पद्म पुराण  हिन्दी देवनागरी में पढ़ें।

padm puran, gitapres gorakhapur ka avaran prishth

'padm puran' hindoo dharm ke prasiddh dharmik grnthon men vishal puran hai. keval 'skand puran' hi isase bada hai. is puran ke shlokon ki snkhya pachas hazar hai. vaise to is puran se snbndhit sabhi vishayon ka varnan sthan vishesh par a gaya hai, kintu isamen pradhanata upakhyanon aur kathanakon ki hai. ye kathanak tirthon tatha vrat sambandhi nahin hain, varanh pauranik purushon aur rajaon se sambandhit hain. any puranon men yahi kathanak jis roop men prapt hote hain, yahan ye doosare roop men hain. ye akhyan aur upakhyan sarvatha navin, vichitr aur samany pathakon ko chamatkrit kar dene vale hain.

shiv
Shiva

vaishnav puran

'padm puran' pramukh roop se vaishnav puran hai. is puran ki manyata ke anusar 'vishnu' ki upasana ka pratipadan karane vale puran hi satvik hain. is puran men prasngavash shiv ka varnan bhi prapt hota hai. kintu yah varnan sampradayavad se grasit n hokar uttam roop men prastut kiya gaya hai. yadyapi tridev- brahma, vishnu aur mahesh men unhen vishnu se sarvochch nahin mana gaya hai. yadi is puran ko vishnu ki upasana ke karan 'satvik' mana gaya hai to brahma ki upasana karane vale puranon ko 'rajas' shreni men rakha gaya hain isake alava shivopasana se sambandhit puranon ko 'tamas' shreni ka mana gaya hai, jaise- 'shiv puran', 'ling puran', 'koorm puran', 'matsy puran', 'skand puran' aur 'agni puran'.

khand vibhajan

'padm puran' ko panch khandon men vibhajit kiya gaya hai. ye khand is prakar hain-

  1. srishti khand
  2. bhoomi khand
  3. svarg khand
  4. patal khand
  5. uttar khand

upayukt khandon ke atirikt 'brahm khand' aur 'kriyayog sagar khand' ka varnan bhi milata hai, parantu 'narad puran' men jo khand soochi hai, usamen panch hi khand die ge hain. usamen brahm khand aur kriyayog sagar khand ka ullekh nahin hai. pray: panch khandon ka vivechan hi puran sambandhi dharmik pustakon men prapt hota hai. isalie yahan panch khandon par hi prakash dala ja raha hai.

srishti khand

srishti khand men bayasi adhyay hain. yah panch upakhandon- paushkar khand, tirth khand, tritiy parv khand, vnshanukirtan khand tatha moksh khand men vibhajit hai. isamen manushyon ki sat prakar ki srishti rachana ka vivaran hai. sath hi savitri satyavan upakhyan, pushkar adi tirthon ka varnan aur prabhnjan, dharmamoorti, narakasur, kartikey adi ki kathaen hain. isamen pitaron ka shraddhakarm, parvaton, dvipon, sapt sagaron adi ka varnan bhi prapt hota hai. adity shayan aur rohin chandr shayan vrat ko atyant punyashali, mngalakari aur sukh-saubhagy ka soochak bataya gaya hai. tirth mahatmy ke prasng men yah khand is bat ki soochana deta hai ki kisi bhi shukl paksh men mngalavar ke din ya chaturthi tithi ko jo vyakti shraddhapoorvak shraddhakarm karata hai, vah kabhi pret yoni men nahin padata. shriramachandr ji ne apane pita ka shraddh pushkar tirth men jakar kiya tha, isaka varnan bhi prapt hota hai. rameshvaram men jyotirling ki pooja ka ullekh bhi isamen milata hai. kartikey dvara tarakasur ke vadh ki katha bhi isamen prapt hoti hai.

is khand men bataya gaya hai ki ekadashi ke pratidin anvale ke jal se snan karane par aishvary aur lakshmi ki prapti hoti hai. avnle ki mahima ka bakhan karane ke uparant tulasi ki mahima ka bhi varnan hai. tulasi ka paudha ghar men rahane se bhoot-pret, rog adi kabhi pravesh nahin karate. isamen vyas ji gngajal ke ek moolamantr ka bhi varnan karate hain. unake matanusar jo vyakti nimravath mantr ka ek bar jap karake gngajal se snan karata hai, vah bhagavan vishnu ke charanon ka snyog prapt kar leta hai.

mantr is prakar hai, jo srishti khand ke gnga mahatmy-45 men varnit hai-

Om namo gngayai vishvaroopinyai narayanyai namo nam:.

arthath vishv roop vali sakshath narayan svaroop bhagavati gnga ke lie mera barambar pranam hai.

ganesh
Ganesha

gnga ki stuti ke bad shriganesh aur soory ki stuti ki gee hai tatha snkranti kal ke puny phal ka ullekh kiya gaya hai.

bhoomi khand

bhoomi khand men anek akhyan hain. brahmachary, dan, manav dharm adi ka varnan is khand men hai. jain dharm ka vivechan bhi isamen hai. bhoomi khand ke prarambh men shiv sharma brahman dvara pitri bhakti aur vaishnav bhakti ki sundar gatha prastut ki gee hai. isake uparant som sharma dvara bhagavan vishnu ki bhavana yukt stuti hai. isake bad isake uparant som sharma bhagavan vishnu ki bhavana yukt stuti hai. isake bad ven putr raja prithu ke janm evn charitr, gandharv kumar sushnkh dvara mrityu athava yam kanya suniya ko shap, ang ki tapasya, ven dvara vishnu ki upasana aur prithu ke avirbhav ki katha ka pun: avartan, vishnu dvara dan kal ke bhedon ka ven ko upadesh, sukala ki katha, shookar-shookari ki upakhyan, pippal ki pitri tirth prasng men tapasya, sukarma ki pitri bhakti, bhagavan shiv ki mahima aur bhagavan vishnu ko prasann karane vala stotr adi ka ullekh prapt hota hai.

yayati ki jaravastha, kamakanya se bhent tatha putr puroo dvara yauvan dan ki prasiddh katha bhi is khand men di gee hai. ant men guru tirth ke prasng men maharshi chyavan ki katha, kunjal pakshi dvara apane putr ujjval ko gyanavrat aur stotr ka upadesh adi ka varnan bhi is khand men milata he. sath hi 'sharirotpattih' ka bhi sundar vivechan is khand men kiya gaya hai.

svarg khand

svarg khand men basath adhyay hain. isamen pushkar tirth evn narmada ke tat tirthon ka bada hi manohari aur puny dene vala varnan hai. sath hi shakuntala-dushyant upakhyan, grah-nakshatr, narayan, divodas, harishchandr, mandhata adi ke charitron ka atyant sundar varnan yahan prapt hota hai. khand ke prarambh men bharatavarsh ke varnan men kul sat parvaton, ek sau baees nadiyon, uttar bharat ke ek sau paintis tatha dakshin bharat ke ikyavan janapadon aur malechchh rajaon ka bhi isamen varnan hai. isi sandarbh men bis balishth rajaon ki soochi bhi di gee hai. sath hi brahmand ki utpatti ka bhi sundar vivechan hai.

vividh tirthon ke antargat men nagaraj takshak ki janmabhoomi vitata (kashmir), gaya hai ki 'brahm puran' hari ka mastak aur 'padm puran' unaka hriday hai. 'vishnu puran' daeen bhuja, 'shiv puran' baeen bhuja,'shrimadh bhagavat puran' do ankhen, 'narad puran' nabhi, 'markandey puran' dayan charan, 'agni puran' bayan charan, 'bhavishy puran' dayan ghutana, 'brahm vaivart puran' bayan ghutana, 'ling puran' dayan takhana, 'varah puran' bayan takhana, 'skand puran' sharir ke roen, 'vaman puran' tvacha, 'koorm puran' pith, 'matsy puran' meda, 'garud puran' majja aur 'brahmand puran' unaki asthiyan hain.

isi khand men 'ekadashi vrat' ka mahatmy bhi bataya gaya hai. kaha gaya hai ki jitane bhi any vratopavas hain, un sab men ekadashi vrat sabase uttam hai. is upavas se bhagavan vishnu atyant prasann hokar varadan dete hain.

ravan ke vesh men, ramalila kalakar, mathura

patal khand

patal khand men ravan vijay ke uparant ram katha ka varnan hai. shrikrishn ki mahima, krishn tirth, narad ka stri roop akhyanh, ravan tatha any rakshason ka varnan, barah mahinon ke parv aur mahatmy tatha bhoogol sambandhi samagri bhi is khand men upalabdh hoti hai. vastut: is khand men bhagavan vishnu ke 'ramavatar' aur 'krishnavatar' ki lilaon ka hi varnan prapt hota hai.

gnga nadi, haridvar
Ganga River, Haridwar

uttar khand

uttar khand men jalndhar rakshas aur sati patni tulasi vrinda ki katha tatha anek devon evn tirthon ke mahatms ka varnan hai. is khand ka prarambh narad-mahadev ke madhy badrikashram evn narayan ki mahima ke snvad ke sath hota hai. isake pashchath gngavataran ki katha, haridvar ka mahatmy; prayag, kashi evn gaya adi tirthon ka varnan hai.

'padm puran' ki rachana barahavin shatabdi ke bad ki mani jati hai. is puran men nandi dhenu upakhyan, bali-vaman akhyan, tuladhar ki katha adi dvara saty ki mahima ka pratipadan kiya gaya hai. tuladhar katha se pativrat dharm ki shakti ka pata chalata hai. in upakhyanon dvara puranakar ne yahi siddh karane ka prayatn kiya hai ki saty ka palan karate hue sada jivan jina sabhi karmakandon aur dharmik anushthanon se badhakar hai. sadachariyon ko hi 'devata' aur durachariyon tatha pashvik vrittiyan dharan karane vale ko 'rakshas' kaha jata hai. pooja jati ki nahin, gunon ki honi chahie. dharm virodhi pravrittiyon ke nirakaran ke lie prabhu kirtan bahut sahayak hota hai.

any do khand

brahm khand

is khand men purushon ke kalyan ka sulabh upay dharm adi ki vivechan tatha nishiddh tatvon ka ullekh kiya gaya hai. patal khand men ram ke prasng ka kathanak aya hai. isase yah pata chalata hai ki bhakti ke pravah men vishnu aur ram men koee bhed nahin hai. uttar khand men bhakti ke svaroop ko samajhate hue yog aur bhakti ki bat ki gee hai. sakar ki upasana par bal dete hue jalndhar ke kathanak ko vistar se liya gaya hai.

kriyayog sar khand

kriyayog sar khand men krishn ke jivan se sambandhit tatha kuchh any snkshipt baton ko liya gaya hai. is prakar yah khand samanyat: tatv ka vivechan karata hai.

  • padam-puran ke vishay men kaha gaya hai ki yah puran atyant puny-dayak aur papon ka vinashak hai. sabase pahale is puran ko brahma ne pulasty ko sunaya aur unhonne phir bhishm ko aur bhishm ne atyant manoyog se is puran ko suna, kyonki ve samajhate the ki vedon ka marm is roop men hi samajha ja sakata hai.


panne ki pragati avastha
adhar
prarambhik
madhyamik
poornata
shodh

snbndhit lekh

shrutiyan

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah