महावीर जयन्ती  हिन्दी देवनागरी में पढ़ें।

mahavir jayanti
mahavir
any nam mahavir svami janm kalyanak
anuyayi jain dharm
uddeshy unaki jaynti ke din hamen yah pratigya karane chahie ki unaki bataee shiksha men se kisi ek shiksha ko apanayen.
tithi chaitr shukl trayodashi
snbndhit lekh mahavir, vardhaman
any janakari manav samaj ko andhakar se prakash ki or lane vale mahapurush bhagavan mahavir ka janm eesa se 599 varsh poorv bihar men lichchhivi vnsh ke maharaj 'shri siddharth' aur mata 'trishila devi' ke yahan hua tha.

mahavir jayanti ka parv mahavir svami ke janm din chaitr shukl trayodashi ko manaya jata hai. bhagavan mahavir svami, jain dharm ke 24ven tirthnkar the, jinaka jivan hi unaka sndesh hai. unake saty, ahinsa, ke upadesh ek khuli kitab ki bhanti hai. mahavir ne ek rajaparivar men janm liya tha. unake parivar men aishvary, dhan-snpada ki koee kami nahin thi, jisaka ve manachaha upabhog bhi kar sakate the kintu yuvavastha men qadam rakhate hi unhonne snsar ki maya-moh, sukh-aishvary aur rajy ko chhodakar yatanaon ko sahan kiya. sari suvidhaon ka tyag kar ve nnge pair paidal yatra karate rahe. inhen bhi dekhen: mahavir evn vardhaman

parichay

manav samaj ko andhakar se prakash ki or lane vale mahapurush bhagavan mahavir ka janm eesa se 599 varsh poorv chaitr mas ke shukl paksh men trayodashi tithi ko bihar men lichchhivi vnsh ke maharaj 'shri siddharth' aur mata 'trishila devi' ke yahan hua tha. jis karan is din jain shraddhalu is pavan divas ko 'mahavir jayanti' ke roop men parnparagat tarike se harshollas aur shraddhabhakti poorvak manate hain. bachapan men bhagavan mahavir ka nam vardhaman tha. jain dharmiyon ka manana hai ki vardhaman ne kathor tap dvara apani samast indriyon par vijay prapt kar jin arthat vijeta kahalae. unaka yah kathin tap parakram ke saman mana gaya, jis karan unako mahavir kaha gaya aur unake anuyayi jain kahalae.

vardhaman nam

janmotsav par jyotishon dvara chakravarti raja banane ki ghoshana ki gayi. unake janm se poorv hi kundalapur ke vaibhav aur snpannata ki khyati ‍din dooni ra‍t chauguni badhati gee. at: maharaja siddharth ne unaka janm nam 'vardhaman' rakha. chaubis ghnte darshanarthinyon ki bhid ne raj-pat ki sari mayardaen tod di. vardhaman ne logon men sndesh prerit kiya ki unake dvar sabhi ke lie hamesha khule rahenge.

vir nam

jaise-jaise mahavir bade ho rahe the, vaise-vaise unake gunon men badhotari ho rahi thi. ek bar jab sumeroo parvat par devaraj indr unaka jalabhishek kar rahe the. tab kahin balak bah n jae is bat se bhayabhit hokar indradev ne unaka abhishek rukava diya. indr ke man ki bat bhanp kar unhonne apane angoothe ke dvara sumeroo parvat ko daba kar knpayaman kar diya. yah dekhakar devaraj indr ne unaki shakti ka anuman lagakar unhen 'vir' ke nam se snbodhit karana shuroo kar diya. [1]

sanmati ka nam

balyakal men mahavir mahal ke angan men khel rahe the. tabhi akashamarg se snjay muni aur vijay muni ka nikalana hua. donon is bat ki tod nikalane men lage the ki saty aur asaty kya hai? unhonne zamin ki or dekha to niche mahal ke prangan men khel rahe divy shaktiyukt adh‍bhut balak ko dekhakar ve niche aen aur saty ke sakshat darshan karake unake man ki shnkaon ka samadhan ho gaya hai. in do muniyon ne unhen 'sanmati' ka nam diya aur khud bhi unhen usi nam se pukarane lage.[1]

parakram ne banaya ativir

yuvavastha men luka-chhipi ke khel ke dauran kuchh sathiyon ko ek bada phanadhari sanp dikhaee diya. jise dekhakar sabhi sathi dar se kanpane lage, kuchh vahan se bhag ge. lekin varddhaman mahavir vahan se hile tak nahin. unaki shoor-virata dekhakar sanp unake pas aya to mahavir turnt sanp ke phan par ja baithe. unake vajan se ghabarakar sanp bane sngamadev ne tatkal sundar dev ka roop dharan kiya aur unake samane upasthit ho ge. unhonne varddhaman se kaha- svarg lok men apake parakram ki charcha sunakar hi main apaki pariksha lene aya tha. ap mujhe kshama karen. ap to viron ke bhi vir 'ativir' hai. [1]

mahavir jaynti

in charon namon ko sushobhit karane vale mahavir svami ne snsar men badhati hinsak soch, amanaviyata ko shant karane ke lie ahinsa ke upadesh prasa‍rit kie. unake upadeshon ko janane-samajhane ke lie koee vishesh prayas ki zaroorat nahin. unhonne lok kalyan ka marg apane achar-vichar men lakar dharm pracharak ka kary kiya. aise mahanh chaubis ‍tirthnkaron ke antim tirthnkar mahavir ke janmadivas prati varsh chaitr shukl trayodashi ko manaya jata hai. mahavir jaynti ke avasar par jain dharmavalnbi prat: kal prabhatapheri nikalate hain. usake bad bhavy juloos ke sath palaki yatra nikalane ke tatpashchath svarn evn rajat kalashon se mahavir svami ka abhishek kiya jata hai tatha shikharon par dhvaja chadhaee jati hai. jain samaj dvara din bhar anek dharmik karyakramon ka ayojan ‍karake mahavir ka janmotsav dhoomadham se manaya jata hai. [1] tap se jivan par vijay prapt karane ka parv mahavir jaynti par shraddhalu jain mndiron men bhagavan mahavir ki moorti ko vishesh snan karate hain, jo ki abhishek kahalata hai. taduparant, bhagavan ki moorti ko sinhasan ya rath par bithakar utsah aur harsollas poorvak juloos nikalate hain, jisamen badi snkhya men jain dharmavalambi shamil hote hain. is suavasar par jain shraddhalu bhagavan ko phal, chaval, jal, sugandhit dravy adi vastuen arpit karate hain.

ahinsa paramodharm

vartaman yug men mahatma gandhi ne sari manushy jati ko jis mahanh adarsh ko apanane ke lie ahavahan kiya tha, usake mahatv par sarvapratham evn sabase adhik jain tirthnkar parshv aur mahavir ne hi diya hai. mahavir svami se hamen yah shiksha milati hain ki hamen hinsa kisi bhi roop men nahin karani chahie. sada saty bolana chahie. nirbal, nirih aur asahay vyaktiyon ki hi nahin balki pashuon ko bhi nahin satana chahie. manushy ko man, vachan , karm se shuddh hona chahie. brahmachary ka palan karana chahie. manushy ko apane jivan kal men deshatan avashy karana chahie isase gyanarjan hota hain. yah gyanarjan ka sarvashreshth sadhan hain. chori kabhi nahin karani chahie. chori bhi man , vachan evam karm se hoti hain athava kisi ek se bhi karana, mahapap hain. mahavir hamen jivan ke pratyek kshetr men margadarshan dete hain. unaki jaynti ke din hamen yah pratigya karane chahie ki unaki bataee shiksha men se kisi ek shiksha ko apanayen. isase hamare men naitik gunon ka vikas hoga, sath hi sath achchhe karm bhi honge.[2] bhagavan mahavir ne duniya ko bahut hi achchhe sndesh die. unaka sabase priy sndesh tha ahinsa ke marg par chalane ka. bhagavan mahavir ke mool mntr 'jiyo aur jine do' ke siddhant par chalakar hi ham desh, duniya ko bacha sakate hain. bhagavan mahavir ki shikshaen hamen karunamay evn nisvarth sadagipoorn jivan ki prerana deti hain. yah tyohar sachchaee, ahinsa tatha sauhard ke prati sabhi ki pratibaddhataon ko mazaboot karane ka kam kare.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 mahavir jaynti (hindi) (ech.ti.em.el) veb duniya hindi. abhigaman tithi: 10 apral, 2011.
  2. mahavir jaynti (hindi) papyrusclubs.com. abhigaman tithi: 10 apral, 2011.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah