karake gndh, akshat, pushp, dhoop, dip, naivedy adi se poojan karen. tatpashchath anant dev ka dhyan karake shuddh anant ko apani dahini bhuja par bandh len. yah dora bhagavan vishnu ko prasann karane vala tatha anant phal dene vala mana gaya hai. yah vrat dhan putradi ki kamana se kiya jata hai. is din ne dore ke anant ko dharan karake purane ka tyag kar dena chahie. is vrat ka paran brahman ko dan karake karana chahie. anant ki chaudah ganthe chaudah lokon ki pratit mani gee hain. unamen anant bhagavan vidyaman hain. bhagavan satyanarayan ke saman hi anant dev bhi bhagavan vishnu ka hi ek nam hai. yahi karan hai ki is din satyanarayan ka vrat aur katha ka ayojan pray: kiya jata hai, jisamen satyanarayan ki katha ke sath-sath anant dev ki katha bhi suni jati hai.

katha

ek bar maharaj yudhishthir ne rajasooy ygy kiya. us samay ygy mandap ka nirman sundar to tha hi, adbhut bhi tha. vah ygy mandap itana manoram tha ki jal v sthal ki bhinnata pratit hi nahin hoti thi. jal men sthal tatha sthal men jal ki bhanti pratit hoti thi. bahut savadhani karane par bhi bahut se vyakti us adbhut mandap men dhokha kha chuke the. ek bar kahin se tahalate-tahalate duryodhan bhi us ygy-mandap men a gaya aur ek talab ko sthal samajh usamen gir gaya. draupadi ne yah dekhakar 'andhon ki sntan andhi' kahakar unaka upahas kiya. isase duryodhan chidh gaya. yah bat usake hriday men ban ke saman lagi. usake man men dvesh utpann ho gaya aur usane pandavon se badala lene ki than li. usake mastishk men us apaman ka badala lene ke lie vichar upajane lage. usane badala lene ke lie pandavon ko dyoot-krida men harakar us apaman ka badala lene ki sochi. usane pandavon ko jue men parajit kar diya. parajit hone par pratigyanusar pandavon ko barah varsh ke lie vanavas bhogana pada. van men rahate hue pandav anek kasht sahate rahe.

anant sootr

shrikrishn dvara katha vachan

ek din bhagavan krishn jab milane ae, tab yudhishthir ne unase apana du:kh kaha aur du:kh door karane ka upay poochha. tab shrikrishn ne kaha- "he yudhishthir! tum vidhipoorvak anant bhagavan ka vrat karo, isase tumhara sara snkat door ho jaega aur tumhara khoya rajy pun: prapt ho jaega." is sndarbh men shrikrishn ek katha sunate hue bole-

prachin kal men sumant nam ka ek nek tapasvi brahman tha. usaki patni ka nam diksha tha. usake ek param sundari dharmaparayan tatha jyotirmayi kanya thi, jisaka nam sushila tha. sushila jab badi huee to usaki mata diksha ki mrityu ho gee. patni ke marane ke bad sumant ne karkasha namak stri se doosara vivah kar liya. sushila ka vivah us brahman ne kaudiny rishi ke sath kar diya. vidaee men kuchh dene ki bat par karkasha ne damad ko kuchh eenten aur pattharon ke tukade bandhakar de die. kaudiny rishi du:khi ho apani patni ko lekar apane ashram ki or chal die. parantu raste men hi rat ho gee. ve nadi tat par sandhya karane lage. sushila ne dekha vahan par bahut-si striyan sundar vastr dharan kar kisi devata ki pooja par rahi thin. sushila ke poochhane par unhonne vidhipoorvak anant vrat ki mahatta bataee. sushila ne vahin us vrat ka anushthan kiya aur chaudah ganthon vala dora hath men bandhakar rishi kaudiny ke pas a gee.

kaudiny ne sushila se dore ke bare men poochha to usane sari bat bata di. unhonne dore ko todakar agni men dal diya isase bhagavan anant ji ka apaman hua. parinamat: rishi kaudiny du:khi rahane lage. unaki sari sampatti nasht ho gee. is daridrata ka unhonne apani patni se karan poochha to sushila ne anant bhagavan ka dora jalane ki bat kahin. pashchatap karate hue rishi kaudiny anant dore ki prapti ke lie van men chale ge. van men kee dinon tak bhatakate-bhatakate nirash hokar ek din bhoomi par gir pade. tab anant bhagavan prakat hokar bole- "he kaudiny! tumane mera tiraskar kiya tha, usi se tumhen itana kasht bhogana pada. tum du:khi hue. ab tumane pashchatap kiya hai. main tumase prasann hoon. ab tum ghar jakar vidhipoorvak anant vrat karo. chaudah varsh paryant vrat karane se tumhara du:kh door ho jaega. tum dhan-dhany se sampann ho jaoge." kaudiny ne vaisa hi kiya aur unhen sare kleshon se mukti mil gee. shrikrishn ki agya se yudhishthir ne bhi anant bhagavan ka vrat kiya, jisake prabhav se pandav mahabharat ke yuddh men vijayi hue tatha chirakal tak rajy karate rahe.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. agni puran 192.7-10
  2. agni puran 192.9
  3. jis par mantr padha gaya ho
  4. hemadri (vrat, bhag 2, pri. 26-36
  5. dekhie varshakiyakaumudi (pri. 324-339), tithitattv (pri. 123), kalanirnay (pri. 279) vatark adi
  6. hemadri, vrat, bhag 2, pri. 35
  7. kalanirnay 279
  8. nirnayasindhu, pri. 142

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah