भानुमान  हिन्दी देवनागरी में पढ़ें।

bhanuman pauranik mahakavy mahabharat ke bhishm parv ke anusar kaling desh ke ek raja ka nam tha, jo mahabharat yuddh men kauravon ki or se lada tha. isaka vadh yuddhabhoomi men mahabali bhimasen ke hathon hua.[1][2]

bhimasen se samana

mahabharat yuddh men jab bhimasen ne kaling rajakumar shakradev ko mar dala, tab apane putr ko mara gaya dekh kalingaraj ne kee hazar rathon ke dvara bhimasen ki sampoorn dishaon ko rok diya. bhimasen ne atyant vegashali evn bhari or vishal gada ko vahin chhodakar atyant bhaynkar karm karane ki ichchha se talavar khinch li tatha rishabh ke chamade़ ki bani huee anupam dhal hath men le li. us dhal men suvarnamay nakshatr aur ardhachandr ke akash ki phuliyan jadi huee thin. idhar krodh men bhare hue kalingaraj ne dhanush ki pratyncha ko ragadakar sarp ke saman vishaila ek bhaynkar ban hath men liya aur bhimasen ke vadh ki ichchha se un par chalaya. bhimasen ne apane vishal khadg se usake vegapoorvak chalaye hue tikhe ban ke do tukade़ kar diye aur kalingon ki sena ko bhayabhit karate hue harsh men bharakar bade jor se sinhanad kiya.[3]

viragati

tab kalingaraj bhanusen ne ranakshetr men atyant kupit ho bhimasen par turant hi chaudah tomaron ka prahar kiya, jinhen san par chadhakar tej kiya gaya tha. ve tomar abhi bhimasen tak pahunch hi nahin paye the ki un mahabahu pandukumar ne bina kisi ghabarahat ke apani achchhi talavar se sahasa unhen akash men hi kat dala. is prakar purushashreshth bhimasen ne ranakshetr men un chaudah tomaron ko katakar bhanuman par dhava kiya. yah dekh bhanuman ne apane banon ki varsha se bhimasen ko achchhadit karake akash ko pratidhvanit karate hue bade jor se garjana ki. bhimasen us mahasamar men bhanuman ki vah garjana n sah sake. unhonne aur bhi adhik jor se sinh ke saman dahadana arambh kiya. unaki us garjana se kalingon ki vah vishal vahini sntrast ho uthi. un sainikon ne bhimasen ko yuddh men manushy nahin, koee devata samajha. tadanantar mahabahu bhimasen jor-jor se garjana karake hath men talavar liye vegapoorvak uchhalakar gajaraj ke danton ke sahare usake mastak par chadh gaye. itane hi men kaling rajakumar ne unake oopar shakti chalayi, kintu bhimasen ne unake do tukade kar diye aur apane vishal khadg se bhanuman ke sharir ko bich se kat dala. is prakar gajaroodh hokar yuddh karane vale kaling rajakumar ko marakar shatrudaman bhimasen ne bhar sahane men samarth apani bhari talavar ko us hathi ke kndhe par bhi mara. kndha kat jane se vah gajayoothapati chinghadata hua samudr veg se bhagn hokar girane vale shikharayukt parvat ke saman dharashayi ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. mahabharat bhishm parv 54,33-39
  2. pauranik kosh |lekhak: rana prasad sharma |prakashak: gyanamandal limited, varanasi |snkalan: bharat diskavari pustakalay |prishth snkhya: 374 |
  3. mahabharat bhishm parv, adhyay 54, shlok 21-42

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah