उगड़ी  हिन्दी देवनागरी में पढ़ें।

ugadi

manyata hai ki brahma ne jis din snsar ki rachana ka kary prarambh kiya tha. us din ko ugadi kahate hain. telugu navavarsh ugadi din holi ke as–pas hi hota hai. jaise hi holi ke gadhe rng phike padate hain, vasant ka navotsah sabhi vastuon men navajivan aur harsh bhar deta hai. agni ki lapaton ke rng ke saman gulamohar v amalatas ke lal pushp apani yauvanavastha men hote hain tatha prachurata bhari ritu ka snvaran karate hain. aise madhur prakritik vatavaran men manaee jati hai—ugadi.

telugu varsh ka arambh chaitr mas ke shukl paksh ki pratipada se hota hai, ise varsh "pratipada", "ugadi" ya "ugadi" bhi kaha jata hai. maharashtr men is 'gudi padava' kaha jata hai. ugadi ya ugadi ka shuddh roop 'yoogadi' hai. yah andhr pradesh ka mukhy v mahanh parv hai. jisamen dipavali jaisi dhoomadham, vyastata evn harshatirek ke darshan hote hain. yugadi ya ugadi vastutah fasalon ke pakane evn phal–phoolon se vrikshon ke ladane ka samay hai. yah basant ritu ka samay hota hai. jab am ke pedon men baur ane lagate hain aur prakriti sab or prasannata lutati phirati hai.

basant ka agaman

basant ritu ke agaman ke sath hi chahunor navajivan prasphutit ho uthata hai. ab tak banjh pade ped–paudhe jivnt ho uthate hain tatha unaki tahaniyan v patr lahalaha uthate hain. basant varsh ki pratham ritu hai, isalie yah navavarsh tatha navakaryon ko prarambh karane vali hai. vikas, samriddhi v svasthy ki soochana dete hare–bhare khet, khalihan jivan men sphoorti v utsah bhar dete hain. ugadi ke agaman ke sath hi, prakritik roop se sugandhit motiyon ke phool charon or apani mithi mahak phaila dete hain. praki ke is srijan ka sambhavatah prakriti men hi koee mel nahin. motiyon ki badi–badi ghar men v mandiron men bhagavan ko pahanaee jati hain. ye pushp guchchh, striyon ke balon ke joode men aur bhi manamohak pratit hote hain.

pnchangasravanamh ki paramparar

ugadi ya ugadi parv ki ek doosari visheshata hai—pnchangashravan ! is din sabhi log samoohik roop se ekatr hote hain, jahan par pndit dvara varsh ka pnchang sunaya jata hai. jisamen naye varsh ki sambhavanaon tatha ashnkaon evn shubh–ashubh snketon par prakash dala jata hai. isamen vyaktigat nahin apitu sampoorn rashtr evn samaj ke sambandh men agami varsh ka snket diya jata hai, ki naye varsh men kya–kya hoga? ugadi par varsh ka nam bhi rakha jata hai. yahan sath varsh ka ek chakr mana jata hai. jisamen pratyek varsh ka nam hota hai. isi namakaran men varsh ki sambhavanaon v ashnkaon ke snket batae jate hain. chandrama ke sauramandaliy kaksha parivartan ke sath hi hindoo navachandr varsh ugadi prarambh ho jata hai. is avasar par mntrochcharan ayojit kiya jata hai tatha navavarsh ki bhavishyavani ki jati hai. paramparanusar pnchangasravanamh ya varshik tithi ank, shravan mandiron men ya nagar chauk par kiya jata tha. adhunik yug men telivijan ke madhyam se log apane gharon men hi pndit–vidvanon ke vachan sun sakate hain.

svadisht vynjan

is ritu men kachche am ki sugandh tatha nibauri se bhare nim ke vriksh sampoorn vatavaran ko apane ras se sarabor kar dete hain. taja ganne ke ras se bana gud, ugadi se jude vishesh bhojy padarthon men navashakti ka snchalan karata hai.

pachadi chatani

'ugadi—pichhadi' namak svadisht vynjan ugadi parv ka paryay ban gaya hai. jise "pachadi chatani" kahate hain. yah naye gud, kachche am ke tukade, nim ke pushp tatha taja imali se banaya jata hai. isamen namak bhi dalate hain. isake bad ise pisakar ek bartan men rakh liya jata hai aur parivar ke sabhi log zaroorat ke anusar isaka svad lete hain. chatani men nim ki kopalen milane ka tatpary yah hai ki jivan mitha hi nahin, usamen katuta bhi hai. bina katuta sahan kie jivan ka svad nahin mil sakata. naya varsh shuroo ho raha hai, par usaki katutaon ko sahan karane ke lie bhi taiyar rahana chahie. chatani is bat ki anubhooti karati hai. is bhojy padarth ko banane ki mahatta yah hai ki jivan shubh v ashubh, prasannata v duahkh ka mishran hai tatha in sabhi ke sath saman roop ka vyavahar karana chahie. sabhi anubhavon ka sthitaprgy bhav se samana karana chahie. pratyek ko yah pratigya karani chahie ki us varsh men jo bhi kuchh hoga, usaka shant bhav se samana karega tatha pratyek kshan ka svagat garima se karega. vah pratyek anubhav ko svayn ke lie shubh manega. manushy ko sukh–dukh saphalata–asaphalata se oopar uthana chahie. yahi ugadi ka prathamik v mahattvapoorn sndesh hai.

ugadi ka svagat

dakshin bharatiyon ki ek vishisht parampara hai ki ye koee bhi kary prayah ek sunishchith vidhividhan ke adhar par hi karate hain. koee bhi shubh snskar ho, anushthan ho, ghar se bahar prasthan karana ho, bhojan nirman ki prakriya ho, use parosane ya khane ka kram ho, sab kuchh niyamabaddh hota hai. inake pratidin ke karyakramon par drishti dalen to, hamen roz hi parv hone ka abhas hota hai. aise anek kary hain jo vishesharoop se kinhin utsavon, ayojanon men hi kie jate hain. yatha ghar-angan, poojagrih ko saf karana, unaki sajavat karana, git–sngit ke sath 'rngoli kadhana' tel ke dipak jalana, svachchh vastr pahanana, suhaginon v kanyaon ke balon ko vividh roop men goonthakar unamen sugandhit pushpon ke gajare rakhana, tilak lagakar mandir men darshan karana aur tarah–tarah ke vynjan taiyar karana.

ugadi parv manane ki taiyariyan

ugadi

ugadi ya ugadi parv manane ki taiyariyan ek saptah poorv hi prarambh ho jati hain. gharon ko poorn roop se dhoya jata hai. navavastr v any vastuon ka kray, jinaki is tyauhar men avashyakata hai. ye sab bade hi utsah se kiya jata hai. ugadi ke din log ushakal men hi jag jate hain tatha sir se snan karate hain. log apane ghar ke pravesh dvaron ko am ke taja patron se sajate hain. am patron ko tangane ke pichhe ek pauranik katha hai-
bhagavan shiv parvati ke do putron, kartikey v ganesh ko am bahut achchhe lagate the. kathanusar kartikey ne logon ka ahvan kiya ki ve krishi prachurata v usaki bhalaee ke lie am ke hare patr dvar par bandhen. log apane gharon ke age gobar pani ka lep karate hain tatha usake sookh jane par isake oopar vibhinn rngon ki pushp akritiyan banate hain. log prabhu ka ashirvad pane ke lie bhinn–bhinn dharmik karmakand karate hain. isake pashchath hi ve navavarsh ka prarambh karate hain. ve apane svasthy, sampatti, samriddhi tatha vyavasay men saphalata ki prarthana karate hain. naya vyavasay ya koee any kary prarambh karane ke lie bhi yah din sarvottam hai.

ugadi samaroh

dharmik ullas v samajik prasannata ugadi ke paryay hain. is din vishesh vynjan banae jate hain. yah parv maharashtr, karnatak v andhr pradesh men vishesh utsah ke sath manaya jata hai. andhr men ise ugadi aur karnatak v maharashtr men ise gudipadava kaha jata hai. andhr pradesh men kee prakar ke bhojy padarth is avasar ke anukool mane jate hain. jaise – "puli hora", "bobbatloo" tatha "am se bani vastuen." karnatak men bhi saman roop se ye vastuen banaee jati hain. parantu inhen "puligure" v "holige" kaha jata hai. maharashtr vasi "mithi roti" ya "pooran poli" pakate hain. am v grishm ritu ka achchha samanvay hai. ugadi grishm ritu ke agaman ki soochana deta hai. is samay vidyalayon ka avakash rahata hai. kishor v bachchon ke lie ugadi ka arth hai ne vastr, svadisht bhojan tatha mauj–masti. sampoorn vatavaran harshollas v romanch se bhar jata hai. kuchh log samudayik sabhaon men bhag lete hain tatha saynkal ke shant vatavaran men sngit ka anand lete hain.

achar ka mausam

choonki kachche am poore do mas[1] men prachurata se upalabdh hote hain, isilie andhravasi inaka sadupayog is prakar se karate hain ki inase bani vastu agami ritu tak khane yogy rahe. am ka achar, namak, pisi huee sarason v sookhi lal mirch ke mishram se banaya jata hai tatha isamen atyadhik tel dala jata hai. isako "avakee" kahate hain tatha isaka upayog poore ek varsh tak kiya jata hai.

ugadi aur sahity sammelan

telugu ugadi ke avasar par kavi sammelan ek vishesh sthan rakhata hai. sahity premiyon ke lie ugadi ka kavi sammelan badi pratiksha ke bad ata hai. kavigan apani navin rachanaen prastut karate hain. in rachanaon ka kathy svayn ugadi utsav ya rajanitik bhi hota hai. adhunik vichar, rahan–sahan ki badalati jivan shaili ko bhi in rachanaon men badi khoobasoorati se vyakt kiya jata hai. ugadi kavi sammelan men naye ubharate kavi bhi bhag lete hain v yash prapt karate hain. is sammelan ka sidha prasaran haidarabad ke "al indiya rediyo" ke madhyam se kiya jata hai. dooradarshan par yah kavi sammelan pnchangasravanamh ke bad dekha ja sakata hai. ugadi mnch par sabhi prakar ke kavi ate hain. inaki kavitaon ka mool bhav rajanitik, hasyasambandhi, vyngyatmak, sahityik ya pida ko shabd dena hota hai. is prakar (ugadi) anek rngon ka parv hai. yah navavarsh fasalon ke roop men naye–naye khadyann pradan karata hai aur sabhi ke hriday men anand v santosh ki bhavana bhar deta hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. aprail-mee

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah