कामधेनु  हिन्दी देवनागरी में पढ़ें।

kamadhenu aur brahman
Kamadhenu And Brahmin

kamadhenu ka varnan pauranik gathaon men ek aisi chamatkari gay ke roop men milata hai, jisamen daiviy shaktiyan thin aur jisake darshan matr se hi logo ke duahkh v pida door ho jati thi. yah kamadhenu jisake pas hoti thi, use har tarah se chamatkarik labh hota tha. is gay ka doodh amrit ke saman mana jata tha.

sarvapalanakarta

kamadhenu sabaka palan karane vali hai. yah mata svaroopini hai, sab ichchhaen poorn karane vali hai. krishn katha men ankit sabhi patr kisi n kisi karanavash shapagrast hokar janme the. kashyap ne varun se kamadhenu mangi thi, lekin bad men lautayi nahin. at: varun ke shap se ve gvale hue. jaise devataon men bhagavan vishnu, sarovaron men samudr, nadiyon men gnga, parvaton men himalay, bhakton men narad, sabhi puriyon men kailash, sampoorn kshetron men kedar kshetr shreshth hai, vaise hi gooon men kamadhenu sarvashreshth hai.

bhagavan vishnu svayn kachchhaparoop dharan karake samudr mnthan ke samay mandarachal parvat ke adhar bane. is prakar manthan karane par kshirasagar se kramash: 'kalakoot vish', 'kamadhenu', 'uchchaishrava' namak ashv, 'airavat' namak hathi, 'kaustubhramani', 'kalpavriksh', 'apsaraen', 'lakshmi', 'varuni', 'chandrama', 'shnkh', 'shanrg dhanush', 'dhanavantari' aur 'amrit' prakat hue.

kshir-samudr ka manthan

mathe jate hue samudr ke charon or bade zor ki avaz uth rahi thi. is bar ke manthan se devakaryon ki siddhi ke liye sakshath surabhi kamadhenu prakat hueen. unhen kale, shvet, pile, hare tatha lal rng ki saikadon gauen ghere hue thin. us samay rishiyon ne bade harsh men bharakar devataon aur daityon se kamadhenu ke liye yachana ki aur kaha- 'ap sab log milakar bhinn-bhinn gotravale brahmanon ko kamadhenu sahit in sampoorn gauon ka dan avashy karen.' rishiyon ke yachana karane par devataon aur daityon ne bhagavan shnkar ki prasannata ke liye ve sab gauen dan kar din tatha ygy karmon men bhali-bhanti man ko lagane vale un param mngalamay mahatma rishiyon ne un gauon ka dan svikar kiya. tatpashchath sab log bade josh men akar kshirasagar ko mathane lage. tab samudr se kalpavriksh, parijat, am ka vriksh aur santan- ye char divy vriksh prakat hue.

katha: shiv dvara divyastr

gay

bade hone par parashuram ne shivaradhan kiya. us niyam ka palan karate hue unhonne shiv ko prasann kar liya. shiv ne unhen daityon ka hanan karane ki agya di. parashuram ne shatruon se yuddh kiya tatha unaka vadh kiya. kintu is prakriya men parashuram ka sharir kshat-vikshat ho gaya. shiv ne prasann hokar kaha ki sharir par jitane prahar hue hain, utana hi adhik devadatv unhen prapt hoga. ve manavetar hote jayenge. taduparant shiv ne parashuram ko anek divyastr pradan kiye, jinamen se parashuram ne karn par prasann hokar use divy dhanurved pradan kiya.

jamadagni rishi ne renuka ke garbh se anek putr prapt kie. unamen sabase chhote parashuram the. un dinon haihayavnsh ka adhipati arjun tha. usane vishnu ke anshavatar dattatrey ke varadan se ek sahasr bhujaen prapt ki thin. ek bar narmada men snan karate hue madonmatt haihayaraj ne apani banhon se nadi ka veg rok liya, phalatah usaki dhara ulti bahane lagi, jisase ravan ka shivir pani men doobane laga. dashanan ne arjun ke pas jakar use bhala-bura kaha to usane ravan ko pakadakar kaid kar liya. pulasty ke kahane par usane ravan ko mukt kar diya. ek bar vah van men jamadagni ke ashram par pahuncha. jamadagni ke pas kamadhenu thi. atah ve aparimit vaibhav k bhokta the. aisa dekhakar haihayaraj sahasr bahu arjun ne kamadhenu ka apaharan kar liya. parashuram ne pharasa uthakar usaka pichha kiya tatha yuddh men usaki samast bhujaen tatha sir kat dale. usake das hazar putr bhayabhit hokar bhag gaye. kamadhenu sahit ashram lautane par pita ne unhen tirthatan kar apane pap dhone ke lie agya di kyonki unaki mati men brahman ka dharm kshamadan hai. parashuram ne vaisa hi kiya.

dilip anshuman ke putr aur ayodhya ke raja the. dilip bade parakrami the yahan tak ke devaraj indr ki bhi sahayata karane jate the. inhonne devasur sngram men bhag liya tha. vahan se vijayollas se bhare raja laut rahe the. raste men kamadhenu khadi mili lekin use dilip ne pranam nahin kiya tab kamadhenu ne shrap de diya ki tum putrahin rahoge. yadi meri santan tumhare oopar kripa kar degi to bhale hi santan ho sakati hai. shri vasishth ji ki kripa se unhonne nandini gau ki seva karake putr shri raghu ji ko prapt kiya.

vasishth ka atithy grahan

maharshi vasishth kshama ki pratipoorti the. ek bar shri vishvamitr unake atithi hue. maharshi vasishth ne kamadhenu ke sahayog se unaka rajochit satkar kiya. kamadhenu ki alaukik kshamata ko dekhakar vishvamitr ke man men lobh utpann ho gaya. unhonne is gau ko vasishth se lene ki ichchha prakat ki. kamadhenu vasishth ji ke liye avashyak avashyakataon ki poorti hetu mahattvapoorn sadhan thi, at: inhonne use dene men asamarthata vyakt ki. vishvamitr ne kamadhenu ko balapoorv le jana chaha. vasishth ji ke snket par kamadhenu ne apar sena ki srishti kar di. vishvamitr ko apani sena ke sath bhag jane par vivash hona pada. dvesh-bhavana se prerit hokar vishvamitr ne bhagavan shnkar ki tapasya ki aur unase divyastr prapt karake unhonne maharshi vasishth par pun: akraman kar diya, kintu maharshi vasishth ke brahmadand ke samane unake sare divyastr viphal ho gaye aur unhen kshatriy bal ko dhikkar kar brahmanatv labhi ke liye tapasya hetu van jana pada.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah