जड़भरत की कथा  हिन्दी देवनागरी में पढ़ें।

  • rajarshi bharat ne jab mrig sharir ka tyag kiya, to unhen brahman ka sharir prapt hua. brahman ka sharir prapt hone par bhi unhen apane poorv-janm ka gyan pahale ki hi bhanti bana raha. unhonne socha. is janm men koee vighn-badha upasthit n ho, isalie unhen sajag ho jana chahie. ve apane kutunbiyon ke sath pagalon sa vyavahar karane lage arthath aisa vyavahar karane lage ki jisase unake kutunbi yah samajhe ki isake mastishk men vikar utpann ho gaya hai. jadabharat ke pita unhen pndit banana chahate the, kintu bahut prayatn karane par bhi ve ek bhi shlok yad n kar sake. unake pita ne unhen jad samajh liya. pita ki mrityu ke pashchath man bhi chal basi. kutunb men rah gaye bhaee aur bhabhiyan, jadabharat ke sath bahut bura vyavahar karati thin. jadabharat idhar-udhar mazadoori karate the. jo kuchh mil jata tha, kha liya karate the aur jahan jagah milati thi, so jaya karate the. sukh-dukh aur man-samman ko ek saman samajhate the. bhaeeyon ne jab dekha ki unake chhote bhaee ke karan unaki apratishtha ho rahi hai, to unhonne unhen kheti ke kam men laga diya. jadabharat rat-din kheton ki medon par baithakar kheton ki rakhavali karane lage. ve sharir se bade svasth aur hatte-katte the. unhin dinon ek dakoo sntan prapti ke lie ek manushy ki bhadr kali ko bali dene ja raha tha, kintu jab bali ka samay aya to vah bhag gaya. dakoo ne apane adamiyon se kaha ki bali ke lie kisi doosare manushy ko pakadakar laen. dakoo ke sathi kisi doosare manushy ki khoj men nikal pade. unaki drishti khet ki med par baithe hue jadabharat par padi. ve sharir se svasth aur hatte-katte to the hi, dakoo ke sathi unhen pakadakar le ge. dakoo saradar ne jadabharat ko susvadu bhojan khilaya. phir unhen mala pahanakar bali ke lie bhadrakali ke samane baitha diya. jyon hi dakoo ne un par khadg chalaya, tyon hi hunkar ke sath devi prakat ho geen. unhonne dakoo ke hathon se khadg chhinakar, usi khadg se usaka mastak katakar phenk diya. yah dekh dakoo ke doosare sathi bhag ge. jadabharat punah khet ki med par jakar baith ge aur pahale ki bhanti hi rakhavali karane lage.
  • ek din raja rahoogan palaki par baithakar, atmgyan ki shiksha lene ke lie kapil muni ke pas ja rahe the. marg men palaki ke ek kahar ki mrityu ho gee. raja rahoogan ne apane sevakon se kaha ki ve koee doosara kahar khojakar laen. rahoogan ke sevak kisi doosare kahar ki khoj men nikal pade. unaki drishti khet ki med par baithe hue jadabharat par padi. sevak unhen pakadakar le ge. jadabharat ne bina kuchh apatti kie hue, kaharon ke sath palaki kndhe par rakh li aur bahut snbhal-snbhal kar chalane lage. unake pairon ke niche koee jiv dab n jae isalie unake pair dagamaga uthate the. isase raja rahoogan ko jhataka lagata tha, unhen kasht hota tha. raja rahoogan ne kaharon se kaha, 'kyon ji, tum log kis tarah chal rahe ho? snbhalakar, savadhani ke sath kyon nahin chalate?' kaharon ne uttar diya, 'maharaj ham to savadhani ke sath chal rahe hain, kintu yah naya kahar hamare chalane men vighn paida karata hai. isake pair rah-rah kar dagamaga uthate hain.'
  • raja rahoogan ne jadabharat ko savadhan karate hue kaha, 'kyon bhaee, tum thik se kyon nahin chalate? dekhane men to hatte-katte maloom hote ho. kya palaki lekar thik se chala nahin jata? savadhani se meri agya ka palan karo, nahin to dnd doonga.' rahoogan ka kathan sunakar jadabharat muskara uthe. unhonne muskarate hue kaha, 'ap sharir ko dnd de sakate hain, par mujhe nahin de sakate, main sharir nahin atma hoon. main dnd aur puraskar donon se pare hoon. dnd dene ki to bat hi kya, ap to mujhe chhoo bhi nahin sakate.'
  • jadabharat ki gyan bhari vani sunakar rahoogan vismay ki laharon men doob ge. unhonne agya dekar palaki niche rakhava di. ve palaki se utarakar jadabharat ke pairon men gir pade aur kaha, 'mahatman, mujhe kshama kijie. kripaya bataie ap kaun hain? kahin ap ve kapil muni hi to nahin hain jinake pas main atmgyan ki shiksha lene ja raha tha?'
  • jadabharat ne uttar diya, 'rajan! main n to kapil muni hoon aur n koee rishi hoon. main poorvajanm men ek raja tha. mera nam bharat tha. mainne bhagavan shrihari ke prem aur bhakti men ghar-dvar chhod diya tha. main harihar kshetr men jakar rahane laga tha. kintu ek mrig shishu ke moh men phnsakar main bhagavan ko bhi bhool gaya. mrigashishu ka dhyan karate hue jab sharir tyag kiya, to mrig ka sharir prapt hua. mrig ka sharir prapt hone par bhi bhagavan ki anuknpa se mera poorv-janm ka gyan bana raha. main yah sochakar bada dukhi hua ki mainne kitani agyanata ki thi! ek mrigi ke bachche ke moh men phnsakar mainne bhagavan shrihari ko bhula diya tha. rajan, jab mainne mrig sharir ka tyag kiya, to mujhe yah brahman sharir prapt hua. brahman ka sharir prapt hone par bhi mera poorv-janm ka gyan bana raha. main yah sochakar ki mera yah janm vyarth n chala jae, apane ko chhipae hoon. main din-rat paramatmaroopi atma men lin rahata hoon, mujhe sharir ka dhyan bilakul nahin rahata. rajan, is jagath men n koee raja hai. n praja, n koee amir hai, n koee garib, n koee krishakay hai, n koee sthoolakay, n koee manushy hai, n koee pashu. sab atma hi atma hain. brahm hi brahm hain.
  • 'rajan, manushy ko brahm ki prapti ke lie hi prayatn karana chahie. yahi manav-jivan ki sarthakata hai. yahi shreshth gyan hai, aur yahi shreshth dharm hai.' rahoogan jadabharat se amrit gyan pakar tript ho ge. unhonne jadabharat se nivedan kiya, 'mahatman! mujhe apane charanon men rahane dijie, apana shishy bana lijie.'
  • jadabharat ne uttar diya, 'rajan jo main hoon, vahi ap hain. n koee guru hai, n koee shishy. sab atma hai, brahm hain.' jadabharat jab tak snsar men rahe, apane acharan aur vyavahar se apane gyan ko prakat karate rahe. jab antim samay aya, to chiranidra men so ge, brahm men sama ge. yah sara jagath brahm se nikala hai aur brahm men hi sama jata hai. brahm ki is lila ko jo samajh pata hai, usi ko jagath men sukh aur shanti prapt hoti hai.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah