भविष्य पुराण  हिन्दी देवनागरी में पढ़ें।

bhavishy puran, gitapres gorakhapur ka avaran prishth

sooryopasana aur usake mahattv ka jaisa vyapak varnan 'bhavishy puran' men prapt hota hai. vaisa kisi any puran men nahin upalabdh hota. isalie is puran ko 'saur grnth' bhi kahate hain. yah grnth bahut adhik prachin nahin hai. is puran men do hazar varsh ka atyant satik vivaran prapt hota hai. 'bhavishy puran' ke anusar, isake shlokon ki snkhya pachas hazar ke lagabhag honi chahie, parantu vartaman men kul atthaees hazar shlok hi upalabdh hain. is puran ko char khandon men vibhajit kiya gaya hai- brahm parv, madhyam parv, pratisarg parv aur uttar parv. 'bhavishy puran' ki vishay vastu men soory ki mahima, unake param tejasvi svaroop, unake parivar, unaki upasana paddhati, vividh vrat-upavas, unako karane ki vidhi, samudrik shastr, stri-purush ke sharirik lakshan, ratnon evn maniyon ki pariksha ka vidhan, vibhinn prakar ke stotr, anek saprakar ki aushadhiyon ka varnan, varp vidya ka vishadh gyan, vividh rajavnshon ka ullekh, vividh bharatiy snskar, tatkalin samajik vyavastha, shiksha-pranali tatha vastu shilp adi shamil hain jin par vistar se prakash dala gaya hai.

brahm parv

brahm parv men vyas shishy maharshi sumntu evn raja shatanik ke snvadon dvara is puran ka shubharambh hota hai. prarambh men is puran ki mahima, vedon tatha puranon ki utpatti, kal ganana, yugon ka vibhajan, garbhadhan ke samay se lekar ygyopavit snskaron tak ki snkshipt vidhi, bhojan vidhi, daen hath men sthit vividh panch prakar ke tirthon, onkar evn gayatri jap ka mahattv, abhivadan vidhi, mata-pita tatha guru ki mahima ka varnan, vivah yogy striyon ke shubh-ashubh lakshan, pnch mahaygyon, purushon evn rajapurushon ke shubh-ashubh lakshan, vrat-upavas pooja vidhi, sooryopasana ka mahatmy aur unase judi kathaon ka vivaran prapt hota hai.

gayatri devi
Gayatri Devi
  • is parv men daen hath men sthit panch tirthon men– dev tirth, pitri tirth, brahm tirth, prajapaty tirth aur saumy tirth batae ge hain.
  • dev tirth men brahman ko daen hath se di gee dakshina adi karm ate hain.
  • pitri tirth men tarpan evn pind dan adi karmon ka ullekh milata hai.
  • brahm tirth men achaman adi karm ate hain.
  • prajapaty tirth men vivah ke samay lagnahotr adi karm ate hain.
  • saumy tirth men dev kary ke lie kie ge karm, pooja-archana adi hain.

isi poorv men jin pnch mahaygyon ka ullekh kiya gaya hai, ve is prakar hain-

  1. brahm ygy,
  2. pitri ygy,
  3. dev ygy,
  4. bhoot ygy tatha
  5. atithi ygy. ye ygy apane namanusar hi kie jate hain. yatha-brahm muhoort men eeshvar ke lie kiya jane vala ygy 'brahm ygy', pitaron ki santushti aur prasannata ke lie kiya jane vala ygy 'pitri ygy', devaton ki santushti ke lie kiya jane vala ygy 'dev ygy', samast praniyon ki sukh-shanti ke lie kiya jane vala ygy 'bhoot ygy' aur atithi ki seva men rat rahana hi 'atithi ygy' kahalata hai. isi parv men stri-purushon ke shubh-ashubh lakshanon ke vishay men charcha karate hue brahma ji kartikey se kahate hain. ki jis stri ki griva men rekhaen hon aur netron ke koron ka kuchh safed bhag lali lie ho; vah stri jis ghar men jati hai, us ghar ki uttarottar vriddhi hoti hai. jisake baen hath, kan ya gale par til ya massa ho; usaki pahali santan putr hoti hai.

madhyam parv

is parv men mukhy roop se ygy karmon ka shastriy vivechan prapt hota hai. char prakar ke mason-

  1. chandr mas,
  2. saur mas,
  3. nakshatr mas aur
  4. shravan mas ka varnan bhi is parv men kiya gaya hai.
  • shukl paksh pratipada se amavasya tak ka mas 'chandr mas',
  • soory dvara ek rashi men snkrati se doosari snkrati men pravesh karane ka samay 'saur mas',
  • ashvin nakshatr se revati nakshatr paryant 'nakshatr mas' aur
  • poore tis din ka ya kisi tithi ko lekar tis din bad ane vali tithi tak ka samay 'shravan mas' kahalata hai.
  • shraddhakarm, pitrikarm adi 'chandr mas' men karane chahie.
  • vivah-snskar, ygy, vrat, snan adi satkarm 'saur mas' men karane ka vidhan hai.
  • som ya pitrigan ke kary 'nakshatr mas' men kie jate hain.
  • prayashchitt, annaprashan, mantropasana, raj kar dena, ygy ke dinon ki ganana adi karm 'shravan mas' men karana chahie.
  • soory-chandr ki tithiyon ke yog se jis mah men poornima ka yog n ho aur tis dinon tak snkraman n ho, vah 'mal mas' kahalata hai. is mas men koee bhi shubh karm nahin kie jate. isi parv men soot ji vibhinn tithiyon men kie ge karm vishesh ke phalon ka varnan bhi karate hain.
  • shukl paksh men dvitiya tithi ko yadi brihaspativar ho to us din agni poojan karane se aishvary aur ichchhapoorti ke anusar dhan labh hota hai.
  • ashadh evn shravan mas men mithun-kark rashi ke soory men dvitiya tithi ko upavas karake vishnu poojan karane se stri jaldi vidhava nahin hoti. isi prakar any tithiyon men kie ge poojan se kya-kya prapt hote hain, unaka vistar se ullekh kiya gaya hai.

isi parv men udyanon, gochar bhoomiyon, jalashayon, tulasi aur mandap adi ki pratishtha ki shastriy vidhiyon ka ullekh kiya gaya hai. grihasthashram ki upayogita, srishti, patal lok, bhoogol, jyotish, brahmanon ki mahanata, mata-pita evn guruon ki mahima, vriksharopan ka mahattv adi ka vistar se varnan hai. vriksharopan ke lie vaishakh, ashadh, shravan tatha bhadon mas sarvashreshth aur jyeshth, ashvin, kartik mas ashubh evn vinashakari mane jate hain. isi parv men das prakar ke ygy kundon ka varnan bhi kiya gaya hai.

pratisarg parv

pratisarg parv itihas ka sundar vivechan prastut karata hai. isamen adhunik ghatanaon ka kramavar varnan hai. eesa masih ke janm, unaki bharat yatra, muhammad sahab ka avirbhav, maharani viktoriya ka rajyarohan, sat yug ke rajavnshon ka varnan, treta yug ke sooryavnshi aur chandravnshi rajaon ka varnan , dvapar yug ke chandravnshi rajaon ka varnan, kali yug men hone vale mlechchh rajaon evn unaki bhashaon ka varnan, nooh ki pralay gatha, magadh ke rajavnsh raja nand, bauddh rajaon tatha chauhan v paramar vnsh ke rajaon tak ka varnan isamen prapt hota hai. rajavnshon se sambndhit kee kathaon ke madhyam se manav-jivan ke adarsh moolyon ke sthapana ki prerana dene men 'bhavishy puran' agrani hai. is puran men prasiddh betal kathaon (vikram-baital kathaen) ya vetal pachchisi ki kathaon ka ullekh bhi milata hain jimootavahan aur shnkhachood ki prasiddh katha bhi is puran men upalabdh hoti hai.

  • 'shri satyanarayan vrat katha' ka ullekh isi parv ke teisaven se unatisaven adhyay men kiya gaya hen yah katha hinduon ke samajik evn parivarik jivan ke lie atyant lokopakari, mngalakari aur puny dene vali hai.
  • is parv men bharat ke lagabhag ek sahastr varsh ke itihas par sundar prakash dala gaya hai. is vajah se is puran ko vartaman bharatiy snskriti, dharm aur sabhyata ka mahanh granth kahana anuchit nahin hoga. prasngavash isamen 'markandey puran' ki bhanti 'durga saptashati' ke charitron ka bhi varnan prapt hota hai.

uttar parv

narad muni
Narad Muni
  • is parv men vishnu-maya se mohit narad ka varnan, chitralekha charitr varnan, ashok tatha karavir vrat ka mahatmy gopaniy kokila vrat ka varnan (pati-patni men prem ki pragadhata ke lie) tatha striyon ko saubhagy prada karane vale any vraton ka varnan vistarapoorvak kiya gaya hai.
  • 'bhavishy puran' ki sabase mahattvapoorn visheshata yah hai ki isaka parayan aur rachana mag brahmanon dvara ki gee hai. ye mag brahman eerani purohit the, jo eesa ki tisari shatabdi men bharat akar bas ge the. ye soory ke upasak the. soory ki upasana vaidik kal se bharat men hoti rahi hai. mag brahmanon ne sooryopasana ke sath 'khagol vidya' aur 'jyotish' ka prachalan kiya. jyotish shastr ke prasiddh achary varah mihir,khagol vidya ke gyata mag brahman hi the. ye mag brahman shanai:-shanai: bharatiy jan-jivan men poori tarah se ghul-mil ge.
  • bhavishy puran tatkalin samaj-vyavastha par bhi achchha prakash dalata hai. us kal ki jati-vyavastha ke bare men yah puran kahata hai-'jati n to janm se hoti hai, n vnsh se aur n hi vyavasay se, balki karm tatha acharan se hoti hai.
  • aise anek udaharan itihas men mil jaenge, jo shoodr kul men janm lekar bhi satkarm ke adhar par poojaniy bane. svayn krishn dvaipayan vyas ji maharshi parashar aur matsy kanya satyavati ke snsarg se utpann hue the. 'bhavishy puran' ke anusar varn-vyavastha eeran ke brahmanon ki den hai. unhonne hi brahman, kshatriy, vaishy aur shoodr jatiyon men samaj ko banta tha. yah nirvivad roop se saty hai ki eerani purohit mag jyotish vidya men parngat the. mag brahmanon ke atirikt bhojak aur agni upasak bhi eeran se yahan ae the, jo bad men 'ary' kahalane lage.
thumb
  • 'bhavishy puran' ke anusar daksh ki putri sngya ka vivah soory ke sath hua tha. usi se yam aur yamuna paida hue. is puran men soory pooja ki vidhi vistar se bataee gee hai. rakt chandan, karavir pushp tatha gud se bani khady-samagri sooryopasana men upayukt mani gee hai. soory ke atirikt is puran men ganesh ji ki pooja aur svarg-narak ka vistrit varnan bhi prapt hota hai. isamen bataya gaya he ki jo manushy susnskrit hote hue bhi durachar se lipt rahata hai, use raurav narak ka du:kh sahan karana padega-chahe vah brahman ki kyon n ho.
  • shiksha-pranali ke bare men vistar se charcha karate hue 'bhavishy puran' kahata hai ki keval panch prakar ke guru hote hain.
  1. achary jo vedon ka rahasy samajhaen.
  2. upadhyay jo jivikoparjan hetu ved path karaen.
  3. guru ya pita jo apane shishyon aur santan ko shikshit karen tatha unamen kisi tarah ka bhedabhav n karen.
  4. ritvik jo agnihotr ya ygy karaen.
bhagavan shiv ki moorti, rishikesh
Lord Shiva Statue, Rishikesh
  1. mahaguru jo guruon ka bhi guru ho; jisane 'ved', 'puran', 'ramayan' aur 'mahabharat' ki poori tarah adhyayan kiya ho tatha soory, shiv, vishnu adi ki upasana vidhiyon ka poora gyan rakhata ho.
  • 'bhavishy puran' men vraton aur upavason ke vistrit varnan ke sath-sath mandir nirman ki prakriya ka bhi vistar se ullekh hai. mandiron ke nirman men sthapaty kala ka vishad varnan bhi is puran men prapt hota hai. soory mandir men soory pratimaon ke bare men bhi vistar se bataya gaya hai.
  • samaj ki arthik sthiti ke bare men 'bhavishy puran' men adhik janakari nahin upalabdh hoti. keval kuchh prakar ki mazadoori ka ullekh prapt hota hai. yadi pahale se mazadoori tay n ho to kul kie ge kam ka hisab lagakar mazadoori deni chahie. sadharan taur par us kal men mazadoori 'pan' ke roop men di jati thi. bis kaudi ki ek kakini aur char kakini ka ek pan hota tha.

snbndhit lekh

shrutiyan

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah