ऋषि पञ्चमी  हिन्दी देवनागरी में पढ़ें।

rishi panchami
saptarshi
anuyayi hindoo
uddeshy masik dharm ke samay lage pap se chhutakara pane ke lie yah vrat striyon dvara kiya jana chahie.
prarambh pauranik kal
tithi bhadrapad shukl paksh pnchami
anushthan vyakti ko nadi adi men snan karane tatha ahlik krity karane ke uparant agnihotrashala men jana chahie, saton rishiyon ki pratimaon ko pnchamrit men nahalana chahie, un par chandan lep, kapoor lagana chahie, pushpon, sugandhit padarthon, dhoop, dip, shvet vastron, ygyopaviton, adhik matra men naivedy se pooja karani chahie aur mantron ke sath ardhy chadhana chahie.
saptarshi marichi, vasishth, angira, atri, pulasty, pulah, kratu

rishi panchami (angrezi: Rishi Panchami) ka vrat bhadrapad ke shukl paksh ki pnchami ko sampadit hota hai. prathamat: yah sabhi varnon ke purushon ke lie pratipadit tha, kintu ab yah adhikansh men nariyon dvara kiya jata hai. hemadri[1] ne brahmand puran ko uddhrit kar vishad vivaran upasthit kiya hai. vyakti ko nadi adi men snan karane tatha ahlik krity karane ke uparant agnihotrashala men jana chahie, saton rishiyon ki pratimaon ko pnchamrit men nahalana chahie, un par chandan ka lep, kapoor lagana chahie, pushpon, sugandhit padarthon, dhoop, dip, shvet vastron, ygyopaviton, adhik matra men naivedy se pooja karani chahie aur mantron ke sath ardhy chadhana chahie.

ardhyamantr

kashyapotrirbharadvajo vishvamitroy gautam:.
jamadagnirvasishthashch saptaite rishay: smrita:॥
grihnantvardhy maya dattn tushta bhavat me sada॥[2]

varahamihir ki brihatsnhita (13.5-6) men saptarshiyon ke nam aye hain (jo poorv se arambh kiye gaye hain) yatha marichi, vasishth, angira, atri, pulasty, pulah, kratu; 13.6 men aya hai ki sadhvi aroondhati vasishth ke pas hain. is vrat men keval shakon ka prayog hota hai aur brahmachary ka palan kiya jata hai. isake karane se sabhi papon evn tinon prakar ke du:khon se chhutakara milata hai. [3] tatha saubhagy ki vriddhi hoti hai. jab nari ise sampadit karati hai to use anand, sharir-saundary , putron evn pautron ki prapti hoti hai.

pashchatkalin nibandh vratark, vrataraj[4] adi ne bhavishyottar se uddhrit kar bahut-si baten likhi hain, jahan krishn dvara yudhishthir ko sunayi gayi ek katha bhi hai. jab indr ne tvashta ke putr vritr ka hanan kiya to unhen brahmahatya ka aparadh laga. us pap ko char sthanon men banta gaya, yatha agni (dhoom se mishrit pratham jvala), nadiyon (varshakal ke pnkil jal), parvaton (jahan gond vale vriksh ugate hain) men tatha striyon (rajasvala) men. at: masik dharm ke samay lage pap se chhutakara pane ke lie yah vrat striyon dvara kiya jana chahie.

  • isaka snkalp yon hai-

ahn gyanatoagyanato va rajasvalavasyayan kritasnparkajanitadoshaparihararthamrishipanchamivratn karishye.

aisa snkalp karake aroondhati ke sath saptarshiyon ki pooja karani chahie [5].

  • vrataraj[6] ke mat se is vrat men keval shakon ya nivaron ya sanva (shyamak) ya kand-moolon ya phalon ka sevan karana chahie tatha hal se utpann kiya hua ann nahin khana chahie. ajakal jab purush bhi is vrat ko karate hain to vaidik mantron ka path hota hai, yatha kashyap rishi ke lie rigved[7], atri ke lie rigved[8], bharadvaj ke lie rigved[9], vishvamitr ke lie rigved[10], gautam ke lie rigved[11], jamadagni ke lie rigved[12] evn vasishth ke lie rigved.[13]
  • aroondhati ke lie bhi mantr hai—

atreryathanasooya syadh vasishthasyapyaroondhati. kaushikasy yatha sati tatha tvamapi bhartari॥

yah aroondhati ke avahan ke lie hai. yah vrat sat varshon ka hota hai. sat ghade hote hain aur sat brahman nimantrit rahate hain, jinhen ant men rishiyon ki saton pratimaen (sone ya chandi ki) dan men de di jati hain. yadi sabhi pratimaen ek hi kalash men rakhi gayi hon to vah kalash ek brahman ko tatha anyon ko kalashon ke sath vastr evn dakshina di jati hai.

yadi pnchami tithi chaturthi evn shashti se snyukt ho to rishi pnchami vrat chaturthi se snyukt pnchami ko kiya jata hai n ki shashthiyukt pnchami ko. kintu is vishay men matabhed hai.[14] sambhavat: arambh men rishipnchami vrat sabhi papon ki mukti ke lie sabhi logon ke lie vyavasthit tha, kintu age chalakar yah keval nariyon se hi sambandhit rah gaya. kintu saurashtr men isaka sampadan nahin hota.

rishi panchami katha pratham

ek samay vidarbh desh men uttak nam ka brahman apani pativrata patni ke sath nivas karata tha. usake parivar men ek putr v ek putri thi. putr ka nam 'suvibhooshan' tha jo bahut buddhi vala tha. raja ne apani putri ka vivah achchhe brahman ke sath kar diya tha. bhagavan ki kripa se aisa vidhan bana ki putri vidhava ho gayi. apane dharm ke sath vah apane pita ke ghar hi rahane lagi. apani kanya ko du:khi dekhakar uttak apane putr ko ghar par chhodakar apani stri v putri ko lekar gnga kinare ashram banakar rahane lage. kanya apane mata-pita ki seva karane lagi. ek din kam karake thak kar kanya ek patthar ki shila par aram karane let gee. adhi rat men usake sharir men kide utpann ho gaye. apani kanya ke sharir par kide dekhakar brahmani bahut vilap karake roti rahi aur behosh ho gayi. hosh ane par kanya ko uthakar uttak rishi ke pas le gee aur kahane lagi ki isaki halat aisi kyon ho gee? brahmani ki bat sunakar uttak apane netron ko band karake dhyan lagakar kahane lage ki hamari kanya poorv janm men brahmani thi. isane ek bar rajasvala hone par ghar ke sab bartan adi chhoo liye the. bas isi pap ke karan isake sharir par kide pad gaye hain. shastron ke anusar rajasvala stri pahale din chandalani doosare din brahm hatyarani tisare din pavitr dhobin ke saman hoti hai aur chauthe din vah snan karane ke pashchath shuddh ho jati hai. shuddh hone ke bad bhi isane apani sakhiyon ke sath rishi pnchami ka vrat dekhakar ruchi nahin li. vrat ke darshan matr se hi ise brahman kul prapt hua. lekin isake tiraskar karane se isake sharir men kide pad gaye. brahmani ne kaha aise ashchary vrat ko ap kripa karake mujhe avashy batayen. yah katha shri krishn ne yudhishthar ko sunaee thi. jo stri rajasvala hokar bhi ghar ke kamon ko karati hai vah avashy hi narak men jati hai. poorv janm men vrijasur ka vadh karane ke karan indr ko brahm hatya ka mahanh pap laga tha. us samay brahma ji ne us par kripa karake us pap ko char sthanon men bant diya tha. pahala agni ki jvala men, doosara nadiyon ki barasati jal men, tisara parvaton men, chautha stri ke raj men vibhajit karake, us pap ko shuddhi ke lie hi har stri ko rishi pnchami ka vrat karana chahie.

rishi panchami katha dvitiy

sat yug men vidarbh nagari men shyenajit namak raja huye the. vah rishiyon ke saman the. unhin ke raj men krishak sumitr tha. usaki stri jayashri atyant pativrata thi. ek samay varsha ritu men jab usaki stri kheti ke kamon men lagi huee thi to vah rajasvala ho gee. usako rajasvala hone ka pata lag gaya phir bhi vah ghar ke kamon men lagi rahi. kuchh samay bad vah donon stri-purush apani-apani ayu bhog kar mrityu ko prapt hue. jayashri to kutiya banin aur sumitr ko rajasvala stri ke sampark men ane ke karan bail ki yoni mili. kyonki ritu dosh ke atirikt in donon ka koee aparadh nahin tha. isi karan in donon ko apane poorv janm ka samast vivaran yad raha. ve donon kutiya aur bail ke roop men usi nagar men apane bete suchitr ke yahan rahane lage.

dharmatma suchitr apane atithiyon ka poorn satkar karata tha. apane pita ke shraddh ke din usane apane ghar brahmanon ko jimane ke liye nana prakar ke bhojan banavaye. jab usaki stri kisi kam ke lie rasoee se bahar gee huee thi to ek sarp ne rasoee ki khir ke bartan men vish vaman kar diya. kutiya ke roop men suchitr ki man kuchh door se sab dekh rahi thi. putr ki bahoo ke ane par usane putr ko brahmahatya ke pap se bachane ke lie us bartan men munh dal diya. suchitr ki patni chandravati se kutiya ka yah krity dekha n gaya aur usane choolhe men se jalati lakadi nikal kar kutiya ko mari. bechari kutiya mar khakar idhar-udhar bhagane lagi. chauke men jo jhoothan adi bachi rahati thi, vah sab suchitr ki bahoo us kutiya ko dal deti thi, lekin krodh ke karan usane vah bhi bahar phikava di. sab khane ka saman phikava kar bartan saf kara ke dobara khana banakar brahmanon ko khilaya.

ratri ke samay bhookh se vyakul hokar vah kutiya bail ke roop men rah rahe apane poorv pati ke pas akar boli, he svami! aj to bhookh se mari ja rahi hoon. vaise to mera putr mujhe roz khane ko deta tha. lekin aj mujhe kuchh nahin mila. sanp ke vish vale khir ke bartan ko anek brahmahatya ke bhay se chhookar unake n khane yogy kar diya tha. isi karan usaki bahoo ne mujhe mara aur khane ko kuchh bhi nahin diya. tab vah bail bola, he bhadre! tere papon ke karan to main bhi is yoni men a pada hoon aur aj bojha dhote-dhote meri kamar toot gee hai. aj main bhi khet men dinabhar hal men juta raha. mere putr ne aj mujhe bhi bhojan nahin diya aur mujhe mara bhi bahut. mujhe is prakar kasht dekar usane is shraddh ko nishphal kar diya. apane mata-pita ki in baton ko suchitr sun raha tha usane usi samay donon ko bharapet bhojan karaya aur phir unake du:kh se dukhi hokar van ki or chala gaya.

van men jakar rishiyon se poochha ki mere mata-pita kin karmon ke karan in nichi yoniyon ko prapt hue hain aur ab kis prakar se inako chhutakara mil sakata hai. tab sarvatama rishi bole tum inaki mukti ke lie patni sahit rishi pnchami ka vrat dharan karo tatha usaka phal apane mata-pita ko do. bhadon mahine ki shukl pnchami ko mukh shuddh karake madhyanh men nadi ke pavitr jal men snan karana aur naye reshami kapade pahanakar aroodhanti sahit saptrishiyon ka poojan karana. itana sunakar suchitr apane ghar laut aya aur apani patni sahit vidhi vidhan se poojan vrat kiya. usake puny se mata-pita donon pashu yoniyon se chhoot gaye. isaliye jo stri shraddhapoorvak rishi pnchami ka vrat karati hai vah samast sansarik sukhon ko bhog kar vaikunth jati hai.



panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. brahmandapuran vrat, bhag 1, pri. 568-572
  2. he0 (vrat, bhag 1, pri0 571); smriti kau0 (pri0 217); vrataraj (pri0 200).
  3. tin du:kh ye hain-
    1. adhyatmik,
    2. adhidaivik evn
    3. adhibhautik.
    'adhyatmikadi maitrey gyatva tapatrayn budh:. utpanngyanavairagy: prapnotyatyantikn layamh॥' (vishnu0 6.5.1). adhyatmik du:kh sharirik (rog adi) evn manasik (chinta, eershya adi) hain; adhibhautik du:kh pashuon, manushyon, pishachon adi se utpann hote hain; adhidaivik du:khon ki utpatti tusharapat, pavan, varsha adi se hoti hai.
  4. bhavishyottar pri0 200-206
  5. vratark
  6. bhavishyottar pri0 201
  7. rigved 9.14.2
  8. rigved 5.78.4
  9. rigved 6.25.9
  10. rigved 10.167.4
  11. rigved 1.78.1
  12. rigved 3.62.18
  13. rigved 7.31.11
  14. kal nirnay (pri0 186), hemadri, madhav, nirnayasindhu adi.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah