सगर  हिन्दी देवनागरी में पढ़ें।

Disamb2.jpg sagar ek bahuvikalpi shabd hai any arthon ke lie dekhen:- sagar (bahuvikalpi)
  • raja dasharath ke poorvajon men raja sagar hue the. sagar ke pita ka nam asit tha. ve atynt parakrami the. haihay, talajngh, shoor aur shashabindu namak raja unake shatru the. unase yuddh karate-karate rajy tyagakar unhen apani do patniyon ke sath himalay bhag jana pada. vahan kuchh kal bad unaki mrityu ho gayi. unaki donon patniyan garbhavati thin. unamen se ek ka nam kalindi tha. kalindi ki sntan nasht karane ke lie usaki saut ne usako vish de diya. kalindi apani sntan ki raksha ke nimitt bhriguvnshi maharshi chyavan ke pas gayi. maharshi ne use ashvasan diya ki usaki kokh se ek pratapi balak vish ke sath (s+gar) janm lega. at: usake putr ka nam sagar pada.[1]
  • sagar ayodhya nagari ke raja hue. ve sntan prapt karane ke ichchhuk the. unaki sabase badi rani vidarbh naresh ki putri keshini thi. doosari rani ka nam sumati tha. donon raniyon ke sath raja sagar ne himavan ke prastravan giri par tap kiya. prasann hokar bhrigu muni ne unhen varadan diya ki ek rani ko vnsh chalane vale ek putr ki prapti hogi aur doosari ke sath hazar vir utsahi putr honge. badi rani ke ek putr aur chhoti ne sath hazar putron ki kamana ki. keshini ka asamnjas namak ek putr hua aur sumati ke garbh se ek toonba nikala jisake phatane par sath hazar putron ka janm hua. asamnjas bahut dusht prakriti ka tha. ayodhya ke bachchon ko satakar prasann hota tha. sagar ne use apane desh se nikal diya. kalantar men usaka putr hua, jisaka nam anshuman tha. vah vir, madhurabhashi aur parakrami tha.[2]
  • raja sagar ne vindhy aur himalay ke madhy ygy kiya. sagar ke pautr anshuman ygy ke ghode ki raksha kar rahe the. jab ashvavadh ka samay aya to indr rakshas ka roop dharan kar ghoda chura le gaye. sagar ne apane sath hazar putron ko agya di ki ve prithvi khod-khodakar ghode ko dhoondh layen. jab tak ve nahin lautenge, sagar aur anshuman diksha liye ygyshala men hi rahenge. sagar-putron ne prithvi ko buri tarah khod dala tatha jntuon ka bhi nash kiya. devatagan brahma ke pas pahunche aur bataya ki prithvi aur jiv-jntu kaise chilla rahe hain. brahma ne kaha ki prithvi vishnu bhagavan ki stri hain ve hi kapil muni ka roop dharan kar prithvi ki raksha karenge. sagar-putr nirash hokar pita ke pas pahunche. pita ne rusht hokar unhen phir se ashv khojane ke lie bheja. hazar yojan khodakar unhonne prithvi dharan karane vale viroopaksh namak diggaj ko dekha. usaka samman kar phir ve age badhe. dakshin men mahapadm, uttar men shvetavarn bhadr diggaj tatha pashchim men somanas namak diggaj ko dekha. taduparant unhonne kapil muni ko dekha tatha thodi doori par ashv ko charate hue paya. unhonne kapil muni ka niradar kiya, phalasvaroop muni ke shap se ve sab bhasm ho gaye. bahut dinon tak putron ko lautata n dekh raja sagar ne anshuman ko ashv dhoondhane ke lie bheja. ve dhoondhane-dhoondhate ashv ke pas pahunche jahan sab chachaon ki bhasm ka stoop pada tha. jaladan ke lie asapas koee jalashay bhi nahin mila. tabhi pakshiraj garud udate hue vahan pahunche aur kaha ki 'ye sab kapil muni ke shap se hua hai, at: sadharan jaladan se kuchh n hoga. gnga ka tarpan karana hoga. is samay tum ashv lekar jao aur pita ka ygy poorn karo.' unhonne aisa hi kiya.[3]

mahabharat ke anusar

ikshvakuvnsh men sagar namak prasiddh raja ka janm hua tha. unaki do raniyan thin- vaidarbhi tatha shaivya. ve donon apane roop tatha yauvan ke karan bahut abhimanini thin. dirghakal tak putr-janm n hone par raja apani donon raniyon ke sath kailas parvat par jakar putrakamana se tapasya karane lage. shiv ne unhen darshan dekar var diya ki ek rani ke sath hazar abhimani shooravir putr prapt honge tatha doosari se ek vnshadhar parakrami putr hoga. kalantar men vaidarbhi ne ek toonbi ko janm diya. raja use phenk dena chahate the kintu tabhi akashavani huee ki is toonbi men sath hazar bij hain. ghi se bhare ek-ek matake men ek-ek bij surakshit rakhane par kalantar men sath hazar putr prapt honge. ise mahadev ka vidhan manakar sagar ne unhen vaise hi surikshat rakha tatha unhen sath hazar uddhat putron ki prapti huee. ve kroorakarmi balak akash men bhi vichar sakate the. tatha sab ko bahut tng karate the. shaivya ne asamnjas namak putr ko janm diya. vah puravasiyon ke durbal bachchon ko gardan se pakadakar mar dalata tha. at: raja ne usaka parityag kar diya. asamnjas ke putr ka nam anshuman tha. raja sagar ne ashvamedh ygy ki diksha li. usake sath hazar putr ghode ki suraksha men lage hue the tathapi vah ghoda sahasa adrishy ho gaya. usako dhoondhate hue vaidarbhi putron ne prithvi men ek darar dekhi. unhonne vahan khodana prarnbh kar diya. nikatavarti samudr ko isase bahut pida ka anubhav ho raha tha. hazaron nag, asur adi us khudaee men mare gaye. phir unhonne samudr ke poorvavarti pradesh ko phodakar patal men pravesh kiya jahan par ashv vichar raha tha aur usake pas hi kapil muni tapasya kar rahe the. harsh ke aveg men unase muni ka niradar ho gaya, at: muni ne apani drishti ke tez se unhen bhasm kar diya. narad ne yah kusnvad raja sagar tak pahunchaya. putr-vichhoh se dukhi raja ne ashunman ko bulakar ashv ko lane ke lie kaha. anshuman ne kapil muni ko pranam kar apane shil ke karan unase do var prapt kiye. pahale var ke anusar use ashv ki prapti ho gayi tatha doosare var se pitaron ki pavitrata mangi. kapil muni ne kaha-'tumhare pratap se mere dvara bhasm kiye gaye tumhare pitar svarg prapt karenge. tumhara pautr shiv ko prasann kar sagar-putron ki pavitrata ke lie svarg se gnga ko prithvi par le ayega.' anshuman ke lautane par sagar ne ashvamedh ygy poorn kiya.[4]

shrimadh bhagavat ke anusar

rohit ke kul men bahuk ka janm hua. shatruon ne usaka rajy chhin liya. vah apani patni sahit van chala gaya. van men budhape ke karan usaki mrityu ho gayi. usake guru orv ne usaki patni ko sati nahin hone diya kyonki vah janata tha ki vah garbhavati hai. usaki sauton ko gyat hua to unhonne use vish de diya. vish ka garbh par koee prabhav nahin pada. balak vish (gar) ke sath hi utpann hua, isalie 'sagar' kahalaya. bada hone par usaka vivah do raniyon se hua- sumati tatha keshini. sagar ne ashvamedh ygy kiya. indr ne usake ygy ka ghoda chura liya tatha tapasvi kapil ke pas le jakar khada kiya. udhar sagar ne sumati ke putron ko ghoda dhoondhane ke lie bheja. sath hazar rajakumaron ko kahin ghoda nahin mila to unhonne sab or se prithvi khod dali. poorv-uttar disha men kapil muni ke pas ghoda dekhakar unhonne shastr uthaye aur muni ko bura-bhala kahate hue udhar badhe. phalasvaroop unake apane hi shariron se ag nikali jisane unhen bhasm kar diya. keshini ke putr ka nam asamnjas tatha asamnjas ke putr ka nam anshuman tha. asamnjas poorvajanm men yogabhrasht ho gaya tha, usaki smriti khoyi nahin thi, at: vah sabase virakt rah vichitr kary karata raha tha. ek bar usane bachchon ko sarayoo men dal diya. pita ne rusht hokar use tyag diya. usane apane yogabal se bachchon ko jivit kar diya tatha svayn van chala gaya. yah dekhakar sabako bahut pashchattap hua. raja sagar ne apane pautr anshuman ko ghoda khojane bheja. vah dhoondhata-dhoondhata kapil muni ke pas pahuncha. unake charanon men pranam kar usane vinayapoorvak stuti ki. kapil se prasann hokar use ghoda de diya tatha kaha ki bhasm hue chachaon ka uddhar gngajal se hoga. anshuman ne jivanaparynt tapasya ki kintu vah gnga ko prithvi par nahin la paya. tadanntar usake putr dilip ne bhi asaphal tapasya ki. dilip ke putr bhagirath ke tap se prasann hokar gnga ne prithvi par ana svikar kiya. gnga ke veg ko shiv ne apani jataon men snbhala. bhagirath ke pichhe-pichhe chalakar gnga samudr tak pahunchi. samudr-sngam par pahunchakar usane sagar ke putron ka uddhar kiya. sab log gnga se apane pap dhote hain. un papon ke bojh se bhi gnga mukt rahati hai. virakt manushyon men bhagavan nivas karata hai, at: unake snan karane se gngajal men ghule sab pap nasht ho jate hain.[5]

brahm puran ke anusar

raja bahu durvyasani tha. haihay tatha talajngh ne shak, parad, yavan, kanboj aur pallav ki sahayata se usake rajy ka apaharan kar liya. bahu ne van men jakar pran tyag kiye. usaki garbhavati patni sati hona chahati thi. garbhavati patni ko usaki saut ne vish de diya tha, kintu usaki mrityu nahin huee thi) bhriguvnshi aurv ne dayavash use bacha liya. muni ke ashram men hi usane vish ke sath hi putr ko janm diya jisaka nam sagar pada. aurv ne use shastrastr vidya sikhayi tatha agneyastr bhi diya. sagar ne haihay ke sahayakon ko parajit karake nash karana anrabh kar diya. ve vasishth ki sharan men gaye. vasishth ne sagar se unhen kshama karane ke lie kaha. sagar ne apani pratigya yad karake unamen se kinhin ka poora, kinhin ka adha sir, kinhin ki dadhi adi mundavakar chhod diya. sagar ne ashvamedh ygy kiya. ghoda samudr ke nikat apahry ho gaya. sagar ne putron ko samudr ke nikat khodane ke lie kaha. ve log khodate hue us sthan par pahunche jahan vishnu, kapil adi so rahe the. nidra bhng hone ke karan vishnu ki drishti se sagar ke char chhodakar sab putr nasht ho gaye. barhiketu, suketu, dharmarath tatha pnchanad- in char putron ke pita sagar ko narayan ne var diya ki usaka vnsh akshay rahega tatha samudr sagar ka putratv prapt karega. samudr bhi raja sagar ki vndana karane laga. putr-bhav hone se hi vah sagar kahalaya.[6]

shiv puran ke anusar

raja bahu rat-din striyon ke bhog-vilas men rahata tha. ek bar haihay, talajngh tatha shak rajaon ne us vilasi ko parast kar rajy chhin liya. bahu arj muni ke sharan men pahuncha. usaki badi rani garbhavati ho gayi. sauton ne use vish de diya. bhagavan ki kripa se rani tatha usaka garbhasth shishu to bach gaye kintu achanak raja ki mrityu ho gayi. garbhavati rani ko muni ne sati nahin hone diya. usane jis balak ko janm diya, vah sagar kahalaya kyonki vah vish se yukt tha. man aur muni ko prerana se vah shiv bhakt ban gaya. usane ashvamedh ygy bhi kiya. usaka ghoda indr ne chhipa liya. usake sath sahastr putr ghoda dhoondhate hue kapil muni ke pas pahunche. ve tap kar rahe the tatha ghoda vahan bndha hua tha. unhonne muni ko chor samajhakar un par prahar karana chaha. muni ne netr khole to sab vahin bhasm ho gaye. doosari rani se utpann pnchajany, jisaka doosara nam 'asamnjas' tha, shesh rah gaya tha. usake putr ka nam anshuman hua jisane ghoda lakar diya aur ygy poorn karavaya.[7]

pum charit ke anusar

tridnshajay ke doosare pote ka nam sagar tha. chakraval nagar ke adhipati poornadhan ke putr ka nam meghavahan tha. vah usaka vivah sulochan ki putri se karana chahata tha. kintu sulochan apani kanya ka vivah sagar se karana chahata tha. kanya ko nimitt banakar poornadhan aur sulochan ka yuddh hua. sulochan mara gaya kintu usake putr sahastranayan apani bahan ko sath lekar bhag gaya. kalantar men usane raja sagar ko apani bahan arpit kar di. poornadhan ki mrityu ke uparant meghavahan ko lnka jane ke lie prerit kiya. bhim ne meghavahan ko lnka ke adhipati-pad par pratishthit kiya. ek bar raja sagar ke sath hazar putr, ashtapad parvat par vndan hetu gaye. vahan devarchan ityadi ke uparant bharat nirmit chaityabhvan ki raksha ke hetu unhanne dndaratn se gnga ko madhy men prahar karake parvat ke charon or 'parikha' taiyar ki. nagendr ne krodh-roopi agni se sagar-putron ko bhasm kar diya. unamen se bhim aur bhagirath, do putr apane dharm ki dridhata ke karan se bhasm nahin ho paye. un logon ke lautane par sab samachar janakar chakravarti raja sagar ne bhagirath ko rajy saunp diya tatha svayn jinavar se diksha grahan karake moksh-pad prapt kiya.[8]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. balmiki ramayan, balakand, 70.27-37
  2. balmiki ramayan, bal kand, 38.1-24
  3. balmiki ramayan, bal kand, 39.1-26,40.1-30, 41.1-27
  4. mahabharat, vanaparv, adhyay 106, 107
  5. shrimadh bhagavat, navam skndh, adhyay 8,9.1-15/ shiv puran, 4.3.
  6. brahm puran 8.33-61
  7. shiv puran, 11.21
  8. pum charit, 5.62-202.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah