वामन एकादशी  हिन्दी देवनागरी में पढ़ें।

vaman ekadashi
vaman avatar
any nam 'padma ekadashi', 'jayanti ekadashi' ya 'parivartani ekadashi'
anuyayi hindoo dharm ke anuyayi
uddeshy is din bhagavan vishnu ka vrat karane karane se sabhi pap kat jate hain aur papiyon ka uddhar hota hai. vrat karane vale ko moksh ki prapti hoti hai.
tithi bhadrapad, shukl paksh ki ekadashi
dharmik manyata 'vaman ekadashi' ke vishay men manyata hai ki is din bhagavan vishnu karavat badalate hain. isi vajah se is ekadashi ko 'parivartini ekadashi' bhi kahate hain.
snbndhit lekh vaman bhagavan, vishnu, avatar, bali
any janakari is din ygyopavit se bhagavan vaman ki pratima sthapit kar, ardhy dan karane, phal-phool arpit karane aur upavas adi karane se vyakti ka kalyan hota hai.

vaman ekadashi bhadrapad mas ke shukl paksh ki ekadashi tithi ko kaha jata hai. yah tithi 'padma ekadashi', 'jayanti ekadashi' ya 'parivartani ekadashi' bhi kahi jati hai. vaman ekadashi ke vrat ko karane se sabhi manokamanaen poori hoti hain. is tithi men bhagavan vaman dev ka poojan avashy karana chahie. vaman ekadashi ke din ygyopavit se bhagavan vaman ki pratima sthapit kar, ardhy dan karane, phal-phool arpit karane aur upavas adi karane se vyakti ka kalyan hota hai.

ekadashi tithi

ek any mat ke anusar bhadon mas ke shukl paksh ki dvadashi tithi ke din yah vrat kiya jata hai. ekadashi tithi ke din kiya jane vala vaman ekadashi vrat 'padma ekadashi' ke nam se bhi jana jata hai. jabaki ek any mat yah kahata hai ki ekadashi vrat hone ke karan is vrat ko ekadashi tithi men hi kiya jana chahie. is din vaman ekadashi vrat kiya ja sakata hai.[1]

vrat vidhi

vaman ekadashi ke din vrati ko apane nity karyon se nivritt hone ke bad bhagavan vaman ka poojan karana chahie aur ardhy dete samay nimn mntr ka prayog karana chahie-

deveshcharay devay, dev snbhooti karine.
prabhave sarv devanan vamanay namo nam:..

isaki pooja karane ka ek doosara vidhan bhi hai. pooja ke bad 52 pede aur 52 dakshina rakhakar bhog lagaya jata hai. phir ek tokari men ek katori chaval, ek katori sharabat, ek katori chini, ek katori dahi, brahman ko dan di jati hai. isi din vrat ka udyapan bhi karana chahie. udhyapan men brahmanon ko ek chhata, khadaoon tatha dakshina dekar vida karana chahie. is vrat ko karane se svarg ki prapti hoti hai.

mahattv

vaman ekadashi ko 'jayanti ekadashi' bhi kahate hain. is ekadashi ka vrat karane se samast papon ka nash hota hai. 'jayanti ekadashi vrat' ko karane se nich papiyon ka uddhar ho jata hai. agar koee vyakti 'parivartani ekadashi' ke din bhagavan shrivishnu ki bhi pooja karata hai to use bhi moksh ki prapti hoti hai. vaman ekadashi ke phalon ke vishay men jara bhi sndeh nahin hai. jo bhi vyakti is ekadashi ke din bhagavan vishnu ke vaman roop ki pooja karata hai, vah brahma, vishnu aur shiv tinon ki pooja karata hai. is ekadashi ke vrat ko karane ke bad vyakti ke lie is snsar men kuchh bhi karana shesh nahin rahata. vaman ekadashi ke din ke vishay men ek manyata hai ki is din bhagavan vishnoo ji karavat badalate hain. isi vajah se is ekadashi ko 'parivartini ekadashi' bhi kahate hain.[1]

katha

treta yug men bali nam ka ek danav tha. vah bhakt, dani, satyavadi tatha brahmanon ki seva karane vala tha. sath hi vah sadaiv ygy aur tap adi kiya karata tha. vah apani bhakti ke prabhav se svarg men devaraj indr ke sthan par rajy karane laga. indr tatha any devata is bat ko sahan n kar sake, aur bhagavan vishnu ke pas jakar prarthana karane lage. ant men bhagavan vishnu ne vaman ka roop dharan kiya aur raja bali se yajana ki- "he rajan, tum mujhe tin pag bhoomi de do. isase tumhen tin lok dan ka phal prapt hoga". raja bali ne is chhoti-si yachana ko svikar kar liya aur vah bhoomi dene ko taiyar ho gaya. aise men bhagavan vishnu ne apana akar badha liya. unhonne pratham pag men sampoorn prithvi, doosare pag men nabh aur tisara pag rakhane se pahale raja bali se poochha ki- "ab pair kahan rakhoon". itana sunakar raja bali ne apana sir nicha kar liya aur bhagavan vishnu ne tisara pair raja bali ke sir par rakh diya. aise men bhakt danav patal lok chala gaya.

patal lok men raja bali ne vinit ki to bhagavan vishnu ne kaha ki- main tumhare pas sadaiv rahoonga. bhado mas ke shukl paksh ki 'parivartani' nam ki ekadashi ke din main ek roop se raja bali ke pas rahoonga aur ek roop se kshirasagar men sheshanag par shayan karata rahoonga." is ekadashi ke din bhagavan vishnu sote hue karavat badalate hain. is din trilok ke nath vishnu bhagavan ki pooja ki jati hai. vaman ekadashi ke din chaval aur dahi sahit chandi ka dan karane ka vishesh vidhi-vidhan hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 vaman ekadashi, jaynti ekadashi (hindi). . abhigaman tithi: 05 agast, 2013.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah