}

रुद्रहृदयोपनिषद  हिन्दी देवनागरी में पढ़ें।

krishn yajurvediy is upanishad men 'shiv' aur 'vishnu' ki abhinnata darshaee gayi hai. shukadev ji aur vyas ji ke madhy hue prashnottar ke roop men is upanishad ka prarambh kiya gaya hai.

  • shukadev ji vyas ji se poochhate hain ki sabhi devon men sarvashreshth dev kaun hai? jisaka uttar vyas ji 'rudr' ke roop men dete hain. usake bad shiv aur vishnu ki abhinnata, atma, paramatma aur antaratma ki vividhata, rudr ki trimoorti- brahma, vishnu, mahesh- ka vivechan, rudr-kirtan se samast papon ka vinash, para-apara vidya ka svaroop, aksharabrahm, arthat param saty ke gyan dvara snsar-moh se mukti, moksh ki ichchha rakhane vale sadhakon ke lie pranavonpasana ka mahattv, jiv aur eeshvar ka kalpanik bhed tatha advait gyan se samast shokon aur moh adi se poorn roop se nivritti adi ka varnan kiya gaya hai.
  • yah upanishad 'vibhed buddhi' ke sthan par 'abhed buddhi' ka gyan karane men samarth hai. aj ke digbhramit samaj ke lie yah upanishad atyant upayogi hai.
  • shantipath ke uparant shukadev ji apane pita krishnadvaipayan vyas ji se sarvaksheshth devata ke vishay men apani jigyasa prakat karate hain. is par vyasaji uttar dete hain-

sarveshreshth devata kaun?

'he shukadev! bhagavan 'rudr' men sabhi devata samahit hain. ve sabhi rudr-roop hain. unake dakshin men soory, brahma tatha tin prakar ki agniyan- garhapaty, dakshinagni aur ahvaniy-vidyaman hain. vam parshv men bhagavati uma, bhagavan vishnu aur som ye tin dev shaktiyan vidyaman hain. uma hi bhagavan vishnu aur chandrama hain jo bhakti-bhav se bhagavan shnkar ka naman karate hain, ve vishnu ki hi archana karate hain aur jo vishnu ko naman karate hain, ve bhagavan rudradev (shiv) ki hi prarthana karate hain.'

  • unhonne age kaha-'vastut: jo log bhagavan shnkar se dvesh-bhav rakhate hain, ve vishnu ke kripapatr kadapi nahin ban sakate. donon ka svaroop ek hi hai.'

brahma, vishnu aur shiv ki ekaroopata

is upanishad men yah mantr diya gaya hai, jo tinon ki ekata ko prakat karata hai-
rudratpravartate bichn bijayonirjanardan:.
yo rudr: s svayn brahma yo brahma s hutashan:॥7॥ arthat rudr hi praniyon ki utpatti ke bijaroop hain tatha us bijaroop ki yoni uma, arthat bhagavan vishnu hain. jo rudradev hain, ve svayn brahma hain aur jo brahma hain, ve hi agnidev hain. agni aur som se yukt yah sampoorn jagat brahma, vishnu aur shiv-svaroop rudramay hi hai. sabhi jad-chetan-svaroop rudr aur uma ke snyog se hi janm lete hain. uma aur shiv ka milan hi vishnu kahalata hai. 'antaratma' brahma hai, 'paramatma' maheshvar shiv hai aur sabhi praniyon ki sanatan 'atma' bhagavan vishnu hain. antaratma bhavedbrahma paramatma maheshvar:.
sarveshamev bhootanan vishnuratma sanatan:॥14॥

  • is trilok-roopi vishv men tinon ka hi roop vidyaman hai. kary-roop men vishnu, kriya-roop men brahma aur karan-roop men svayn maheshvar shiv hain. yahi inaka 'trimoorti' roop hai.
  • dharm-roop rudr, jagat-roop vishnu aur gyan-roop brahma hai. inaki upasana is prakar karani chahie-

'rudro nar uma nari tasmai tasyai namo nam:. rudro brahma uma vani tasmai tasmai namo nam:॥
rudro vishnurooma lakshmistasmai tasyai namo nam:. rudr: soorya uma chhaya tasmai tasyai namo nam:॥
rudro som uma tara tasmai tasyai namo nam:. rudro diva uma ratristasmai tasyai namo nam:॥
rudro ygy uma vedistasmai tasyai namo nam:. rudro vahnirooma svaha tasmai tasyai namo nam:॥
rudro ved uma shastrn tasmai tasyai namo nam:. rudro vriksh uma valli tasmai tasyai namo nam:॥
rudro gandh uma pushpn tasmai tasyai namo nam:. rudroarth akshar: soma tasmai tasyai namo nam:॥
rudro lingayuma pinth tasmai tasyai namo nam:. savadevatmakn rudrn namaskuryatprithamprithakh॥' (17 se 23 tak— rudrahridayopanishad)

  • 'he shukadev! sabake ashrayadata, sachchidanand svaroop, man aur vani se agochar jo sanatan brahm hai, use jan lene par sabhi rahasy vidit ho jate hain, kyonki us 'brahm' se prithakh kuchh bhi nahin hai.'

para-apara vidya

  • 'he shukadev! para vidya' ke antargat atmgyan prapt hota hai aur 'apara vidya' ke antargat rikh (saty), yajush, sam aur atharv vedon ki shiksha, kalp, vyakaran, nirookt, chhand aur jyotish adi ka gyan prapt hota hai. ek sadhak ko ye donon vidyaen avashy janani chahie.'
  • vyasaji ne kaha—'vats! sabhi vidyaon ka ashrayasthal 'brahm' hi hai. gyan hi jisaka tap hai, usi se bhokta evn ann-roop is jad-chetan jagat ki utpatti huee hai.'

y: sarvgy: sarvavidyo yasy gyanamayn tap:.
tasmadatrannaroopen jayate jagadavali:॥33॥

shiv kaun hai?

  • vyasaji ne kaha-'he shukadev! chidriroop jivatma svayn hi sakshat shiv hai. jiv aur eeshvar men chinmay upadhi se yukt akar-bhed ke karan hi bhinnata pratit hoti hai, svaroop se nahin. saty-roop eeshvar hi jagat ka adhar hai. manishi jan svayn ko hi paramatma manakar 'main brahm hoon' (aham brahmasmi) nishchay karake shok-rahit ho jate hain. atm-svaroop gyan se yukt aise siddh purush ka punarjanm nahin hota. vah apane hi svaroop men sthit hokar, svayn hi sachchidanand svaroop 'brahm' ho jata hai.'


snbndhit lekh

shrutiyan


varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah