ऋष्यमूक  हिन्दी देवनागरी में पढ़ें।

rishyamook parvat valmiki ramayan men varnit vanaron ki rajadhani kishkindha ke nikat sthit tha. isi parvat par shri ram ki hanuman se bhent huee thi. bad men hanuman ne ram aur sugriv ki bhent karavaee, jo ek atoot mitrata ban gee. jab mahabali bali ne apane bhaee sugriv ko marakar kishkindha se bhaga to vah rishyamook parvat par hi akar chhipakar rahane laga tha.

ram-hanuman mitrata sthal

rishyamook parvat ramayan ki ghatanaon se sambaddh dakshin bharat ka pavitr parvat hai. viroopaksh mandir ke pas se rishyamook parvat tak ke lie marg jata hai. yahin sugriv aur ram ki maitri huee thi. yahan tungabhadra nadi dhanush ke akar men bahati hai. sugriv kishkindha se nishkasit hone par apane bhaee bali ke dar se isi parvat par chhipakar rahata tha. usane sita haran ke pashchath ram aur lakshman ko isi parvat par pahali bar dekha tha-

'tavrishyamookasy samipachari charanh dadarshadbhut darshaniyau,
shakhamriganamadhipastarashchi vitatrase naiv vicheshtacheshtamh'[1]

arthath "rishyamook parvat ke samip bhraman karane vale ativ sundar ram-lakshman ko vanar raj sugriv ne dekha. vah dar gaya aur unake prati kya karana chahie, is bat ka nishchay n kar saka."

tirth sthal

tungabhadra nadi men pauranik chakratirth mana gaya hai. pas hi pahadi ke niche shri ram mandir hai. pas ki pahadi ko 'matng parvat' mana jata hai. isi parvat par matng rishi ka ashram tha. pas hi chitrakoot aur jalendr nam ke shikhar bhi hain. yahin tungabhadra ke us par dundubhi parvat dikhaee deta hai, jisake sahare sugriv ne shri ram ke bal ki pariksha karayi thi. in sthanon men snan aur dhyan karane ka vishesh mahattv hai. shrimadbhagavat men bhi rishyamook ka ullekh hai-

'sahyodevagirirhrishyamook: shrishailo vainkato mahendro varidharo vindhy:.'[2]

tulasiramayan, kishkindha kand men rishyamook parvat par ram-lakshman ke pahunchane ka is prakar ullekh hai-

'age chale bahuri raghuraya, rishyamook parvat niyaraya.'

dakshin bharat men prachin vijayanagar samrajy ke khndaharon athava hampi men viroopaksh mandir se kuchh hi door par sthit ek parvat ko rishyamook kaha jata hai. janashruti ke anusar yahi ramayan ka rishyamook hai. mndir ko ghere hue tungabhadra nadi bahati hai. rishyamook tatha tungabhadra ke ghere ko chakratirth kaha jata hai. chakratirth ke uttar men rishyamook aur dakshin men shri ram ka mndir hai. mndir ke nikat soory aur sugriv adi ki moortiyan sthapit hain. prachin kishkindha nagari ki sthiti yahan se 2 mil (lagabhag 3.2 ki.mi.) door, tungabhadra nadi ke vamatat par, anagundi namak gram men mani jati hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  • aitihasik sthanavali | prishth snkhya= 108- 109| vijayendr kumar mathur | vaigyanik tatha takaniki shabdavali ayog | manav snsadhan vikas mntralay, bharat sarakar


  1. kishkindha., 1,128
  2. shrimadbhagavat 5,19,16

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah