बाणासुर  हिन्दी देवनागरी में पढ़ें।

  • bali ke jyeshth putr ka nam ban tha. ban ne ghor tapasya ke phalasvaroop shiv se anek durlabh var prapt kiye the. at: vah garvonmatt ho utha tha. usake ek sahastr banhen thin. vah shonitapur par rajy karata tha. usaki ek sundari kanya thi, jisaka nam usha tha. pradyumn ka putr aniruddh us kanya par asakt ho gaya tatha gupt roop se usase milata raha. banasur ko vidit hua to usane donon ko karagar men dal diya. narad ne shrikrishn se jakar kaha-'apake pautr aniruddh ko banasur vishesh kasht de raha hai.' shrikrishn ne balaram tatha pradyumn ke sath banasur par akraman kiya. mahadev banasur ki raksha ke nimitt vahan pahunche kintu sabako parast kar tatha banasur ki samast banhen katakar aur use marakar shrikrishn, usha aur aniruddh ko dhan-dhany sahit lekar dvaraka pahunche. [1]
  • banasur bali ke sau putron men se jyeshth tha. vah sknd ko khelata dekh shiv ki or akrisht hua. usane shiv ko prasann karane ke lie ghor tapasya ki. shiv ne var mangane ko kaha to usane ye var mange-
  1. parvati use putr-roop men grahan karen, vah sknd ka chhota bhaee mana jane laga.
  2. vah shiv se arakshit rahega
  3. use apane saman vir se yuddh karane ka avasar mile. shiv ne kaha-'apane sthan par sthapit tumhara dhvaj jab khndit hokar gir jayega tabhi tumhen yuddh ka avasar milega.' banasur ki ek sahastr bhujaen thin. usane apane mantri kunbhand ko samast ghatanaon ke vishay men bataya to vah chintit ho utha. tabhi indr ke vajr se usaki dhvaja tootakar niche gir gayi. banasur ki kanya usha ne van men shiv-parvati ko raman karate dekha to vah bhi kamavimohit hokar priy-milan ki ichchha karane lagi. parvati ne use ashirvad diya ki vah apane priy ke sath parvati ki bhanti hi raman kar payegi. svapnadarshan se vah aniruddh par asakt ho gayi. chitralekha ne aniruddh ka apaharan kiya tatha usi ki sahayata se usha ka aniruddh se gandharv vivah ho gaya. banasur ko gyat hua to usane aniruddh ko nagapash se abaddh kar liya. arya devi ki aradhana se aniruddh un pashon se mukt ho gaya. idhar narad se samast samachar janakar shrikrishn yadavavnshiyon sahit banasur ke nagar ki or badhe. nagar ko charon or se agni ne gher rakha tha. angira usaki suraksha men then garud ne hazaron mukh dharan karake gnga se pani liya tatha agni par chhidakakar use bujha diya. krishn ne shiv par jrinbhastr ka prayog kiya. shiv ki jrinbha se jvala nikalakar dishaon ko dagdh karane lagi. prithvi bhayabhit hokar brahma ki sharan men gayi. brahma ne shiv se kaha-'vishnu aur tum abhinn ho. ek hi ke do roop ho. tumhari salah se hi asuron ka nash arnbh kiya gaya tha. ab tum asuron ko prashray kyon de rahe ho?' shiv ne yog bal se apana aur vishnu ka ekatv jana, at: prithvi par vishnu se yuddh karane ka nishchay kar liya. banasur tatha krishn ka yuddh hua. banasur ko bachane ke lie parvati donon ke madhy ja khadi hueen. ve matr krishn ko nagn roop men dikh pad rahi thin, shesh sabake lie adrishy thin. krishn ne ankhe moond li. devi ki prarthana par krishn ne banasur ko jivit rahane diya kintu usake mad ko nasht karane ke lie ek sahastr hathon men se do ko chhodakar shesh kat dale. shiv ne bich-bachav kiya. putravat banasur ko shiv ne char var pradan kiye-
  4. ajar-amaratv,
  5. shiv-bhakti men vibhor nachane valon ko putr-prapti,
  6. banhe katane ke kasht se mukti tatha
  7. mahakal nam ki khyati.
  • at: banasur mahakal kahalane laga. [2]


tika tippani aur sndarbh

  1. mahabharat, sabhaparv, 38 .
  2. brahm puran,206 . harivnsh puran, vishnuparv, 116-126

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah