ऐतरेयोपनिषद  हिन्दी देवनागरी में पढ़ें।

doosare rigvediy aranyak ke chauthe, panchaven aur chhathe adhyay men 'brahmavidya' ka pramukh roop se ullekh milata hai. isilie ise 'aitareyopanishad' ki manyata di gayi hai. isamen tin adhyay hain.

pratham adhyay

is upanishad ke pratham adhyay men tin khand hain

  1. pahale khand men srishti ka janm,
  2. doosare khand men manav-sharir ki utpatti aur
  3. tisare khand men upasy devon ki kshudha-tripti ke lie ann ke utpadan ka varnan kiya gaya hai.

pratham khand / srishti ki utpatti

pratham khand men rishi kahata hai ki srishti ke arambh men ekamatr 'atma' ka virat jyotirmay svaroop vidyaman tha. tab us atma ne vichar kiya ki srishti ka srijan kiya jaye aur vibhinn lok banaye jayen tatha unake lokapal nishchit kiye jayen. [1] aisa vichar kar atma ne 'ambh', 'marichi', 'mar' aur 'ap:' lokon ki rachana ki.

  • dyulok se pare svarg ki pratishtha rakhane vale lok ko 'ambh' kaha gaya.
  • marichi ko antariksh, arthath prakash lok (dyulok) kaha gaya,
  • prithivi lok ko mar, arthath mrityulok nam diya gaya,
  • prithivi ke niche jaliy garbh ko patalalok (ap:) kaha gaya.

rigved men ap: ko srishti ke mool kriyashil pravah ke roop men vyakt kiya hai. vahi hiranyagarbh roop hai. is hiranyagarbh roop men brahm ka snkalp bij pakakar vishv-roop banata hai. isi hiranyagarbh se virat purush evn usaki indriyon ki utpatti hoti hai aur usaki indriyon se devataon ka srijan hota hai. yahi jivan ka vikas-kram hai. ved hiranyagarbh roop ko prithivi aur dyulok ka adhar svikar karate hain- yah hiranyagarbh roop hi 'ap:' ke madhy se janm leta hai. at: srishti ka adharabhoot havy hai. [2]

  • lokon ki rachana karane ke uparant paramatma ne lokapalon ka srijan karane ki ichchha se ap: (jaliy garbh) se 'hirany purush' ka srijan kiya. sarvapratham hiranyagarbh se ande ke roop ka ek mukh prakat hua. mukh se vakh indri, vakh indri se 'agni' utpann huee. taduparant nak ke chhidr prakat hue. nak ke chhidron se 'pran' aur pran se 'vayu' utpann huee. phir netr utpann hue. netron se chakshu (dekhane ki shakti) prakat hue aur chakshu se 'adity' prakat hua. phir 'tvacha', tvacha se 'rom' aur romon se vanaspati-roop 'aushadhiyan' prakat hueen. usake bad 'hriday', hriday se 'man, 'man se 'chandr' udit hua. taduparant nabhi, nabhi se 'apan' aur apan se 'mrityu' ka pradurbhav hua. phir 'jananendriy, 'jananendriy se 'viry' aur viry se 'ap:' (jal ya srijanashilata) ki utpatti huee.
  • yahan viry se pun: 'ap:' ki utpatti kahi gayi hai. yah ap: hi srishtikarta ka adharabhoot pravah hai. viry se srishti ka 'bij' taiyar hota hai. usi ke pravah men chetana-shakti pun: akar grahan karane lagati hai. sarvapratham yah chetana-shakti hirany purush ke roop men samane ayi. is prakar pratham khand men srishti ki utpatti aur usaki vikas-prakriya ka bijaropan atyant vaigyanik dhng se prastut kiya gaya hai.

dvitiy khand / manav-sharir ki utpatti

dvitiy khand men, manav-sharir ki rachana ka ullekh kiya gaya hai. parameshvar dvara rache gaye agni adi devata is mahasrishti ke anant sagar men doobane-utarane lage. paramatma ne unhen bhookh-pyas se mukt kar diya. tab devon ki yachana par paramatma ne manav-sharir ki rachana ki. yah manav-sharir unake lie ashrayasthal ban gaya. agnidev vakendriy ke madhyam se manushy ke mukh men pravisht ho gaye. vayu ne pran vayu ke roop men nasika ke chhidron men apana ashrayasthal bana liya. soory devata ne netron men apana sthan grahan kiya. dikpal, arthath dishaon ke svami manushy ke kanon men pravesh kar gaye. aushadhiyon v vanaspatiyon ne tvacha ke romon men apana sthan bana liya. chandrama man ke roop men hriday men pravisht kar gaya aur mrityu devata apanavayu ke roop men gudamarg se sharir men pravesh karake nabhipradesh par sthit ho gaya tatha jal devata viry ke roop men jananendriyon men pravesh kar gaye. is prakar eeshvar dvara utpann srishti ke sabhi devata aur lokapal manav-sharir par apana adhikar jamakar baith gaye. thik usi prakar, jaise 'hirany purush' se unaka janm hua tha, manav-sharir men ve unhin sthanon par samavisht ho gaye. unaki bhookh-pyas bhi unhin angon ke madhyam se poori hone lagi. vastut: bhookh-pyas ka koee svatantr astitv nahin hai. vah vibhinn angon-avayavon men sthit dev-shaktiyon ke sath hi snyukt hai.

tritiy khand / ann ki utpatti

tritiy khand men devataon, arthath lokapalon ke lie ann ki vyavastha karane ka ullekh hai. sath hi 'atma' ke manav-sharir men pravesh ka marg bataya gaya hai. paramatma ne devataon ki bhookh-pyas ki santushti ke lie ann ki utpatti ka nirnay kiya. prithivi, jal, agni, vayu aur akash, in pnch mahabhooton ko pakakar ann ka srijan kiya gaya. prarambh men is ann ko devataon ne manushy ki vibhinn indriyon dvara grahan karane ka prayatn kiya, parantu ve ise svikar nahin kar sake. tab ant men mukh ke dvara ise grahan karana sambhav ho saka. tabhi paramatma ko laga ki isamen usaka ansh kahan hai. tab brahm ne manav-sharir ke sir ki kathor sima ko chirakar usamen pravesh kiya. usake pravesh karate hi sampoorn sharir aur sharir men sthit sabhi devagan chaitany ho uthe. balak ke sir men jo komal sthan hai, use hi atma ke pravesh ka marg kaha jata hai. kapal ke isi sthal par 'brahmarandhr' ka sthan hai, jahan pahunchane ke lie yogi yog-sadhana karate hain. ise sahastrar, arthath dal kamal bhi kahate hain. ise 'vidriti' nam se bhi jana jata hai; kyonki is sthal ko vidirn karake hi paramatma ne apane pravesh ka marg banaya tha. tab manav-deh men utpann hue us jiv ne parabrahm parameshvar ka sookshm roop pahachana aur kaha 'idandr' (idamh+d=isako mainne dekh liya), arthath paramatma se sakshatkar ko hi 'idandr' kaha gaya. isi ka doosara roop 'indr' hai, arthath aisi agochar vastu, jise ankhon se dekha n ja sake, keval hriday men jisaka anubhav kiya ja sake. yah sharir nishchit roop se paramatma ka avas hai. is sharir men tin svachalit tantr aur tin granthiyon men atma ka sidha niyantran rahata hai- mastishk men sahastrar, hriday tatha nabhi granthi. inhen hi sharir, brahmand aur param vyom, sthool, sookshm tatha palan ka adhar mana ja sakata hai.

dvitiy adhyay

dvitiy adhyay men ek hi khand hai. isamen jiv ke tin janmon ka vivaran prapt hota hai.

  • jis prakar pakshi ko 'dvij' kaha jata hai, arthath do bar janm lene vala. ek bar vah ande ke roop men mata ke garbh se bahar ata hai, phir vah ande se bahar ata hai.
  • aise hi manushy ke bhi tin janm hote hain.

manushy ke tin janm

  • purush ke sharir men sthit viry men jo shukranu hain, ve purush ki jivani-shakti ke punj hain pahale purush unhen apane sharir men hi poshit karata hai. taduparant vah us viry ko stri ke garbh men pravesh karata hai. garbh men pravesh karane par jiv ka yah 'pratham janm' hota hai.
  • purush ke garbh men purush ka paripak, yah upanishad ki drishti hai. ise maulik drishti kaha ja sakata hai.
  • stri ke garbh men sthapit purush purush ka viry-roop jivatma shanai:-shanai: poshit hokar akar grahan karata hai. poorn poshit hone par stri prasav dvara balak ko janm deti hai. yah jiv ka 'doosara janm' hota hai.
  • yah jiv apane pita ke pratinidhi ke roop men snsar men ayu-bhar apane sampoorn dayitvon ko poorn karata hai. taduparant vah vayovriddh hokar, apane samast laukik kartavyon ko poorn karake is lok se prasthan karata hai. snsari log ise mrityu ka nam dete hain, parantu upanishad ise jiv ka punarjanm, arthath 'tisara janm' manate hain. yahi bat rishi vamadev ne kahi thi-'mainne garbh men hi devataon ke janm rahasy ko jan liya tha. main saikadon lohe ki salakhon vale pinjare men band tha. ab mujhe tattvgyan prapt ho gaya hai. at: main baj pakshi ki bhanti us pinjare ko bhedakar bahar a gaya hoon.' rishi vamadev yah tattvgyan prapt karake svarg men samast sukhon ko bhogate hue amar ho gaye the.

tritiy adhyay

tritiy adhyay men upasy dev ke svaroop ko nishchit kiya gaya hai. jis atma ki ham upasana karate hain, vah kaun hai? jisake dvara yah prani dekhata hai, sunata hai, vividh granthon ko soonghata hai, bolata hai tatha svad ka rasasvadan karata hai, vah atma kaun hai?

atma ka svaroop

  • yah atma hriday aur man ka hi roop hai. samyak gyan, vigyan, adesh, tvarit jan lene ki shakti, buddhi, drishti, dhairy, manisha, veg, smriti, snkalp-shakti, manorath, bhog, pran-shakti, ye sabhi usi ek paramatm-shakti ka sngyan karate hain, jise 'atma' kaha gaya hai.
  • yah atma hi brahm ka svaroop hai. yahi indr hai aur prajapati hai. yahi samast devagan hain aur yahi pnch mahabhoot (prithivi, jal, agni, vayu aur akash) hain. yahi samast jad-chetan men samahit hai. samast lok usi ke ashrit hain. prgya hi usaka vilayasthal hai. at: prgyan hi brahm hai.
  • jo vyakti parameshvar ko is prakar jan leta hai, vah is lok se sidhe svargalok jakar divy bhogon ko prapt kar, ant men amaratv prapt karata hai.


tika tippani aur sndarbh

  1. atma va idamek evagrasinnanyatkinchan mishath. s eekshat lokannu srija iti ॥1॥
  2. s dadhar prithivi dyamuteman .


snbndhit lekh

shrutiyan


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah