गणेशोत्सव  हिन्दी देवनागरी में पढ़ें।

ganeshotsav
ganesh pratima
any nam ganesh chaturthi, ganesh utsav
anuyayi hindoo
prarambh vaise to ganeshotsav kafi lambe samay se bharat men manaya jata raha hai, kintu 1893 ee. men bal gngadhar tilak ne is tyauhar ko samajik svaroop diya, tab se ganeshotsav rashtriy ekata ka pratik ban gaya.
tithi bhadrapad mah, shukl paksh, chaturthi se chaturdashi tak
snbndhit lekh ganesh, shivaji, jijabaee, bal gngadhar tilak
any janakari ganeshotsav ke dauran log gharon, mohallon, chaurahon par ganeshaji ki sthapana, arati tatha pooja adi karate hain. bade joron se git bajate, prasad bantate hain. anant chaturdashi ke din ganeshaji ki moorti ko poore vidhi vidhan ke sath samudr, nadi ya talab men visarjit kar apane gharon ko laut ate hain.
adyatan‎

ganeshotsav (ganesh + utsav) hindoo dharm ke logon dvara manaya jane vala pramukh utsav hai. yah utsav bhadrapad mas men shukl paksh ki chaturthi se chaturdashi tithi tak manaya jata hai. yadyapi ganeshotsav poore bharat men poorn shraddha aur bhakti ke sath manaya jata hai, kintu maharashtr men isaka vishesh mahattv hai. ganeshotsav men bhagavan ganesh ki pooja-archana ka vishesh mahattv hai. yah bhagavan ganesh ko samarpit pramukh tithiyon men se ek ganesh chaturthi se prarambh hokar 'anant chaturdashi' (anant chaudas) tak chalane vala das divasiy mahotsav hai. yah mana jata hai ki in das dinon ke dauran yadi shraddha evn vidhi-vidhan ke sath ganesh ji ki pooja-archana ki jae to jivan ki samast badhaon ka ant kar vighnaharta apane bhakton par saubhagy, samriddhi evn sukhon ki barish karate hain.

itihas

maharashtr men satavahan, rashtrakoot, chaluky adi rajaon ne ganeshotsav ki pratha chalayi thi. kaha jata hai ki shivaji ki mata jijabaee ne pune ke qasba ganapati men ganesh ji ki sthapana ki thi aur peshavaon ne ganeshotsav ko bahut adhik badhava diya. moolatah ganeshotsav parivarik tyauhar tha, kintu bad ke dinon men bal gngadhar tilak ne is tyauhar ko samajik svaroop de diya tatha ganeshotsav rashtriy ekata ka pratik ban gaya.[1]

tilak ka yogadan

bal gngadhar tilak ne ganeshotsav ke dvara azadi ki ladaee, chhuachhoot door karane aur samaj ko sngathit kiya. ganeshotsav ki vidhivat shuruat 1893 ee. men maharashtr se lokamany bal gngadhar tilak ne ki thi. 1893 ee. ke pahale bhi ganapati utsav banaya jata tha, lekin vah sirph gharon tak hi simit tha. us samay aj ki tarah pndal nahin banae jate the aur na hi samoohik ganapati virajate the.[2] bal gngadhar tilak us samay ek yuva krantikari aur garm dal ke neta ke roop men jane jate the. ve bahut hi spasht vakta aur prabhavi dhng se bhashan dene men mahir the. yah bat british afasar bhi achchhi tarah janate the ki agar kisi mnch se tilak bhashan denge to vahan ag barasana tay hai.

tilak 'svaraj' ke lie sngharsh kar rahe the aur ve apani bat ko adhik se adhik logon tak pahunchana chahate the. isake lie unhen aisa sarvajanik mnch chahie tha, jahan se unake vichar adhikansh logon tak pahunch saken. is kam ko karane ke lie unhonne 'ganapati utsav' (ganeshotsav) ko chuna aur ise sundar bhavy roop diya, jise aj ham dekhate hain. bal gngadhar tilak ke is kary se do fayade hue, ek to vah apane vicharon ko jan-jan tak pahuncha pae aur doosara yah ki is utsav ne am janata ko bhi svaraj ke lie sngharsh karane ki prerana di aur unhen josh se bhar diya. is tarah se ganapati utsav ne bhi azadi ki ladaee men ek aham bhoomika nibhaee. tilak dvara shuroo kie ge is utsav ko aj bhi bharatiy poori dhoomadham se manate rahe hain aur age bhi manate rahenge. aj maharashtr ka ganeshotsav vishv bhar men prasiddh hai, jahan ganesh bhagavan ko mngalakari devata ke roop men v mngalamoorti ke nam se pooja jata hai.

lokakatha

ganesh ji ki yatra

ek lokakatha ke anusar- "ek bar devi parvati snan karane ke lie bhogavati nadi gayin. unhonne apane tan ke mail se ek jivnt moorti banayi aur usaka nam 'ganesh' rakha. parvati ne usase kaha- 'he putr! tum dvar par baith jao aur kisi purush ko andar mat ane dena.' kuchh der bad bhagavan shiv vahan ae. dvar par pahara de rahe ganesh ne unhen dekha to rok diya. ise shiv ne apana apaman samajha. krodhit hokar unhonne ganesh ka sir dhad se alag kar diya aur bhitar chale ge. mahadev ko naraz dekhakar parvati ne samajha ki bhojan men vilnb ke karan shayad ve naraj hain. unhonne tatkal do thaliyon men bhojan parosakar shiv ko bulaya. tab doosari thali dekhakar shiv ne ashcharyachakit hokar poochha ki doosari thali kisake lie hai? parvati bolin, doosari thali mere putr ganesh ke lie hai, jo bahar dvar par pahara de raha hai. kya apane ate vakt use nahin dekha? yah bat sunakar shiv bahut hairan hue. unhonne kaha, dekha to tha mainne, lekin usane mera rasta roka tha. is karan mainne use uddnd balak samajhakar usaka sir kat diya. yah sunakar parvati vilap karane lagin. tab parvati ko prasann karane ke lie bhagavan shiv ne ek hathi ke bachche ka sir katakar balak ke dhad se jod diya. is prakar parvati putr ganesh ko pakar prasann ho gayin. unhonne pati tatha putr ko bhojan paros kar svayn bhojan kiya. yah ghatana bhadrapad mas ke shukl paksh ki chaturthi tithi par ghatit huee thi, isalie yah tithi puny parv ke roop men manaee jati hai.[3]

ganesh pratima ki sthapana

das dinon tak chalane vala ganeshotsav ka tyohar hinduon ki astha ka ek aisa adbhut praman hai, jisamen shiv-parvati ke nndan shriganesh ki pratima ko gharon, mandiron athava pndalon men saj-shrringar ke sath chaturthi ko sthapit kiya jata hai.
ganesh pratima ki sthapana
kahin-kahin to ye pratimaen bahut badi tatha kafi unchi hoti hain. das dinon tak ganesh pratima ka nity vidhipoorvak poojan kiya jata hai aur gyarahaven din is pratima ka bade dhoom-dham se visarjan kar diya jata hai. bhadrapad shukl chaturthi ko ganesh ji ke siddhi vinayak svaroop ki pooja hoti hai. shastron ke anusar is din ganesh ji dopahar men avatarit hue the. isilie yah 'ganesh chaturthi' vishesh phaladayi bataee jati hai. poore desh men yah tyohar 'ganeshotsav' ke nam se prasiddh hai. bharat men yah tyohar prachin kal se hi hindoo parivaron men manaya jata hai. is dauran desh men vaidik sanatan pooja paddhati se archana ke sath-sath anek lok sanskritik rngarng karyakram bhi hote hain, jinamen nrity natika, rngoli, chitrakala pratiyogita, haldi utsav adi pramukh hote hain. ganeshotsav men pratishtha se visarjan tak vidhi-vidhan se ki jane vali pooja ek vishesh anushthan ki tarah hoti hai, jisamen vaidik evn pauranik mntron se ki jane vali pooja darshaniy hoti hai. mahaarati aur pushpanjali ka najara to dekhane yogy hota hai.

poojan vidhi

  • ganeshotsav ke dauran pratahkal snanadi se nivritt hokar 'mam sarvakarmasiddhaye siddhivinayak poojanamahn karishye' mntr se snkalp lena chahie. isake bad sone, tanbe, mitti athava gobar se ganeshaji ki pratima banaee jati hai.
  • ganesh ki pratima ko kore kalash men jal bharakar munh par kora kapada bandhakar us par sthapit karate hain. isake bad moorti par sindoor chadhakar unaka poojan aur arati karani chahie.
  • dakshina arpit karake ikkis ladduon ka bhog lagaya jata hai. inamen se panch laddoo ganeshaji ki pratima ke pas rakhakar shesh brahmanon men bant dena chahie.
  • poojan se pahale nityadi kriyaon se nivritt hokar shuddh asan men baithakar sabhi poojan samagri ko ekatrit kar pushp, dhoop, dipak, kapoor, roli, mauli lal, chndan, modak adi ekatrit kar kramash: pooja karani chahie.
  • pooja ke dauran yah zaroor yad rakhen ki bhagavan shriganesh ko tulasi dal aur tulasi patr nahin chadhana chahie. unhen, shuddh sthan se chuni huee doorva ko dhokar hi chadhana chahie.
  • shriganesh ko modak yani laddoo adhik priy hote hain. isalie unhen deshi ghi se bane modak ka prasad hi chadhana chahie. aisa karane se vishesh phal ki prapti hoti hai.
  • bhagavan shriganesh ke atirikt shiv aur parvati, nandi, kartikey sahit sampoorn shiv parivar ki pooja shodashopachar vidhi roop se karana sarvottam mana jata hai.
  • shastron ke anusar ganesh ki parthiv pratima banakar use pran-prati‍shthit kar poojan-archan ke bad visarjit kar dena chahie. atah bhajan-kirtan aur sanskritik ayojanon ke bad pratima ka visarjan karana nahin bhoolen.[4]

moorti visarjan

moorti visarjan karate log

any sambndhit lekh


ganeshotsav snpoorn bharat men bade hi harsh evn astha ke sath manaya jata hai. ghar-ghar men ganeshaji ki pooja hoti hai. is dauran log mohallon, chaurahon par ganeshaji ki sthapana, arati, pooja karate hain. bade joron se git bajate, prasad bantate hain. anant chaturdashi ke din ganeshaji ki moorti ko poore vidhi vidhan ke sath samudr, nadi ya talab men visarjit kar apane gharon ko laut ate hain. vaise to bhagavan ki pooja kabhi bhi ki ja sakati hai, parantu ganeshaji ki pooja saynkal ke samay ki jae to behatar mana jata hai. poojan ke bad sar jhukakar chndrama ko arghy dena chahie aur brahmanon ko bhojan karakar dakshina zaroor deni chahie. sir jhukakar chndrama ko arghy dene ke pichhe bhi karan vyapt hai. mana jata hai ki jahan tak snbhav ho, is din chndrama ke darshan nahin karane chahie. bhool bas ya karan bas is din chndrama ke darshan ho jate hain to ap kalnk ke bhagi ban jate hain. phir bhi shastron men is tarah ki bhool bas hone vali ghatanaon se mukti pane ke lie vidhan bhi maujood hain. aisa hone par ganesh chaturthi ka vrat kar kalnk se mukti paee ja sakati hai.

ganapati yntr ka mahatv

ganesh visarjan

ganesh-poojan ke das dinon ke dauran ganapati yntr ke poojan ka vishesh mahatv hai. jivan ko sukh-samriddhi evn saubhagy se paripoorn karane ke lie is yntr ke poojan ka vishesh mahatv hai. chahe kisi ne vyapar ki shuruat ho, bhavan-nirman ka arambh ho ya kisi kitab, penting ya yatra ka shubharambh ho, ganapati yantr apake kary men ane vali har prakar ki badha se raksha karata hai. jo is yantr ka poojan karata hai, vah apane har kary men saphal rahata hai.

sampoorn bharat men poojan

ganesh ki pratishtha sampoorn bharat men saman roop men vyapt hai. maharashtr ise mngalakari devata ke roop men v mngalamoorti ke nam se poojata hai. dakshin bharat men inaki vishesh lokapriyata ‘kala shiromani’ ke roop men hai. maisoor tatha tnjaur ke mndiron men ganesh ki nrity-mudra men anek manamohak pratimaen hain. ganesh hinduon ke adi aradhy dev hain. hindoo dharm men ganesh ko ek vishashti sthan prapt hai. koee bhi dharmik utsav ho, ygy, poojan ityadi satkarm ho ya phir vivahotsav ho, nirvidhn kary sampann ho, isalie shubh ke roop men ganesh ki pooja sabase pahale ki jati hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. pratham poojy shriganesh ka utsav 'ganeshotsav' (hindi) jagaran jnkshan. abhigaman tithi: 02 agast, 2014.
  2. ganeshotsav kab shuroo hua (hindi) vebasuniya. abhigaman tithi: 02 agast, 2014.
  3. ganesh chaturthi yani ganeshotsav (hindi) samay laiv. abhigaman tithi: 02 agast, 2014.
  4. maharashtr men ganeshotsav ki chamak auron se alag (hindi) aj tak. abhigaman tithi: 02 agast, 2014.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah