कालयवन  हिन्दी देवनागरी में पढ़ें।

kalayavan vadh

kalayavan ek pauranik charitr hai jo yavan desh ka raja tha. janm se brahman, par karm se mlechchh (malechchh) tha. shaly ne jarasndh ko yah salah di ki ve krishn ko harane ke lie kalayavan se sahayata mange.

kalayavan ke pita

kalayavan rishi sheshirayan ka putr tha. rishi sheshirayan trigat rajy ke kulaguru the. ve 'garg gotr' ke the. ek bar ve kisi siddhi ki prapti ke lie anushthan kar rahe the, jisake lie 12 varsh tak brahmachary ka palan karana tha. unhin dinon ek goshthi me kisi ne unhen 'napunsak' kah diya jo unhen chubh gaya. unhonne nishchay kiya ki unhen aisa putr hoga jo ajey ho, koee yoddha use jit n sake.

isalie ve bhagavan shiv ke tapasya men lag ge. bhagavan shiv prasann ho kar prakat ho ge -
shiv: "he muni! ham prasann hain, jo mangana hai mango. "
muni : "mujhe aisa putr den jo ajey ho, jise koee hara n sake. sare shastr nistej ho jayen. koee usaka samana n kar sake."
shiv : "tumhara putr snsar me ajey hoga. koee astr shastr se hatya nahin hogi. sooryavnshi ya chndravnshi koee yoddha use parast nahin kar payega. yah varadan mangane ke pichhe tumhare bhog vilas ki ichchha chhipi huee hai. hamare varadan se tumhen rajasi vaibhav prapt hoga."

usake bad rishi sheshirayan ka sharir ati sundar ho gaya. varadan prapti ke pashchath rishi sheshirayan ek jharane ke pas se ja rahe the ki unhonne ek stri ko jal krida karate dekha jo apsara rambha thi. donon ek doosare par mohit ho ge aur unaka putr kalayavan hua. 'rnbha' samay samapti par svargalok vapas chali gayi aur apana putr rishi ko saunp gayi. rambha ke jate hi rishi ka man pun: bhakti men lag gaya.

kal jng

vir pratapi raja kal jng malich desh par raj karata tha. samast raja usase darate the. use koee sntan na thi, jisake karan vah pareshan rahata tha. usaka mntri use anndagiri parvat ke baba ke pas le gaya. unhonne use bataya ki vah rishi sheshirayan se unaka putr mang le. rishi sheshirayan pahale to nahin mane, par jab unhen baba ji ke vani aur yah ki unhen shiv ji ke varadan ke bare men pata tha, yah sun unhonne apane putr ko kal jng ko de diya. is prakar kalayavan yavan desh ka raja bana. usake saman vir koee na tha. ek bar usane narad ji se poochha ki vah kisase yuddh kare, jo usake saman vir ho. narad ji ne use shri krishn ka nam bataya.

shaly ne kalayavan ko mathura par akraman ke lie manaya aur vah man gaya. kalayavan ne mathura par akraman ke lie sab taiyariyan kar li. doosari or jarasndh bhi sena le kar nikal gaya. kalayavan ki sena ne mathura ko gher liya. usane mathura naresh ke nam sandesh bheja aur kalayavan ko yuddh ke lie ek din ka samay diya. shri krishn ne uttar men bheja ki yuddh keval krishn aur kalayavan men ho, sena ko vyarth kyoon ladaen. kalayavan ne svikar kar liya.

yah sun akrooraji aur balaramaji chintit ho ge. tab shri krishn ne unhen kalayavan ko shiv dvara diye varadan ke bare me bataya. aur yah bhi bataya ki ve use raja muchukund ke dvara mrityu denge.

muchukund

raja muchukund treta yug ke ikshvaku vnsh ke raja the. unake pita mandhata the. unhonne devataon ka sath dekar aur danavon ka snhar kiya jisake karan devata yuddh jit ge. tab indr ne unhen var mangane ko kaha. unhonne vapas prithvilok jane ki ichchha vyakt ki. tab indr ne unhen bataya ki prithvi par aur devalok men samay ka bahut antar hai jis karan ab vah samay nahin raha or sab bndhoo mar chuke hai unake vnsh ka koee nahin bacha. yah jan muchuknd du:khi hue aur var manga ki unhen sona hai. tab indr ne varadan diya ki kisi nirjan sthan par so jaye aur yadi koee unhen uthaega to muchuknd ki drishti padate hi vah bhasm ho jayega. isi varadan ka prayog shri krishn kalayavan ko mrityu dene ke lie karana chahate the.

shri krishn aur kalayavan ka sngharsh

jab kalayavan bhagavan shrikrishn ki or dauda, tab ve doosari or munh karake ranabhoomi se bhag chale aur un yogidurlabh prabhu ko pakadऩe ke lie kalayavan unake pichhe-pichhe daudऩe laga. ranachhod bhagavan lila karate hue bhag rahe the, kalayavan pag-pag par yahi samajhata tha ki ab pakada, tab pakada. is prakar bhagavan bahut door ek pahad ki gupha men ghus ge. unake pichhe kalayavan bhi ghusa. vahan usane ek doosare hi manushy ko sote hue dekha. use dekhakar kalayavan ne socha "dekho to sahi, yah mujhe is prakar itani door le aya aur ab is tarah-mano ise kuchh pata hi n ho, sadhu baba banakar so raha hai."

yah sochakar us moodh ne use kasakar ek lat mari. vah purush bahut dinon se vahan soya hua tha. pair ki thokar lagane se vah uth pada aur dhire-dhire usane apani ankhen kholin. idhar-udhar dekhane par pas hi kalayavan khada hua dikhaee diya. vah purush is prakar thokar marakar jagae jane se kuchh rusht ho gaya tha. usaki drishti padate hi kalayavan ke sharir men ag paida ho gee aur vah kshanabhar men jalakar rakh ka dher ho gaya. kalayavan ko jo purush gupha men soe mile. ve ikshvaku vnshi maharaja mandhata ke putr raja muchukund the. ve brahmanon ke param bhakt, satyapratigy, sngram vijayi aur mahapurush the. ek bar indradi devata asuron se atyant bhayabhit ho ge the. unhonne apani raksha ke lie raja muchukund se prarthana ki aur unhonne bahut dinon tak unaki raksha ki.

pauranik sndarbh

harivnsh aur bhagavat puran ke anusar jab krishn ne yah suna ki ek or se jarasndh aur doosari or se kalayavan badi senaen lekar shoorasen janapad a rahe hain, to unhonne yadavon ko mathura se dvaraka ravana kar diya aur svayn balaram ke sath gomnt parvat par chadh gaye. jarasndh pahad par ag laga kar tatha yah samajh kar ki dono jal mare honge, laut gaya. doosari katha ke anusar krishn sab logon ko dvaraka bhej chukane ke bad kalayavan ko ata dekh akele bhage. kalayavan ne inaka pichha kiya. krishn use vahan tak le gaye jahan sooryavnshi muchukund so raha tha. muchukund ko yah var mila tha ki jo koee unhen sote se uthayega vah unaki drishti padate hi bhasm ho jayaga. krishn ne aisa kiya ki kalayavan muchukund dvara bhasm kar diya gaya.[1]

tika tippani aur sndarbh

  1. (harivnsh puran 100, 109; bhagavat puran 50, 44,-52) adi.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah