पापांकुशा एकादशी  हिन्दी देवनागरी में पढ़ें।

papankusha ekadashi
bhagavan vishnu
vivaran 'papakunsha ekadashi' ka vrat hindoo dharm men pramukh ekadashi vraton men mana jata hai. is din maun rahakar bhagavad smaran ka vidhan hai.
tithi ashvin mah, shukl paksh, ekadashi
devata vishnu
anuyayi hindoo
dan is din vrat karane vale ko bhoomi, gau, jal, ann, chhatr, upanah adi ka dan karana chahie.
vishesh janahitakari nirman kary adi prarambh karane ke lie 'papakunsha ekadashi' ka din ek uttam muhoort hai.
any janakari is ekadashi par vrat rahane se bhagavan vishnu samast papon ko nasht kar dete hain. arthath yah ekadashi papon ka nash karane vali kahi gee hai.

papankusha ekadashi ashvin mas ke shukl paksh ki ekadashi ko kahate hain. is ekadashi ka mahattv svayn bhagavan shrikrishn ne dharmaraj yudhishthir ko bataya tha. is ekadashi par bhagavan 'padmanabh' ki pooja ki jati hai. paparoopi hathi ko is vrat ke punyaroopi ankush se vedhane ke karan hi isaka nam 'papankusha ekadashi' hua hai. is din maun rahakar bhagavad smaran tatha bhojan ka vidhan hai. is prakar bhagavan ki aradhana karane se man shuddh hota hai tatha vyakti men sadh-gunon ka samavesh hota hai.

vrat vidhi

is ekadashi vrat ka niyam palan dashami tithi ki ratri se hi shuroo karana chahie tatha brahmachary ka palan karen. ekadashi ke din subah nity karmon se nivritt hokar saph vastr pahanakar bhagavan vishnu ki sheshashayya par virajit pratima ke samane baithakar vrat ka snkalp len. is din yatha snbhav upavas karen. upavas men ann grahan nahin karana chahie. snbhav n ho to vrati ek samay phalahar kar sakata hai. isake bad bhagavan 'padmanabh' ki pooja vidhi-vidhan se karani chahie. yadi vrat karane vala poojan karane men asamarth hon to poojan kisi yogy brahman se bhi karavaya ja sakata hai.

bhagavan vishnu ko pnchamrit se snan karana chahie. snan ke bad unake charanamrit ko vrati apane aur parivar ke sabhi sadasyon ke angon par chhidake aur us charanamrit ka pan kare. isake bad bhagavan ko gndh, pushp, dhoop, dipak, naivedy adi poojan samagri arpit karen. 'vishnu sahastranam' ka jap evn unaki katha sunen. ratri ko bhagavan vishnu ki moorti ke samip ho shayan karana chahie aur doosare din yani dvadashi ke din vedapathi brahmanon ko bhojan karakar dan dekar ashirvad prapt lena chahie. is prakar papankusha ekadashi ka vrat karane se divy phalon ki prapti hoti hai.[1]

katha

prachin kal men vindhy parvat par 'krodhan' namak ek mahakroor baheliya rahata tha. usane apani sari zindagi, hinsa, loot-pat, madyapan tatha mithya bhashan adi men vyatit kar di. jab jivan ka antim samay aya, tab yamaraj ne apane dooton se kaha ki ve krodhan ko le ayen. yamadooton ne krodhan ko bata diya ki kal tera antim din hai. mrityu ke bhay se bhayabhit vah baheliya maharshi angira ki sharan men unake ashram ja pahuncha. maharshi ne usake anunay-vinay se prasann hokar us par kripa karake use agale din hi ane vali ashvin shukl ekadashi ka vidhipoorvak vrat karane ko kaha. is prakar vah mahapataki vyadh papankusha ekadashi ka vrat-poojan kar bhagavan ki kripa se vishnu lok ko gaya. udhar yamadoot is chamatkar ko dekh hath malate rah ge aur bina krodhan ke yamalok vapas laut ge.

any prasng

ek any katha is prakar hai-

ek bar yudhishthir ne shrikrishn se poochha ki "ashvin shukl paksh ki ekadashi ka kya mahattv hai aur is avasar par kisaki pooja hoti hai evn is vrat ka kya labh hai?"

yudhishthir ki madhur vani ko sunakar gunatit shrikrishn bhagavan bole- "ashvin shukl ekadashi 'papankusha' ke nam se jani jati hai. nam se hi spasht hai ki yah pap ka nirodh karati hai arthath unase raksha karati hai. is ekadashi ke vrat se manushy ko arth, moksh aur kam in tinon ki prapti hoti hai. jo vyakti yah vrat karata hai, usake sare snchit pap nasht ho jate hain. is din vrati ko subah snan karake vishnu bhagavan ka dhyan karana chahie aur unake nam se vrat aur poojan karana chahie. vrati ko ratri men jagaran karana chahie. jo bhakti poorvak is vrat ka palan karate hain, unaka jivan sukhamay hota hai aur vah bhogon me lipt nahin hota.

shrikrishn kahate hain, jo is papankusha ekadashi ka vrat rakhate hain, ve bhakt kamal ke saman hote hain jo snsar roopi maya ke bhavar men bhi pap se achhoote rahate hain. kalikal men jo bhakt is vrat ka palan karate hain, unhen vahi puny prapt hota hai, jo satayug men kathor tapasya karane vale rishiyon ko milata tha. is ekadashi vrat ka jo vyakti shastrokt vidhi se anushthan karate hain, ve n keval apane lie puny snchay karate hain, balki unake puny se matrigan v pitrigan bhi pap mukt ho jate hain. is ekadashi ka vrat karake vrati ko dvadashi ke din shreshth brahmanon ko bhojan karana chahie aur apani kshamata ke anusar unhen dan dena chahie."[2]

mahattv

papankusha ekadashi ke din bhagavan vishnu ki shraddha aur bhakti bhav se pooja tatha brahmanon ko uttam dan v dakshina deni chahie. is din keval phalahar hi liya jata hai. isase sharir svasth v halaka rahata hai. is ekadashi ke vrat rahane se bhagavan samast papon ko nasht kar dete hain. arthath yah ekadashi papon ka nash karane vali kahi gee hai. janahitakari nirman kary prarambh karane ke lie yah ek uttam muhoort hai. is din vrat karane vale ko bhoomi, gau, jal, ann, chhatr, upanah adi ka dan karana chahie.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. papakunsha ekadashi aj, is prakar karen vrat (hindi) dainik bhaskar. abhigaman tithi: 04 aktoobar, 2014.
  2. papakunsha ekadashi, vrat katha vidhi (hindi) kaiphe hindoo.kaaum. abhigaman tithi: 04 aktoobar, 2014.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah