पुरूरवा  हिन्दी देवनागरी में पढ़ें।

Disamb2.jpg puroorava ek bahuvikalpi shabd hai any arthon ke lie dekhen:- puroorava (bahuvikalpi)

pururava ya 'puroorava' prachin samay ke prasiddh raja the, jo ila ke putr the. inaki rajadhani pratishthanapur men gnga nadi ke tat par prayag men thi. puroorava budh[1] tatha ila[2] ke putr the.[3] haravnsh tatha any puranon ke anusar devaguru brihaspati ki patni tara aur chndrama ke snyog se budh utpann hue jo chndravnsh ke adi purush the. budh ka ila ke sath vivah hua, jisake garbh se puroorava utpann hue, jo bade buddhiman tatha roopavan the.[4] narad ke mukh se devasabha men inake gunon ka bakhan sunakar urvashi in par mugdh ho gee, aur vah bhoo-lok par ane ke lie lalayit ho uthi. rigved tatha shrimadbhagavat men pururava ki katha thode-se antar ke sath ati hai.

rigved ke anusar

rigved men svarg ki apsara urvashi aur martyalok ke pururava ke prem prasng ki ajar-amar katha indralok aur prithvilok ke antarsabndhon ki spasht jhalak prastut karati hai.

katha

jab indr ki sabha men pururava ki charcha urvashi ne suni, to vah man hi man usaki or akrisht huee. prithvilok ke manav ki or premakarshan se mitr aur varun ne krodhavash use mrityulok men jane ka shap de dala. bhoo-lok men param kantimay aur dev svaroop ila ka putr pururava urvashi par asakt ho gaya. usane us anindy sundari ko apani jivan sngini bana liya. lekin devalok se chyut urvashi ne tin sharten rakhi-

  1. pururava usaki sahamati se hi samagam kar sakega
  2. nagn roop men kabhi bhi dikhaee nahin dega
  3. ek din men tin bar se adhik alingan nahin karega.

gandharvon ka shadayntr

pururava ke lie ye sharten samany thin, aur unamen snyam-maryada nihit thi. isilie usane han kar di. ab donon sukhapoorvak rahane lage. urvashi ke shayanakaksh men do mesh (medhe) the, jinhen vah putravat manati thi. devata gan aur indr svarg men apratim saundary ki devi urvashi ke abhav men du:khi rahane lage. ve use svarg vapis lane ki yuktiyan sochane lage. ek din vishvavasu aur anay gandharv chupake se urvashi ke meshon ka apaharan karane a ge. shayanakaksh men urvashi ne shor macha diya. pururava uthe aur meshon ko gandharvon se chhin liya. tabhi yojana ke anusar gandharvon ne vahan maya se prakash phaila diya aur urvashi ne pururava ko nagnavastha men dekh liya. krodh se urvashi shart ke mutabik svarg chali gee. pururava use dhoondhata raha. ek din premadagdh aur virah se vihal pururava kurukshetr men vishvayojana namak ramanik sarovar tat par pahuncha. usane sarovar men apoorv hnsiniyon ko jal krida men magn hote dekha. vastav men ve sab svarg ki apsaraen thi, jo jal vihar ke lie utari thin.

urvashi se bhent

pururava unaki krida dekh vibhor hota raha. ant men kuchh samay pashchath ve hnsiniyan apsara ke roop men a geen, lekin abhi ek hnsini jal men hi baithi thi aur pururava ko nihar rahi thi. vah urvashi apsara thi. usane virahadagdh pururava ko apani vivashata bataee ki svarg se ana usake lie sambhav nahin. isilie vah apana raj-kaj sambhale aur use bhool jaye. urvashi ne use jivit rahane ki prerana di aur dyulok men vilin ho gee. jate samay vah kah gee ki vah garbhavati hai aur ek sal bad apani santan ko dekhane ke lie ae. ek ratri usake sath vyatit kare aur apane putr ko sath lekar jae. usane bataya ki devataon ka kathan hai ki pururava mrityunjay ho jayega aur ygy karake antat: svarg prapti ka adhikari banega.

gandharvon ka upakar

ek varsh vyatit hone par pururava urvashi se milane ke lie gaya. usake alaukik prem par dev aur gandharv mugdh ho ge. unhonne use pavitr agni di ki usase ygy karane par vah pavitr ho jaega. tab vah svarg men rah sakega. thali men sthapit dev agni aur putr ko lekar pururava prithvi par laut aya. ate samay usane vah thali aur agni kahin bhool se jngal men hi chhod di. jab dubara inako lene aya to ve nahin milin. thali shami vriksh aur puny agni ashvatth (pipal) ban ge tatha shami ke garbh men ashvatth sthit ho ge. pururava vikshipt-sa ghoomata raha. tabhi unaki vihvalata dekhakar gandharvon ne darshan die aur kaha ki khoee vastu prapt nahin hoti hai, tumhare agyanavash yah sab hua. ygykarm se pun: kuchh prapt kar sakate ho. gandharvon ne use ygy ki vidhi bata di. pururava ne ashvatth ki araniyon ke mnthan se ygy ki agni prapt ki. ygy karake vah gandharv bana. gandharv prasann hue ki pururava ke paurush se agni tin puny anshon men sthapit huee-ahvaniy agni, garhapaty agni aur dakshin agni. kshatriy kul ka hote hue bhi usane brahmanatv ko gauravanvit kiya. gandharvon ke varadan se vah soory ke samakaksh pratishthit hua. urvashi pavitr usha jal (osavindu) ke saman aur unhen vanchhit putr ayu kumar ke roop men prapt hua aur digh dignt men-dev, gandharv, mrityu lok men unaki premagatha ajar-amar huee.[5]

shrimadbhagavat ke anusar

shrimadbhagavat aur puranon men bhi rigved men aee pururava ki katha mamooli se parivartan ke sath ati hai. ila ka vivah buddh se hua tha. usake divy santan huee aur usaka nam pururava rakha gaya. indr sabha ki apsara ne pururava ke saundary ki bat suni to kamasakt hokar milane ki lalasa se usake pas pahunchi. pururava bhi usake apratim saundary par rijh gaya. urvashi ne usake sath sahavas svikar kar liya, lekin do sharten rakhin ki vah usake do mesh ke shishuon ki dekhabhal karega, doosare samagam ke atirikt kabhi nagn, nirvastr nahin dikhega. kuchh samay bad svarg men urvashi jaisi apsara nahin dikhaee di, to indr aur devata udas ho gaye. unhen gyat ho gaya ki vah pururava ke pas premasakt ho rahati hai.

tab indr ne gandharvon ko use vapis lane ke lie bhoo-lok par bheja. unhonne tarakib nikali, ki urvashi ke kaksh se mesh ke bachche chura len. avaz sun pururava nagn ayega, to urvashi ke dekhane matr se vah svarg chali aegi. gandharvon ne jab bachche churae, to ve mimiyane lage. pururava urvashi donon jag ge. pururava ne bachche churate gandharvon se chhin lie. lekin urvashi ne pururava ko nirvastr dekh liya, isase ruthakar vah indr sabha men laut gee. premavikshapt pururava ko kuchh samay pashchath urvashi any apsaraon ke sath van vihar karati mili. usane kaha ki vah ek varsh ke pashchath usase bhent kare, kyonki us samay vah garbhavati thi. pururava ko pata chal gaya ki usane putr ko janm diya hai. usane gandharvon ki stuti kar use sadaiv ke lie manga. gandharvon ne use agni sthapit thali di ki isase ygy sampann kare. vah bhramavash us agni poorit thali ko hi urvashi samajh vilap karata raha. tretayug ke arambh men raja pururava ne urvashi ko pane ke lie narayan ki aradhana ki. isase vedatrayi aur agnitrayi ka avirbhav hua. is prakar dugdh dhaval sachche prem, snigdh man aur atoot prem bandhan ke karan mrityu lokavasi raja pururava aur dev-gandharv lok ki apsara urvashi tinon lokon men khyat hue. ajar-amar hue.[6]

kalidas natak ke anusar

kalidas ne puroorava aur urvashi ka vaidik aur uttar vaidik varnan kiya hai. kalidas ke natak men urvashi ek komalangi sukumar sundari hai. suralok ki sarvashreshth nartaki urvashi ko indr bahut chahate the. ek din jab chitrasen arjun ko sngit aur nrity ki shiksha de rahe the, vahan par indr ki apsara urvashi aee aur arjun par mohit ho gee. avasar pakar urvashi ne arjun se kaha, "he arjun! apako dekhakar meri kam-vasana jagrit ho gee hai, atah ap kripaya mere sath vihar karake meri kam-vasana ko shant karen." urvashi ke vachan sunakar arjun bole, "he devi! hamare poorvaj ne apase vivah karake hamare vnsh ka gaurav badhaya tha atah puru vnsh ki janani hone ke nate ap hamari mata ke tuly hain. devi! main apako pranam karata hoon. "arjun ki baton se urvashi ke man men bada kshobh utpann hua aur usane arjun se kaha," tumane napunsakon jaise vachan kahe hain, atah main tumhen shap deti hoon ki tum ek varsh tak punsatvahin rahoge. "itana kahakar urvashi vahan se chali gee. jab indr ko is ghatana ke vishay men gyat hua to ve arjun se bole," vats! tumane jo vyavahar kiya hai, vah tumhare yogy hi tha. urvashi ka yah shap bhi bhagavan ki ichchha thi, yah shap tumhare agyatavas ke samay kam ayega. apane ek varsh ke agyatavas ke samay hi tum punsatvahin rahoge aur agyatavas poorn hone par tumhen punah punsatv ki prapti ho jayegi."


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bharatiy snskriti kosh, bhag-2 |prakashak: yoonivarsiti pablikeshan, nee dilli-110002 |snpadan: profesar devendr mishr |prishth snkhya: 504 tatha 505 |

  1. ail
  2. sudyamn stri roop men
  3. matsyapuran 12.15; bhagavatapuran 9.1.35, 42; brahmandapuran 3.65.45-6; 66.1.2.; 19-22; vayupuran 1.106; vishnupuran 4.1.12.16
  4. pauranik kosh |lekhak: rana prasad sharma |prakashak: gyanamandal limited, varanasi |snkalan: bharat diskavari pustakalay |prishth snkhya: 315 |
  5. rigved, sookt 95, mndal 5, sookt 41, mntr 19-20
  6. shrimadbhagavat, navamh skandh, adhyay 15/, harivnshapuran, 10, brahmapuran, 10, de.bha., 1/13, vi.pu.k, 4/6/34-94

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah