अक्षमालिकोपनिषद  हिन्दी देवनागरी में पढ़ें।

  • aksharon ki mala jo 'a' varn se prarambh hokar 'ksh' varn par samapt hoti hai, use 'akshamala' kaha jata hai. yah upanishad rigved se sambandhit hai. isamen prajapati brahma aur kumar kartikey (guh) ke prashnottar ko goontha gaya hai.
  • isamen sarvapratham 'akshamala' ke vishay men jigyasa ki gayi hai ki yah kya hai, isake kitane lakshan hain, kitane bhed hai, kitane sootr hain, ise kis prakar goontha jata hai tatha isake adhishthata devata kaun hain?
  • in sabhi prashnon ka uttar is upanishad men diya gaya hai. sath hi phalashruti ka vivechan bhi kiya gaya hai. prashnottar prarambh karane se pahale rishi shantipath karate hain aur paramatma se trividh tapon ki shanti ke lie prarthana karate hain.
  • prarambh men prajapati brahma bhagavan guh (kartikey) se prashn karate hain-'he bhagavan! ap kripa karake akshavidhi batane ki kripa karen ki isaka lakshan kya hain? isake bhed, sootr, goonthane ka prakar, aksharon ka mahattv aur phal ka vivechan karen.'

akshamala kya hai?

  • tab bhagavan guh uttar dete hain-'he brahman! yah akshamala, praval (moonga), moti, sphatik, shnkh, chandi svarn, chandan, putrajivika, kamal evn rudraksh dvara banayi jati hai. ise 'a' se 'ksh' tak ke aksharon se yukt karake vidhipoorvak dharan kiya jata hai. isamen svarn, chandi aur tanbe se nirtit tin sootr hote hain. manakon ke vivar (chhed) men samane ki or svarn, dahine bhag men chandi tatha baen bhag men tanba lagaya jata hai. in manakon ke mukh se mukh ko aur prishth bhag se prishth bhag ko jodana chahie.'
  • inake bhitar ka sootr 'brahm' hai. dahine bhag men 'shiv' hai aur bayen bhag men 'vishnu' hai. mukh 'sarasvati' hai aur prishthabhag 'gayatri' hai. chhidr 'vidya' hai, ganth 'prakriti' hai, svar satvik hone ke karan shubhr-shvet hain aur jo manakon ka sparsh hai, vah satvik aur tamasik bhavon ka mishrit svaroop hai tatha inake atirikt sabhi kuchh rajasi vrittiyon ka karan hai.

is upanishad men age bataya gaya hai ki shuddh man se snanadi karake man ko pnchamrit men dhokar, man ko sparsh karake mrityu ko jitane vale sarvarakshak aur sarvavyapi paramatma ka dhyan karana chahie. parameshvar ka dhyan karate hue ek-ek manake ko chhodakar agale manake par badhate jana chahie. mala poorn hone par prithvi ke samast devataon ko pranam karana chahie.

  • taduparant is lok ki samast chaunsath kalaon ko namaskar karen aur unaki shaktiyon ka ahvan karen. brahma, vishnu aur rudr ka bar-bar vandan karen. samast shaiv, vaishnav aur shakt matavalambiyon ko namaskar karen aur ant men eeshvar se kahen ki is akshamalika men jitane bhi manake hain, prabhu ap unake dvara apane sabhi upasakon ko sukh-samriddhi pradan karen. in manakon ko isi kram men badhakar inaki snkhya ek sau ath karani chahie. meroo men poorvakt ki bhanti 'ksh' akshar hi rahega. is prakar manakon ko ek sootr men pirokar mala taiyar karen.
  • akshamalika ki stuti karane ke pashchath use uthakar v pradakshina karake pun: hath jodakar prarthana karen-'he bhagavati matrishakti! tum sabhi ko vash men karane vali ho. ham tumhen bar-bar naman karate hain. he akshamale! tum sabhi ki gati ko stambhit karane vali ho, tum mrityunjay-svaroopini ho, tum sabhi lokon ki rakshak ho, samast vishv ki pranashakti ho, tum samast prakriti men vidyaman ho, tum sampoorn shaktiyon ko dene vali ho, ham tumhen bar-bar namaskar karate hain.'
  • is upanishad ka prat: kal ke samay men path karane vala ratri men kiye gaye pap krityon se mukt ho jata hai. saynkal men path karane vala din-bhar men kiye papon se mukt ho jata hai. jo donon samay path karata hai, usake sabhi pap nasht ho jate hain.



snbndhit lekh

shrutiyan

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah