ब्रह्माण्ड पुराण  हिन्दी देवनागरी में पढ़ें।

samast mahapuranon men 'brahmand puran' antim puran hote hue bhi atyant mahattvapoorn hai. samast brahmand ka sangopang varnan isamen prapt hone ke karan hi ise yah nam diya gaya hai. vaigyanik drishti se is puran ka vishesh mahattv hai. vidvanon ne 'brahmand puran' ko vedon ke saman mana hai. chhand shastr ki drishti se bhi yah uchch koti ka puran hai. is puran men vaidarbhi shaili ka jagah-jagah prayog hua hai. us shaili ka prabhav prasiddh snskrit kavi kalidas ki rachanaon men dekha ja sakata hai. yah puran 'poorv', 'madhy' aur 'uttar'- tin bhagon men vibhakt hai. poorv bhag men prakriya aur anushng namak do pad hain. madhy bhag upodghat pad ke roop men hai jabaki uttar bhag upasnhar pad prastut karata hai. is puran men lagabhag barah hazar shlok aur ek sau chhappan adhyay hain.

kalidas
Kalidasa

poorv bhag

poorv bhag men mukhy roop se naimishiyopakhyan, hiranyagarbh-pradurbhav, dev-rishi ki srishti, kalp, manvantar tatha kritayugadi ke parinam, rudr sarg, agni sarg, daksh tatha shnkar ka paraspar arop-pratyarop aur shap, priyavrat vnsh, bhuvanakosh, gngavataran tatha khagol varnan men soory adi grahon, nakshatron, taraon evn akashiy pindon ka vistar se vivechan kiya gaya hai. is bhag men samudr mnthan, vishnu dvara lingotpatti akhyan, mantron ke vividh bhed, ved ki shakhaen aur manvantaropakhyan ka ullekh bhi kiya gaya hai.

madhy bhag

parashuram
Parashurama

madhy bhag men shraddh aur pind dan sambandhi vishayon ka vistar ke sath varnan hai. sath hi parashuram charitr ki vistrit katha, raja sagar ki vnsh parampara, bhagirath dvara gnga ki upasana, shivopasana, gnga ko prithvi par lane ka vyapak prasng tatha soory evn chandr vnsh ke rajaon ka charitr varnan prapt hota hai.

uttar bhag

  • uttar bhag men bhavi manvantaron ka vivechan, tripur sundari ke prasiddh akhyan jise 'lalitopakhyan' kaha jata hai, ka varnan, bhndasur udbhav katha aur usake vnsh ke vinash ka vrittant adi hain.
  • 'brahmand puran' aur 'vayu puran' men atyadhik samanata prapt hoti hai. isalie 'vayu puran' ko mahapuranon men sthan prapt nahin hai.
  • 'brahmand puran' ka upadeshta prajapati brahma ko mana jata hai. is puran ko pap nashak, puny pradan karane vala aur sarvadhik pavitr mana gaya hai. yah yash, ayu aur shrivriddhi karane vala puran hai. isamen dharm, sadachar, niti, pooja-upasana aur gyan-vigyan ki mahattvapoorn janakari upalabdh hoti hai.
mahabharatakalin bharat ka manachitr
  • is puran ke prarambh men bataya gaya hai ki guru apana shreshth gyan sarvapratham apane sabase yogy shishy ko deta hai. yatha-brahma ne yah gyan vasishth ko, vasishth ne apane pautr parashar ko, parashar ne jatukarny rishi ko, jatukarny ne dvaipayan ko, dvaipayan rishi ne is puran ko gyan apane panch shishyon- jaimini, sumantu, vaishampayan, pelav aur lomaharshan ko diya. lomaharshan soot ji ne ise bhagavan vedavyas se suna. phir naimisharany men ekatrit rishi-muniyon ko soot ji ne is puran ki katha sunaee.
  • puranon ke vividh panchon lakshan 'brahmand puran' men upalabdh hote hain. kaha jata hai ki is puran ka pratipady vishay prachin bharatiy rishi java dvip vartaman men indoneshiya lekar ge the. is puran ka anuvad vahan ke prachin kavi-bhasha men kiya gaya tha jo aj bhi upalabdh hai.
varanasi men gnga nadi ke ghat
Ghats of Ganga River in Varanasi
  • 'brahmand puran' men bharatavarsh ka varnan karate hue puranakar ise 'karmabhoomi' kahakar sambodhit karata hai. yah karmabhoomi bhagirathi gnga ke udgam sthal se kanyakumari tak phaili huee hai, jisaka vistar nau hazar yojan ka hai. isake poorv men kirat jati aur pashchim men mlechchh yavanon ka vas hai. madhy bhag men charon varnon ke log rahate hain. isake sat parvat hain. gnga, sindhu, sarasvati, narmada, kaveri, godavari adi saikadon pavan nadiyan hain. yah desh kuru, panchal, kaling, magadh, shalv, kaushal, keral, saurashtr adi anekanek janapadon men vibhajit hai. yah aryon ki rishibhoomi hai.
  • kal ganana ka bhi is puran men ullekh hai. isake alava charon yugon ka varnan bhi isamen kiya gaya hai. isake pashchath parashuram avatar ki katha vistar se di gee hai. rajavnshon ka varnan bhi atyant rochak hai. rajaon ke gunon-avagunon ka nishpaksh roop se vivechan kiya gaya hai. raja uttanapad ke putr dhruv ka charitr dridh snkalp aur ghor sngharsh dvara saphalata prapt karane ka digdarshan karata hai. gngavataran ki katha shram aur vijay ki anupam gatha hai. kashyap, pulasty, atri, parashar adi rishiyon ka prasng bhi atyant rochak hai. vishvamitr aur vasishth ke upakhyan kafi rochak tatha shikshaprad hain.
  • 'brahmand puran' men chori karane ko mahapap bataya gaya hai. kaha gaya hai ki devataon v brahmanon ki dhan-sampatti, ratnabhooshanon adi ki chori karane vale vyakti ko tatkal mar dalana chahie.

snbndhit lekh

shrutiyan

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah