कलावती  हिन्दी देवनागरी में पढ़ें।

Disamb2.jpg kalavati ek bahuvikalpi shabd hai any arthon ke lie dekhen:- kalavati (bahuvikalpi)

kalavati kanyakubj ke raja bhanandan ki putri thin. ye ygykund ki agni se prakat huee thin. kalavati ayonija, poorv janm ki baton ko yad rakhane vali mahasadhvi, sundari evn kamala ki kala thi. inaka vivah braj ke vrishabhanu ke sath sampann hua tha. bhagavan shrikrishn ki preyasi radha inhin ki putri thi.

janm

kalavati kanyakubj desh men utpann huee thi. vah ayonija, poorv janm ki baton ko yad rakhane vali mahasadhvi, sundari thi. kanyakubj desh men mahaparakrami nripashreshth bhanandan rajy karate the. unhonne ygy ke ant men ygykund se prakat huee doodh piti nngi balika ke roop men use paya tha. vah sundari balika us kund se hnsati huee nikali thi. usaki ang kanti tapaye hue suvarn ke saman thi. vah tej se udbhasit ho rahi thi. rajendr bhanandan ne use god men lekar apani pyari rani malavati ko prasannatapoorvak de diya.

namakaran

kanya ko pakar malavati ke harsh ki sima n rahi. vah us balika ko apane stan pilakar palane lagi. usake annaprashan aur namakaran ke din shubh bela men jab raja satpurushon ke bich baithe hue the, akashavani huee- 'nareshvar! is kanya ka nam kalavati rakho.' yah sunakar raja ne vahi nam rakh diya. unhonne brahmanon, yachakon aur vandijanon ko prachur dhan dan kiya. sabako bhojan karaya aur bada bhari utsav manaya.

yuvavastha

samayanusar roopavati kalavati ne yuvavastha men pravesh kiya. solah varsh ki avastha men vah atyant sundari dikhaee dene lagi. vah rajakanya muniyon ke man ko bhi moh lene men samarth thi. manohar champa ke saman usaki ang kanti thi tatha mukh sharatkal ke poorn chandr ki bhanti param manohar tha.

nand dvara vivah prastav

ek din gajaraj ki si mandagati se chalane vali rajakumari rajamarg se kahin ja rahi thi. nandaji ne use marg men dekha. dekhakar ve bade prasann hue. unhonne us marg se ane jane vale logon se adarapoorvak poochha- 'yah kisaki kanya ja rahi hai.' logon ne bataya- 'yah maharaj bhanandan ki kanya hai. usaka nam kalavati hai. yah dhanya bala lakshmiji ke ansh se rajamandir men prakat huee hai aur kautukavash khelane ke lie apani saheli ke ghar ja rahi hai. brajaraj! ap braj ko padhariye.' aisa uttar dekar log chale gaye. nand ke man men bada harsh hua.

ve rajabhavan ko gaye. rath se utar kar unhonne tatkal hi rajasabha men pravesh kiya. raja uthakar khade ho gaye. unhonne nandarayaji se batachit ki aur unhen baithane ke lie sone ka sinhasan diya. un donon men paraspar bahut premalap hua. phir nand ne vinit hokar raja se kalavati ke sambandh ki bat chalayi. nand ne kaha- "braj men surabhanu ke putr shriman vrishabhanu nivas karate hain, jo braj ke raja hain. ve bhagavan narayan ke ansh se utpann hue hain aur uttam gunon ke bhandar, sundar, suvidvan, susthir yauvan se yukt, yogi, poorvajanm ki baton ko smaran karane vale aur navayuvak hain. apaki kanya bhi ygykund se utpann huee hai; at: ayonija hai. tribhuvanamohini kanya kalavati bhagavati kamala ki ansh hai aur svabhavat: shant jan padati hai. vrishabhanu apaki putri ke yogy hain tatha apaki putri bhi unhin ke yogy hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

brahmavaivartapuran |prakashak: gitapres gorakhapur, govindabhavan karyalay, kolakata ka snsthan |prishth snkhya: 481-482 |


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah