bharatakosh ke snsthapak/snpadak ke fesabuk laiv ke lie yahan klik karen.

सीता नवमी  हिन्दी देवनागरी में पढ़ें।

sita navami
sita (abhikalpit chitr)
any nam janaki navami
anuyayi hindoo
tithi vaishakh shukl paksh navami
anushthan is din vaishnav snpraday ke bhakt mata sita ke nimitt vrat rakhate hain aur poojan karate hain.
dharmik manyata dharm grnthon ke anusar isi din devi sita ka prakaty hua tha.
any janakari is pavan parv par jo vrat rakhata hai tatha bhagavan ramachandr ji sahit bhagavati sita ka apani shakti ke anusar bhaktibhav poorvak vidhi-vidhan se sotsah poojan vandan karata hai, use prithvi dan ka phal, mahashodash dan ka phal, akhilatirth bhraman ka phal aur sarvabhoot daya ka phal svatah hi prapt ho jata hai.

sita navami vaishakh mas ke shukl paksh ki navami ko kahate hain. dharm grnthon ke anusar isi din sita ka prakaty hua tha. is parv ko "janaki navami" bhi kahate hain. shastron ke anusar vaishakh mas ke shukl paksh ki navami ke din pushy nakshatr men jab maharaja janak sntan prapti ki kamana se ygy ki bhoomi taiyar karane ke lie hal se bhoomi jot rahe the, usi samay prithvi se ek balika ka prakaty hua. joti huee bhoomi ko tatha hal ki nok ko bhi 'sita' kaha jata hai, isalie balika ka nam 'sita' rakha gaya. is din vaishnav snpraday ke bhakt mata sita ke nimitt vrat rakhate hain aur poojan karate hain. manyata hai ki jo bhi is din vrat rakhata v shriram sahit sita ka vidhi-vidhan se poojan karata hai, use prithvi dan ka phal, solah mahanh danon ka phal tatha sabhi tirthon ke darshan ka phal apane ap mil jata hai. at: is din vrat karane ka vishesh mahattv hai.

sita janm katha

sita ke vishay men ramayan aur any grnthon men jo ullekh milata hai, usake anusar mithila ke raja janak ke raj men kee varshon se varsha nahin ho rahi thi. isase chintit hokar janak ne jab rishiyon se vichar kiya, tab rishiyon ne salah di ki maharaj svayn khet men hal chalaen to indr ki kripa ho sakati hai. manyata hai ki bihar sthit simamadhi ka punaura namak ganv hi vah sthan hai, jahan raja janak ne hal chalaya tha. hal chalate samay hal ek dhatu se takarakar atak gaya. janak ne us sthan ki khudaee karane ka adesh diya. is sthan se ek kalash nikala, jisamen ek sundar kanya thi. raja janak niahsntan the. inhonne kanya ko eeshvar ki kripa manakar putri bana liya. hal ka phal jise 'sit' kahate hain, usase takarane ke karan kalash se kanya bahar ayi thi, isalie kanya ka nam 'sita' rakha gaya tha.[1] 'valmiki ramayan' ke anusar shriram ke janm ke sat varsh, ek mah bad vaishakh mas ke shukl paksh ki navami ko janak dvara khet men hal ki nok (sit) ke sparsh se ek kanya mili, jise unhonne sita nam diya. janak dulari hone se 'janaki', mithilavasi hone se 'mithilesh' kumari nam bhi unhen mile. upanishadon, vaidik vanmay men unaki alaukikata v mahima ka ullekh hai, jahan unhen shaktisvaroopa kaha gaya hai. rigved men vah asur snharini, kalyanakari, sitopanishad men mool prakriti, vishnu sannidhya, ramatapaniyopanishad men anand dayini, adishakti, sthiti, utpatti, snharakarini, arsh grnthon men sarvavedamayi, devamayi, lokamayi tatha ichchha, kriya, gyan ki sngaman hain. gosvami tulasidas ne unhen sarvakleshaharini, udbhav, sthiti, snharakarini, ram vallabha kaha hai. 'padmapuran' unhen jagatamata, adhyatm ramayan ekamatr saty, yogamaya ka sakshath svaroop aur maharamayan samast shaktiyon ki srot tatha muktidayini kah unaki aradhana karata hai.

'ramatapaniyopanishad' ka varnan

'ramatapaniyopanishad' men sita ko jagad ki anand dayini, srishti, ke utpatti, sthiti tatha snhar ki adhishthatri kaha gaya hai-

shriram sannidhyavashan-jjagadanandadayini.
utpatti sthiti snharakarinin sarvadehinamh॥

'valmiki ramayan' ke anusar sita ram se sat varsh chhoti thin.

mamabhatrta mahateja vayasapnchavinshak:.
ashtadasha hi varshani mam janmati ganyate॥[2]

'ramayan' tatha 'ramacharitamanas' ke balakand men sita ke udbhavakarini roop ka darshan hota hai evn unake vivah tak sampoorn akarshan sita men samahit hain, jahan sampoorn kriya unake aishvary ko roopayit karati hai. ayodhyakand se aranyakand tak vah sthitikarini hain, jisamen vah karuna-kshama ki moorti hain. vah kalaratri ban nishachar kul men pravisht ho unake vinash ka mool banati hain. yadyapi tulasidas ne sitaji ke matr kanya tatha patni roopon ko darshaya hai, tathapi valmiki ne unake matrisvaroop ko bhi pradarshit kar unamen vatsaly evn sneh ko bhi dikhalaya hai.

sita jaynti

sitaji ki jaynti vaishakh shukl navami ko manayi jati hai, kintu bharat ke kuchh bhag men ise phalgun krishn ashtami ko manate hain. ramayan ke anusar vah vaishakh men avatarit hueen thin, kintu 'nirnayasindhu' ke 'kalpataru' grnthanusar phalgun krishn paksh ki ashtami ko. at: donon hi tithiyan unaki jaynti hetu many hain.[3] maryadapurushottam shriram tatha mata janaki ke anany bhakt tulasidas n 'ramacharitamanas' ke balakand ke prarnbhik shlok men sita ji brahm ki tin kriyaon udbhav, sthiti, snhar, ki snchalika tatha adyashakti kahakar unaki vndana ki hai-

udbhav sthiti snharakarinin harinimh.
sarvashreyaskarin sitan natoahn ramaballabhamh॥[4]

adbhut ramayan ka ullekh

is ghatana se gyat hota hai ki sita raja janak ki apani putri nahin thin. dharati ke andar chhupe kalash se prapt hone ke karan sita khud ko prithvi ki putri manati thin. lekin vastav men sita ke pita kaun the aur kalash men sita kaise ayin, isaka ullekh alag-alag bhashaon men likhe gaye ramayan aur kathaon se prapt hota hai. 'adbhut ramayan' men ullekh hai ki ravan kahata hai ki- "jab main bhoolavash apani putri se pranay ki ichchha karoon, tab vahi meri mrityu ka karan bane." ravan ke is kathan se gyat hota hai ki sita ravan ki putri thin. 'adbhut ramayan' men ullekh hai ki gritsmad namak brahman lakshmi ko putri roop men pane ki kamana se pratidin ek kalash men kush ke agr bhag se mntrochcharan ke sath doodh ki boonden dalata tha. ek din jab brahman kahin bahar gaya tha, tab ravan inaki kutiya men aya aur yahan maujood rishiyon ko marakar unaka rakt kalash men bhar liya. yah kalash lakar ravan ne mndodari ko saunp diya. ravan ne kaha ki yah tej vish hai. ise chhupakar rakh do. mndodari ravan ki upeksha se duahkhi thi. ek din jab ravan bahar gaya tha, tab mauka dekhakar mndodari ne kalash men rakha rakt pi liya. isake pine se mndodari garbhavati ho gayi.[1]

poojan vidhi

jis prakar hindoo samaj men 'ram navami' ka mahatmy hai, usi prakar 'janaki navami' ya 'sita navami' ka bhi. is pavan parv par jo vrat rakhata hai tatha bhagavan ramachandr ji sahit bhagavati sita ka apani shakti ke anusar bhaktibhav poorvak vidhi-vidhan se sotsah poojan vandan karata hai, use prithvi dan ka phal, mahashodash dan ka phal, akhilatirth bhraman ka phal aur sarvabhoot daya ka phal svatah hi prapt ho jata hai.

  • 'sita navami' par vrat evn poojan hetu ashtami tithi ko hi svachchh hokar shuddh bhoomi par sundar mandap banayen. yah mandap saulah, ath athava char stambhon ka hona chahie. mandap ke madhy men sundar asan rakhakar bhagavati sita evn bhagavan shriram ki sthapana karen.
  • poojan ke lie svarn, rajat, tamr, pital, kath evn mitti inamen se samarthy anusar kisi ek vastu se bani huee pratima ki sthapana ki ja sakati hai. moorti ke abhav men chitr dvara bhi poojan kiya ja sakata hai.
  • navami ke din snan adi ke pashchath janaki-ram ka shraddhapoorvak poojan karana chahie.
  • 'shri ramay namah' tatha 'shri sitayai namah' mool mntr se pranayam karana chahie.
  • 'shri janaki ramabhyan namah' mntr dvara asan, pady, arghy, achaman, pnchamrit snan, vastr, abhooshan, gandh, sindoor tatha dhoop-dip evn naivedy adi upacharon dvara shriram-janaki ka poojan v arati karani chahie.
  • dashami ke din phir vidhipoorvak bhagavati sita-ram ki pooja-archana ke bad mandap ka visarjan kar dena chahie. is prakar shraddha v bhakti se poojan karane vale par bhagavati sita v bhagavan ram ki kripa prapti hoti hai.[5]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 sita kisaki beti thin (hindi). . abhigaman tithi: 29 mee, 2013.
  2. 3/47/10-1
  3. shaktisvaroopa sita (hindi). . abhigaman tithi: 29 mee, 2013.
  4. 1-1-5
  5. shrisita navami (hindi). . abhigaman tithi: 29 mee, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah