नृग  हिन्दी देवनागरी में पढ़ें।

raja nrig ka giragit yoni se uddhar

nrig prachin kal ke ek khyati prapt raja the, jo ikshvaku ke putr the. raja nrig apani danashilata ke lie bahut prasiddh the. ek bar bhool se raja nrig ne pahale dan ki huee gay ko phir se doosare brahman ko dan de diya. yadyapi isaka gyan raja nrig ko dan dete samay nahin tha, kintu isake phalasvaroop brahmanon ke shap ke karan raja nrig ko giragit hokar ek sahasr varsh tak kuen men rahana pada. ant men krishn avatar ke samay nrig ka uddhar hua.[1]

katha

ek din lakshman ne shriram se kaha, "maharaj! ap rajakaj men itane vyast rahate hain ki apane svasthy ka bhi dhyan nahin rakhate".[2] yah sunakar ramachandraji bole, "lakshman! raja ko rajakaj men poornataya lin rahana hi chahiye. tanik si asavadhani ho jane par use raja nrig ki bhanti bhaynkar yatana bhogani padati hai." lakshman ke jigyasa karane par unhonne raja nrig ki katha sunate huye kaha-

"pahale is prithvi par mahayashasvi raja nrig rajy karate the. ve bade dharmatma aur satyavadi the. ek bar unhonne tirtharaj pushkar men jakar svarn vibhooshit bachhadon yukh‍t ek karod gauon ka dan kiya. usi samay un gauon ke sath ek daridr brahman ki gay bachhade sahit akar mil gee aur raja nrig ne snkalpapoorvak use kisi brahman ko dan kar diya. udhar vah daridr brahman varshon tak sthan-sthan par apani gay ko dhoondhata raha. ant men usane kanakhal men ek brahman ke yahan apani gay ko pahachan liya. gay ka nam 'shavala' tha. jab usane gay ko nam lekar pukara to vah gay us daridr brahman ke pichhe-pichhi chali aee. is par donon brahmanon men vivad ho gaya.[2]

ek kahata tha ki gay meri hai aur doosara kahata ki mujhe yah raja ne dan men di hai. donon jhagadate huye raja nrig ke yahan pahunche. rajakaj men vyast rahane ke karan jab kee din tak nrig ne unase bhent nahin ki to unhonne shap de diya ki vivad ka nirnay karane ki ichchha se aye prarthiyon ko tumane kee din tak darshan nahin diye, isaliye tum praniyon se chhipakar rahane vale giragit ho jaoge aur sahastron varsh tak gaddhe men pade rahoge. bhagavan vishnu jab krishn ke roop men avatar lenge, tab ve hi tumhara uddhar karenge. is prakar raja nrig aj bhi apani us bhool ka dand bhugat rahe hain. shriram ne lakshman se kaha ki jab bhi koee karyarthi dvar par aye, use sada mere samane tatkal upasthit kiya karo." ram ka adesh sunakar lakshman bole, "raghav! brahmanon ka shap sunakar raja nrig ne kya kiya?" is prashn ke uttar men shriram ne bataya, "jab donon brahman shap dekar chale gaye to raja ne apane mantri ko bhejakar unhen vapis bulaya aur unase kshama yachana ki. phir ek sundar sa gaddha banavakar aur apane putr rajakumar vasu ko apana rajy saunpakar us gaddhe men nivas karane lage."


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. bhagavatapuran 10.64.10-30; 43, 44(1); 10.37.17
  2. 2.0 2.1 raja nrig ki katha (hindi). . abhigaman tithi: 20 sitambar, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah