वराह जयन्ती  हिन्दी देवनागरी में पढ़ें।

varah jayanti
varah avatar
vivaran 'varah jayanti' hindoo dharm men many pramukh jayntiyon men se ek hai. is tithi ko bhagavan vishnu ne varah ka roop dharan kar daity hiranyaksh ka vadh kiya tha.
anuyayi hindoo
tithi bhadrapad mas, shukl paksh ki tritiya tithi.
snbndhit lekh hiranyaksh, hiranyakashipu, vishnu
any janakari 'varah jayanti' ke avasar par bhakt log bhagavan vishnu ka bhajan-kirtan, upavas evn vrat ityadi ka palan karate hain aur sukh-samriddhi ki kamana karate hain.

varah jayanti bhadrapad mas ke shukl paksh ki tritiya tithi ko manaee jati hai. hindoo dharmik manyataon ke anusar is tithi ko bhagavan vishnu ne varah avatar liya tha, aur hiranyaksh namak daity ka vadh kiya. bhagavan vishnu ke is avatar men shrihari papiyon ka ant karake dharm ki raksha karate hain. varah jayanti bhagavan ke isi avataran ko prakat karati hai. is jayanti ke avasar par bhakt log bhagavan ka bhajan-kirtan v upavas evn vrat ityadi ka palan karate hain.

katha

jab diti ke garbh se hiranyaksh aur hiranyakashipu ne jab judavan putron ke roop men janm liya to prithvi kanp uthi. akash men nakshatr aur doosare lok idhar se udhar daudane lage, samudr men badi-badi laharen paida ho uthin aur pralaynkari hava chalane lagi. aisa pratit hone laga ki mano pralay a gee ho. hiranyaksh aur hiranyakashipu donon paida hote hi bade ho ge. daityon ke balak paida hote hi bade ho jate hai aur apane atyacharon se dharati ko knpane lagate hain. yadyapi hiranyaksh aur hiranyakashipu donon balavan the, kintu phir bhi unhen sntosh nahin tha. ve snsar men ajeyata aur amarata prapt karana chahate the.

tap tatha varadan

hiranyaksh aur hiranyakashipu donon ne brahma ko prasann karane ke lie kathin tap kiya. unake tap se brahma ji prasann hue. unhonne prakat hokar kaha- "tumhare tap se main prasann hoon. var mango, kya chahate ho?" hiranyaksh aur hiranyakashipu ne uttar diya- "prabho, hamen aisa var dijie, jisase n to koee yuddh men hamen parajit kar sake aur n koee mar sake." brahmaji ‘tathastu’ kahakar apane lok men chale ge. brahma se ajeyata aur amarata ka varadan pakar hiranyaksh uddnd aur svechchhachari ban gaya. vah tinon lokon men apane ko sarvashreshth manane laga. doosaron ki to bat hi kya, vah svayn vishnu bhagavan ko bhi apane samaksh tuchchh manane laga.

indralok par adhikar

hiranyaksh ne garvit hokar tinon lokon ko jitane ka vichar kiya. vah hath men gada lekar indralok men ja pahuncha. devataon ko jab usake pahunchane ki khabar mili, to ve bhayabhit hokar indralok se bhag ge. dekhate hi dekhate samast indralok par hiranyaksh ka adhikar sthapit ho gaya. jab indralok men yuddh karane ke lie koee nahin mila, to hiranyaksh varun ki rajadhani 'vibhavari nagari' men ja pahuncha. usane varun ke samaksh upasthit hokar kaha- "varun dev, apane daityon ko parajit karake rajasooy ygy kiya tha. aj apako mujhe parajit karana padega. kamar kas kar taiyar ho jaie, meri yuddh pipasa ko shant kijie." hiranyaksh ka kathan sunakar varun ke man men rosh to utpann hua, kintu unhonne bhitar hi bhitar use daba diya. ve bade shant bhav se bole- "tum mahanh yoddha aur shooravir ho. tumase yuddh karane ke lie mere pas shaury kahan? tinon lokon men bhagavan vishnu ko chhodakar koee bhi aisa nahin hai, jo tumase yuddh kar sake. atah unhin ke pas jao. ve hi tumhari yuddh pipasa shant karenge."

vishnu tatha hiranyaksh ka yuddh

varun ka kathan sunakar hiranyaksh bhagavan vishnu ki khoj men samudr ke niche rasatal men ja pahuncha. rasatal men pahunchakar usane ek vismayajanak drishy dekha. usane dekha ek varah apane danton ke oopar dharati ko uthae hue chala ja raha hai. vah man hi man sochane laga, yah varah kaun hai? koee bhi sadharan varah dharati ko apane danton ke oopar nahin utha sakata. avashy yah varah ke roop men bhagavan vishnu hi hain, kyonki ve hi devataon ke kalyan ke lie maya ka natak karate rahate hain. hiranyaksh varah ko lakshy karake bol utha- "tum avashy hi bhagavan vishnu ho. dharati ko rasatal se kahan lie ja rahe ho? yah dharati to daityon ke upabhog ki vastu hai. ise rakh do. tum anek bar devataon ke kalyan ke lie daityon ko chhal chuke ho. aj tum mujhe chhal nahin sakoge. aj men purane bair ka badala tumase chuka kar rahoonga." yadyapi hiranyaksh ne apani katu vani se gahari chot ki thi, kintu phir bhi bhagavan vishnu shant hi rahe. unake man men rnchamatr bhi krodh paida nahin hua. ve varah ke roop men apane danton par dharati ko lie hue age badhate rahe.

hiranyaksh bhagavan varah roopi vishnu ke pichhe lag gaya. vah kabhi unhen nirlajj kahata, kabhi kayar kahata aur kabhi mayavi kahata, par bhagavan vishnu keval muskarakar rah jate. unhonne rasatal se bahar nikalakar dharati ko samudr ke oopar sthapit kar diya. hiranyaksh unake pichhe laga hua tha. apane vachan-banon se unake hriday ko bedh raha tha. bhagavan vishnu ne dharati ko sthapit karane ke pashchath hiranyaksh ki or dhyan diya. unhonne hiranyaksh ki or dekhate hue kaha- "tum to bade balavan ho. balavan log kahate nahin hain, karake dikhate hain. tum to keval pralap kar rahe ho. main tumhare samane khada hoon. tum kyon nahin mujh par akraman karate? badho age, mujh par akraman karo." hiranyaksh ki ragon men bijali daud gee. vah hath men gada lekar bhagavan vishnu par toot pada. bhagavan ke hathon men koee astr shastr nahin tha. unhonne doosare hi kshan hiranyaksh ke hath se gada chhinakar door phenk di. hiranyaksh krodh se unmatt ho utha. vah hath men trishool lekar bhagavan vishnu ki or jhapata.

hiranyaksh ka vadh

bhagavan vishnu ne shighr hi sudarshan chakr ka ahvan kiya, chakr unake hathon men a gaya. unhonne apane chakr se hiranyaksh ke trishool ke tukade-tukade kar diye. hiranyaksh apani maya ka prayog karane laga. vah kabhi prakat hota, to kabhi chhip jata, kabhi attahas karata, to kabhi daravane shabdon men rone lagata, kabhi rakt ki varsha karata, to kabhi haddiyon ki varsha karata. bhagavan vishnu usake sabhi maya krityon ko nasht karate ja rahe the. jab bhagavan vishnu hiranyaksh ko bahut thaka chuke, to unhonne usaki kanapati par kas kar prahar kiya. unake prahar se hiranyaksh ki ankhen nikal aeen. vah dharati par girakar nishchesht ho gaya. bhagavan vishnu ke hathon mare jane ke karan hiranyaksh baikunth lok men chala gaya. vah phir bhagavan ke dvar ka prahari banakar annd se jivan vyatit karane laga.

mntr

bhagavan vishnu se prem karana bhi aur bair karana bhi, donon hi achchhe hain. jo bhi vyakti unase prem karata hai, vah bhi vishnu lok men jata hai, aur jo bair karata hai, vah unase dand pakar vishnu lok men jata hai. prem aur bair bhagavan ki drishti men donon barabar hain. isilie to kaha jata hai ki bhagavan sab prakar ke bhedon se pare hai. varah jayanti ke din bhagavan ki pooja men nimn mntr ka jap karana chahie-

Om varahay namah Om sookaray namah Om dhritasookararoopakeshavay namah


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah