bharatakosh ke snsthapak/snpadak ke fesabuk laiv ke lie yahan klik karen.

मोहिनी एकादशी  हिन्दी देवनागरी में पढ़ें।

mohini ekadashi
bhagavan shriram
anuyayi hindoo dharm
uddeshy is vrat ko karane se nindit karmon ke pap se chhutakara mil jata hai tatha moh bndhan evn pap samooh nasht hote hain.
tithi vaishakh, shukl paksh, ekadashi
snbndhit lekh shriram, sita, shrikrishn
any janakari 'mohini ekadashi' vrat ka hindoo dharm men bada hi mahattv mana gaya hai. is din bhagavan vishnu aur sath hi purushottam roop shriram ki bhi pooja ki jati hai.

mohini ekadashi ka vrat vaishakh mah men shukl paksh ki ekadashi ko kiya jata hai. puranon ke anusar vaishakh shukl paksh ki ekadashi mohini hai. is vrat ko karane se nindit karmon ke pap se chhutakara mil jata hai tatha moh bndhan evn pap samooh nasht hote hain. sita ki khoj karate samay bhagavan shriram ne bhi is vrat ko kiya tha. unake bad muni kaundiny ke kahane par dhrishtabuddhi ne aur shrikrishn ke kahane par yudhishthir ne is vrat ko kiya tha.

katha

ek samay bhagavan shrikrishn ye yudhishthir se kaha- "he dharmaraj! main apase ek katha kahata hoon, jise maharshi vashishth ne shriramachndraji se kahi thi. ek samay shriram bole ki- "he gurudev! koee aisa vrat bataie, jisase samast pap aur du:kh ka nash ho jae. mainne sitaji ke viyog men bahut du:kh bhoge hain." maharshi vashishth bole- "he ram! apane bahut sundar prashn kiya hai. apaki buddhi atynt shuddh tatha pavitr hai. yadyapi apaka nam smaran karane se manushy pavitr aur shuddh ho jata hai to bhi lokahit men yah prashn achchha hai. vaishakh mas men jo ekadashi ati hai, usaka nam 'mohini ekadashi' hai. isaka vrat karane se manushy sab papon tatha du:khon se chhootakar mohajal se mukt ho jata hai. main isaki katha kahata hoon. dhyanapoorvak suno.[1]

sarasvati nadi ke tat par bhadravati nam ki ek nagari men dyutiman namak chndravnshi raja raj karata tha. vahan dhan-dhany se snpann v punyavan dhanapal namak vaishy bhi rahata tha. vah atynt dharmalu aur vishnu bhakt tha. usane nagar men anek bhojanalay, pyaoo, kuen, sarovar, dharmashala adi banavae the. sadakon par am, jamun, nim adi ke anek vriksh bhi lagavae the. usake panch putr the- 'sumana', 'sadh‍buddhi', 'medhavi', 'sukriti' aur 'dhrishtabuddhi'. inamen se panchavan putr dhrishtabuddhi mahapapi tha. vah pitar adi ko nahin manata tha. vah veshya, durachari manushyon ki sngati men rahakar jua khelata aur par-stri ke sath bhog-vilas karata tatha mady-mans ka sevan karata tha. isi prakar ke anek kukarmon men vah pita ke dhan ko nasht karata rahata tha. inhin karanon se trast hokar pita ne use ghar se nikal diya tha.

ghar se bahar nikalane ke bad vah apane gahane-kapade bechakar apana nirvah karane laga. jab sab kuchh nasht ho gaya to veshya aur durachari sathiyon ne usaka sath chhod diya. ab vah bhookh-pyas se ati du:khi rahane laga. koee sahara n dekh chori karana sikh gaya. ek bar vah pakada gaya to vaishy ka putr janakar chetavani dekar chhod diya gaya. magar doosari bar phir pakad men a gaya. rajagya se is bar use karagar men dal diya gaya. karagar men use atynt du:kh die ge. bad men raja ne use nagari se nikal jane ka kaha. vah nagari se nikal van men chala gaya. vahan vany pashu-pakshiyon ko marakar khane laga. kuchh samay pashchath vah baheliya ban gaya aur dhanush-ban lekar pashu-pakshiyon ko mar-marakar khane laga.

ek din bhookh-pyas se vyathit hokar vah khane ki talash men ghoomata hua kaudiny rishi ke ashram men pahunch gaya. us samay vaishakh mas tha aur rishi gnga men snan kar a rahe the. unake bhige vastron ke chhinte us par padane se use kuchh sadh‍buddhi prapt huee. vah kaudiny muni se hath jodakar kahane laga ki- "he mune! mainne jivan men bahut pap kie hain. ap in papon se chhootane ka koee sadharan bina dhan ka upay bataie." usake din vachan sunakar muni ne prasann hokar kaha ki "tum vaishakh shukl ki 'mohini' namak 'ekadashi' ka vrat karo. isase samast pap nasht ho jaenge. muni ke vachan sunakar vah atynt prasann hua aur unake dvara bataee gee vidhi ke anusar vrat kiya. he ram! is vrat ke prabhav se usake sab pap nasht ho ge aur ant men vah garud par baithakar vishnulok ko gaya. is vrat se moh adi sab nasht ho jate hain. snsar men is vrat se shreshth koee vrat nahin hai. isake mahatmy ko padhane se athava sunane se ek hajar gaudan ka phal prapt hota hai.

vidhi

jo vyakti mohini ekadashi ka vrat kare, use ek din poorv arthat dashami tithi ki ratri se hi vrat ke niyamon ka palan karana chahie. vrat ke din ekadashi tithi men vrati ko subah sooryoday se pahale uthana chahie aur nity karm kar shuddh jal se snan karana chahie. snan ke liye kisi pavitr nadi ya sarovar ka jal milana shreshth hota hai. agar yah snbhav n hon to ghar men hi jal se snan karana chahie. snan karane ke liye kush aur til ke lep ka prayog karana chahie. snan karane ke bad saph vastr dharan karane chahie.

is din bhagavan vishnu ke sath-sath bhagavan shriram ki pooja bhi ki jati hai. vrat ka snkalp lene ke bad hi is vrat ko shuru kiya jata hai. snkalp lene ke liye in donon devon ke samaksh snkalp liya jata hai. devon ka poojan karane ke liye kalash sthapana kar, usake oopar lal rng ka vastr bandh kar pahale kalash ka poojan kiya jata hai. isake bad isake oopar bhagavan ki tasvir ya pratima rakhen tatpashchath bhagavan ki pratima ko snanadi se shuddh kar uttam vastr pahanana chahie. phir dhoop, dipak se arati utarani chahie aur mithe phalon ka bhog lagana chahie. isake bad prasad vitarit kar brahmanon ko bhojan tatha dan dakshina deni chahie. ratri men bhagavan ka kirtan karate hue moorti ke samip hi shayan karana chahie.[2]

panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. vaishakh shukl ekadashi vrat katha (hindi). . abhigaman tithi: 09 mee, 2014.
  2. mohini ekadashi, is vidhi se vrat kar paye papon se mukti (hindi). . abhigaman tithi: 09 mee, 2014.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah