वाल्मीकि  हिन्दी देवनागरी में पढ़ें।

snkshipt parichay
valmiki
maharshi valmiki
vnsh-gotr maharshi kashyap aur aditi ke navam putr varun (adity) se inaka janm hua. inaki mata charshani aur bhaee bhrigu the.
rachanaen ramayan
yashakirti snskrit bhasha ke adi kavi aur hinduon ke adi kavy 'ramayan' ke rachayita ke roop men prasiddh hai.
any janakari sita ji ne apane vanavas ka antim kal inake ashram par vyatit kiya. vahin par lav aur kush ka janm hua.

maharshi valmiki snskrit bhasha ke adi kavi aur hinduon ke adi kavy 'ramayan' ke rachayita ke roop men prasiddh hai. maharshi kashyap aur aditi ke navam putr varun (adity) se inaka janm hua. inaki mata charshani aur bhaee bhrigu the. varun ka ek nam prachet bhi hai, isaliye inhen prachetash nam se ullekhit kiya jata hai.[1] upanishad ke vivaran ke anusar ye bhi apane bhaee bhrigu ki bhanti param gyani the. ek bar dhyan men baithe hue varun-putr ke sharir ko dimakon ne apana dhooh (banbi) banakar dhak liya tha. sadhana poori karake jab ye dimak-dhooh se jise valmiki kahate hain, bahar nikale to log inhen valmiki kahane lage.

tamasa nadi ke tat par vyadh dvara kraunch pakshi ke jode men se ek ko mar dalane par valmiki ke munh se vyadh ke lie shap ke jo udgar nikale ve laukik chhnd men ek shlok ke roop men the. isi chhnd men unhonne narad se suni ram ki katha ke adhar par ramayan ki rachana ki. kuchh logon ka anuman hai ki ho sakata hai, mahabharat ki bhanti ramayan bhi samay-samay par kee vyaktiyon ne likhi ho aur atim roop kisi ek ne diya ho aur vah valmiki ki shishy parnpara ka hi ho.

valmiki dakoo ?

jis valmiki ke dakoo ka jivan bitane ka ullekh milata hai, use ramayan ke rachayita se bhinn mana jata hai. pauranik vivaran ke anusar yah ratnakar nam ka dasyu tha aur yatriyon ko marakar unake dhan se apana parivar palata tha. ek din naradaji bhi inake chakkar men pad ge. jab ratnakar ne unhen bhi marana chaha to narad ne poochha-jis parivar ke lie tum itane aparadh karate ho, kya vah tumhare papon ka bhagidar banane ko taiyar hai ? ratnakar narad ko ped se bandhakar is prashn ka uttar janane ke lie ghar gaya. vah yah janakar stabdh rah gaya ki parivar ka koee bhi vyakti usake pap ka bhagidar banane ko taiyar nahin hai. lautakar usane narad ke charan pakad lie aur dakoo ka jivan chhodakar tapasya karane laga. isi men usake sharir ko dimakon ne apana ghar banakar dhak liya, jisake karan yah bhi valmiki ke nam se prasiddh hua.

dimak ya chintiyon ki banbi
Molehill Of Termites Or Ants

'mara' ya 'ram'

ek any vivaran ke anusar inaka nam agnisharma tha aur inhen har bat ulatakar kahane men ras ata tha. isalie rishiyon ne dakoo jivan men inhen 'mara' shabd ka jap karane ki ray di. terah varsh tak mara ratate-ratate yahi 'ram' ho gaya. bihar ke chnparan zile ka bhainsa lotan ganv valmiki ka ashram tha jo ab valmiki nagar kahalata hai.

katha

maharshi valmiki pahale ka nam ratnakar tha. inaka janm pavitr brahman kul men hua tha, kintu dakuon ke snsarg men rahane ke karan ye loot-pat aur hatyaen karane lage aur yahi inaki ajivika ka sadhan ban gaya. inhen jo bhi marg men mil jata, ye usaki sampatti loot liya karate the. ek din inaki mulaqat devarshi narad se huee. inhonne narad ji se kaha ki 'tumhare pas jo kuchh hai, use nikalakar rakh do! nahin to jivan se hath dhona padega.' devarshi narad ne kaha- 'mere pas is vina aur vastr ke atirikt hai hi kya? tum lena chaho to inhen le sakate ho, lekin tum yah kroor karm karake bhaynkar pap kyon karate ho? devarshi ki komal vani sunakar valmiki ka kathor hriday kuchh dravit hua. inhonne kaha- bhagavanh! meri ajivika ka yahi sadhan hai. isake dvara main apane parivar ka bharan-poshan karata hoon.' devarshi bole- 'tum jakar pahale apane parivar valon se poochhakar aon ki ve tumhare dvara keval bharan-poshan ke adhikari hain ya tumhare pap-karmon men bhi hissa batayenge. tumhare lautane tak ham kahin nahin jaynge. yadi tumhen vishvas n ho to mujhe is ped se bandh do.' devarshi ko ped se bandh kar ye apane ghar gaye. inhonne bari-bari se apane kutumbiyon se poochha ki 'tum log mere papon men bhi hissa loge ya mujh se keval bharan-poshan hi chahate ho.' sabhi ne ek svar men kaha ki 'hamara bharan-poshan tumhara kartavy hai. tum kaise dhan late ho, yah tumhare sochane ka vishay hai. ham tumhare papon ke hissedar nahin banenge.' apane kutumbiyon ki bat sunakar valmiki ke hriday men aghat laga. unake gyan netr khul gaye. unhonne jaldi se jngal men jakar devarshi ke bandhan khole aur vilap karate hue unake charanon men pad gaye. narad ji ne unhen dhairy bndhaya aur ram-nam ke jap ka upadesh diya, kintu poorvakrit bhaynkar papon ke karan unase ram-nam ka uchcharan nahin ho paya. tadanantar narad ji ne soch-samajhakar unase mara-mara japane ke liye kaha.

lav kush ko ramayan ka gyan dete hue valmiki

bhagavannam ka nirantar jap karate-karate valmiki ab rishi ho gaye. unake pahale ki kroorata ab pranimatr ke prati daya men badal gayi. ek din inake samane ek vyadh ne kraunch pakshi ke ek jode men se ek ko mar diya, tab dayalu rishi ke mukh se vyadh ko shap dete hue ek shlok nikala. vah snskrit bhasha men laukik chhandon men pratham anushtup chhand ka shlok tha. usi chhand ke karan valmiki adikavi hue. inhonne hi ramayan roopi adikavy ki rachana ki. vanavas ke samay bhagavan shri ram ne svayn inhen darshan dekar kritarth kiya. sita ji ne apane vanavas ka antim kal inake ashram par vyatit kiya. vahin par lav aur kush ka janm hua. valmiki ji ne unhen ramayan ka gan sikhaya. is prakar nam-jap aur satsng ke prabhav se valmiki dakoo se brahmarshi ho gaye.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. hindoo dharm kosh |prakashak: uttar pradesh hindi snsthan, lakhanoo |snpadan: daau. rajabali pandey |prishth snkhya: 857 |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah