शत्रुघ्न  हिन्दी देवनागरी में पढ़ें।

ram, lakshman, bharat aur shatrughn ke vesh men ramalila kalakar, mathura

shatrughn ayodhya ke raja dasharath ke chauthe putr aur ram ke chhote bhaee the. valmiki ramayan men varnit hai ki ayodhya ke raja dasharath ki tin raniyan thin- kaushalya, kaikeyi aur sumitra. kaushalya se ram, kaikee se bharat aur sumitra se lakshman evn shatrughn utpann hue the. shatrughn ne madhupuri (adhunik mathura) ke shasak lavanasur ko marakar madhupuri ko phir se basaya tha. shatrughn kam se kam barah varsh tak madhupuri nagari evn pradesh ke shasak rahe.

charitr

shatrughn ka charitr atyant vilakshan tha. ye maun sevavrati the. bachapan se bharat ka anugaman tatha seva hi inaka mukhy vrat tha. ye mitabhashi, sadachari, satyavadi, vishay-viragi tatha bhagavan shri ram ke dasanudas the. jis prakar lakshman hath men dhanush lekar ram ki raksha karate hue unake pichhe chalate the, usi prakar shatrughn bhi bharat ke sath rahate the. jab bharat ke mama yudhajit bharat ko apane sath le ja rahe the, tab shatrughn bhi unake sath nanihal chale gaye. inhonne mata-pita, bhaee, nav-vivahita patni sabaka moh chhodakar bharat ke sath rahana aur unaki seva karana hi apana kartavy man liya tha.

bhrata premi

shatrughn bhi apane any bhaeeyon ke saman hi ram se bahut sneh karate the. jab bharat ke sath nanihal se lautane par unhen pita ke maran aur lakshman, sita sahit shri ram ke vanavas ka samachar mila, tab inaka hriday du:kh aur shok se vyakul ho gaya. usi samay inhen soochana mili ki jis kroora aur papini ke shadyantr se shri ram ko vanavas hua, vah vastrabhooshanon se saj-dhajakar khadi hai, tab ye krodh se vyakul ho gaye. ye manthara ki choti pakadakar use angan men ghasitane lage. inake lat ke prahar se usaka koobar toot gaya aur sir phat gaya usaki dasha dekhakar bharat ko daya a gayi aur unhonne use chhuda diya. is ghatana se shatrughn ki shri ram ke prati dridh nishtha aur bhakti ka parichay milata hai.

chitrakoot se shri ram ki padukaen lekar lautate samay jab shatrughn shri ram se mile, tab inake tez svabhav ko janakar bhagavan shri ram ne kaha- 'shatrughn! tumhen meri aur sita ki shapath hai, tum mata kaikeyi ki seva karana, un par kabhi bhi krodh mat karana'.

parakrami vyaktitv

shatrughn ka shaury bhi anupam tha. sita-vanavas ke bad ek din rishiyon ne bhagavan shri ram ki sabha men upasthit hokar lavanasur ke atyacharon ka varnan kiya aur usaka vadh karake usake atyacharon se mukti dilane ki prarthana ki. shatrughn ne bhagavan shri ram ki agya se vahan jakar prabal parakrami lavanasur ka vadh kiya aur madhupuri basakar vahan bahut dinon tak shasan kiya. bhagavan shri ram ke paramadham padharane ke samay mathura men apane putron ka rajyabhishek karake shatrughn ayodhya pahunche. shri ram ke pas akar aur unake charanon men pranam karake inhonne vinit bhav se kaha- 'bhagavan! main apane donon putron ko rajyabhishek karake apake sath chalane ka nishchay karake hi yahan aya hoon. ap ab mujhe koee doosari agya n dekar apane sath chalane ki anumati pradan karen.' bhagavan shri ram ne shatrughn ki prarthana svikar ki aur ve shri ramachandr ke sath hi saket padhare.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah