बृहस्पतिस्मृति  हिन्दी देवनागरी में पढ़ें।

brihaspatismriti ek smriti granth hai, jisake rachanakar brihaspati hain. brihaspati prachin arthashastrgy mane jate hain. aparark v katyayan ke granthon men brihaspati ke uddharan milate hain. mahabharat ke vanaparv men ‘brihaspatiniti’ ka ullekh hai. ‘yagyvalkyasmriti’ men inhen dharmavakta kaha gaya hai. ‘brihaspatismriti’ abhi tak sampoorn roop men prapt nahin huee hai.

prachin ullekh

brihaspatismriti ka pramukh 18 smritiyon men antarbhav hota hai. ‘mitakshara’ v any bhashyon men inake lagabhag 700 shlok prapt hote hain, jo vyavahar vishayak hain. kautily ne inako prachin arthashastri ke roop men varnit kiya hai. ‘mahabharat’ ke shantiparv[1] men brihaspati ko brahma dvara rachit dharm, arth v kam vishayak granthon ko tin sahasr adhyayon men snkshipt karane vala kaha gaya hai. mahabharat ke vanaparv men ‘brihaspatiniti’ ka ullekh hai.

‘brihaspatismriti’ ko abhi tak sampoorn roop men prapt nahin kiya ja saka hai. daau. joli ne isake 711 shlokon ka prakashan kiya hai. isamen vyavahar, vishayak siddhant ka varnan hai. upalabdh ‘brihaspatismriti’ par ‘manusmriti’ ka prabhav dikhaee padata hai. anek sthalon par to brihaspati manu ke snkshipt vivaranon ke vyakhyata siddh hote hain. aparark v katyayan ke granthon men brihaspati ke uddharan milate hain. bharataratn pandurng vaman kane ke anusar brihaspati ka samay 200 ee. se 400 ee. ke bich mana ja sakata hai. smritichandrika, mitakshara, parasharamadhaviy, nirnayasindhu v snskarakaustubh men brihaspati ke anek uddharan prapt hote hain. brihaspati ke bare men vidvanh abhi tak kisi nishchit nishkarsh par nahin pahunch sake hain. aparark v hemadri ne vriddh brihaspati evn jyoti brihaspati ka bhi ullekh kiya hai.

nyay vishayak vivechan

brihaspati pratham dharmashastrgy hain. jinhonne dhan tatha hinsa ke bhed ko prakat kiya hai. isamen bhoomidan, gayashraddh, vrashotsarg, vapikoopadi ka jirnodvar adi vishay hain. isamen nyayalayin vyavahar vishayak jo vivechan hua hai, vah is smriti ki visheshata hai. kuchh pramukh baton ka vivechan is prakar hai-praman, gavah, dastavej tatha bhukti (kabja) nyayalayin kary ke char ang hain. faujadari aur divani mamale do prakar ke hote hain. len-den ke mamale ke 14 tatha faujadari mamale ke 4 bhed hai. nyayadhish ko kisi bhi mamale ka nirnay keval shastr ke anusar nahin, to buddhi ke karan mimansa kar hi dena chahie. nyayalay men mamala dakhil hone se usaka phaisala hone tak ki kary paddhati isamen vistar se di gee hai.

mrichchhakatik natak ke nyayalayin prasng tatha kary paddhati, is smriti ke anusar varnit hai. is smriti ka manusmriti se nikat sambandh hai. skandapuran men kinvadanti hai ki mool manusmriti ke bhrigu, narad, brihaspati tatha angiras ne char vibhag kie. manu ne jin vishayon ki snkshipt charcha ki usaka brihaspati ne vistar se vivechan kiya hai. brihaspati aur narad men anek vishayon par mataiky hain. parantu brihaspati ki nyay vishayak paribhashaen narad se adhik anishchayatmak hain.[2]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bharatiy snskriti kosh, bhag-2 |prakashak: yoonivarsiti pablikeshan, nee dilli-110002 |snpadan: profesar devendr mishr |prishth snkhya: 545 |

  1. shantiparv (59-80-85)
  2. sn.va. ko. (dvitiy khand), prishth 221.222

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah