हिरण्यकशिपु  हिन्दी देवनागरी में पढ़ें।

snkshipt parichay
hiranyakashipu
vishnu ka nrisinh avatar
kul daity
pita kashyap rishi
mata diti
parijan kashyap rishi, diti, hiranyaksh, kayadhu, prahlad
vivah kayadhu
sntan prahlad
apakirti hiranyakashipu ne apani praja par kisi bhi devata ki pooja-aradhana adi par pratibandh lagaya aur svayn ki pooja ka adesh diya.
snbndhit lekh prahlad, holika, holi, nrisinh avatar
vishesh hiranyakashipu ne brahma se yah varadan paya tha ki- "koee bhi manushy, stri, devata, pashu-pakshi, jalachar ityadi, n hi din men aur n hi ratri men, n ghar ke bahar aur n ghar ke bhitar, kisi bhi prakar ke astr-shastr se use mar nahin payega."
any janakari bhagavan vishnu ke nrisinh avatar ne rajadarabar ki dehali par baithakar hiranyakashipu ko apani god men uthakar aur nakhoonon se usake sine ko chir kar usaka vadh kiya.

hiranyakashipu daityon ka mahabalashali raja tha. usane kathor tapasya ke bal par brahma se yah var prapt kiya tha ki- "koee bhi manushy, stri, devata, pashu-pakshi, jalachar ityadi, n hi din men aur n hi ratri men, n ghar ke bahar aur n ghar ke bhitar, kisi bhi prakar ke astr-shastr se use mar nahin payega." yah varadan prapt kar hiranyakashipu apani amarata ke unmad men sab par anekon prakar se atyachar karane laga. is prakar vah hazaron varshon tak sabako trast karata raha. sabhi devata bhagavan vishnu ki sharan men gaye. tab bhagavan vishnu ne adha sharir manushy ke jaisa tatha adha sinh ke saman banakar 'narasinh vigrah' dharan kiya tatha hiranyakashipu se yuddh prarnbh kiya. kee hazar daityon ko marakar bhagavan vishnu ne hiranyakashipu ko sayn kal ke samay (jab n din tha, n hi ratri) rajamahal ki dehali par (jo n hi bhavan ke bhitar thi, n hi bahar) apane nakhoonon se (jo ki astr-shastr bhi nahin the) jngha par rakhakar mar dala.[1]

parichay

kashyap rishi ki anek patniyon men se ek thi diti. diti ke do putr the- 'hiranyakashipu' aur 'hiranyaksh'. jab prithvi ka uddhar karane ke lie bhagavan vishnu ne varah avatar grahan kiya, tab hiranyakashipu ke bhaee hiranyaksh ka vadh unake dvara hua. bhaee ki mrityu se hiranyakashipu kupit hokar bhagavan ka vidveshi ho gaya. vah vishnu ko priy lagane vali sabhi shaktiyon devata, rishi, pitar, brahman, gau, ved tatha dharm se bhi dvesh karata aur unhen utpidit karata.

brahma se varadan prapti

asuraraj hiranyakashipu ne trilokon ko apane vash men karane v kabhi bhi mrityu ka gras n banane ke lie brahma ki tapasya ki. hiranyakashipu ki ghor tapasya se prasann hokar brahmaji prakat hue. brahma ne usase poochha ki vah kya var chahata hai. hiranyakashipu ne kaha ki- "meri mrityu n akash men ho n bhoomi par, n kamare ke bhitar ho n hi kamare ke bahar ho, meri mrityu n din men ho n rat men, meri mrityu n stri ke hathon ho n purush ke, mrityu n devon ke hath ho, n asuron ke; n manushy ke dvara ho n pashuon ke; shastron se bhi meri mrityu n ho." brahmaji tathastu kahakar use var pradan karake antardhan ho ge.

patni ka haran

hiranyakashipu jab brahma ko prasann karane ke lie tap kar raha tha, us antaral men ek ghatana ghatit huee. hiranyakashipu ko tapasya lin janakar usake abhav men devon ne asuron par akraman kiya aur unhen parast kar diya. devaraj indr hiranyakashipu ki garbhini patni 'kayadhu' ko bndhi banakar le ge. bich raste hi unaki mulakat devrishi narad se huee, jinake upadeshanusar indr hiranyakashipu ki patni kayadhu ko maharshi ke ashram men chhod kar svayn devalok chale gaye. garbhavati kayadhu ko narad ne bhagavat tattv se avagat karaya. mata ke garbh men shishu ne bhi in sabhi upadeshon ka shravan kiya.[2]

svayn ki pooja ka adesh

tapasya poorn hone par hiranyakashipu jab lautakar aya to usane devon ko parajit kiya. vah narad ke ashram men vas karati apani patni ko punah rajamahal le aya. var ke bal se ahnkar men andhe hiranyakashipu ne trilokon par akraman kar diya aur usane un par vijay bhi pa li. usane devon ko apana das banaya. hiranyakashipu rishi-muniyon v bhagavad bhakton ko tng karane laga, yag ygyon ko nasht-bhrasht karane laga. usane adesh diya ki usake rajy men kisi bhi devata ki pooja nahin hogi. usane kaha ki hiranyay namah ke atirikt any kisi bhi mntr ka uchcharan nahin kiya jayega. poore rajy men svayn usi ki pooja ki jae, any kisi ki nahin.

prahlad ka janm

uchit samay par hiranyakashipu ki patni kayadhu ne ek putr ko janm diya, jisaka prahlad rakha gaya. choonki use narad ke upadeshon ka smaran tha, isilie prahlad men bhagavan vishnu ke prati bhakti bhavana balyakal se hi vidyaman thi. upanayan snskar ke bad pita hiranyakashipu ne prahlad ko gurukul bheja. kuchh samay bad pita ko yah janane ki utsukata huee ki usake bete ne gurukul men kya sikha hai. usane prahlad ko rajamahal bulavaya.[2] prahlad se pita ne poochha- "tumane gurukul men kya sikha?" prahlad ne uttar diya-

"shravanamh, kirtanamh, smaranamh, padasevanamh, archanamh, vndanamh, dasyamh, sakhyamh, atmanivedanamh - in navavidh bhakti margon se bhagavan ki upasana ki ja sakati hai."

hiranyakashipu ka vadh karate nrisinh bhagavan

apane putr ke hi mukh se apane param shatru vishnu ki pooja ki jani chahie, aradhana ki jani chahie, sunakar hiranyakashipu ati kruddh ho utha. hiranyakashipu dvara kee bar prahlad ko samajhane par bhi ki vah vishnu ki pooja path adi n kiya kare, prahlad par koee prabhav nahin pada. krodh ke aveg men hiranyakashipu ne sipahiyon ko agya di ki ve prahlad ko mar dalen. bahuvidh prayason ke bad bhi sipahi prahlad ko mar n sake.

nrisinh dvara hiranyakashipu ka vadh

nirash hue hiranyakashipu ne apane putr ke man se eeshvar bhakti ko mita dene ke vichar se use punah gurukul bheja. parantu vahan prahlad ke upadeshon se prabhavit hokar any asur balak bhi vishnu ke bhakt banane lage. atynt kupit hokar hiranyakashipu bola- "main trilokon ka nath hoon. mere siva koee any eeshvar hai to vah kahan hai?" prahlad ne uttar diya- "eeshvar sarvavyapi hain. ve sarvatr virajaman hain". hiranyakashipu garaj utha, usane kaha ki- "kya tera vishnu mahal ke is stnbh men bhi hain?" "han, is stnbh men bhi bhagavan ka vas hai", prahlad bola. putr ke uttar ko sun hiranyakashipu ne mutti banakar jor se stnbh par prahar kiya. stnbh men darar pad gayi. usake bhitar se ardhasih, ardh manav roop men nrisinh moorti ka ugraroop prakat hua. sndhya ka samay tha. bhagavan vishnu ke nrisinh avatar ne rajadarabar ki dehali par baithakar hiranyakashipu ko apane god men utha liya aur nakhoonon se usake sine ko chir kar usaka vadh kiya. nishkalnk bhakt prahlad ke mukh se nikale vachan saty siddh hue.[2]

hiranyakashipu eeshvar ko nahin samajh saka. vah yah bhool gaya ki eeshvar ke pas to sabhi samasyaon ka samadhan hai. n din n rat ka samay - sndhya samay; n akash men, n bhoomi par - apani god men; n bhitar n bahar - dehali par; n manav n pashu - nrisinh; nirayudh - apane nakhoonon se vadh kiya. is prakar brahmaji ke var ka kisi bhi prakar ullnghan kie bina nrisinh bhagavan ne adharmi hiranyakashipu ka vadh kiya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. mahabharat, sabhaparv, adhyay 38
  2. 2.0 2.1 2.2 vigrah aradhana ka prarambh (hindi). . abhigaman tithi: 26 agast, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah