महावीर  हिन्दी देवनागरी में पढ़ें।

mahavir
mahavir
poora nam mahavir svami
any nam vardhaman, adinath, 'arhat', 'jin', 'nirgrath', 'ativir' adi.
janm 13 ee.poo. 599
janm bhoomi kshatriy kundagram (kundalapur, vaishali) bihar
mrityu sthan pavapuri
pita/mata pita- siddharth, mata- trishala devi
pati/patni yashoda
vnsh gyatri vnshiy kshatriy (gotr 'kashyap')
chihn sinh
varn suvarn
any janakari apani shraddha se jain dharm ko punah pratishthapit karane ke bad kartik mas ki amavasya ko dipavali ke din pavapuri men bhagavan mahavir ne nirvan ko prapt kiya.

mahavir ya vardhaman mahavir jain dharm ke pravartak bhagavan rishabhanath[1] ki parampara men 24ven jain tirthnkar the. ve ahinsa ke moortiman pratik the. unaka jivan tyag aur tapasya se otaprot tha. unhen ek lngoti tak ka parigrah nahin tha. hinsa, pashubali, jati-panti ke bhedabhav jis yug men badh ge the, usi yug men mahavir aur buddh paida hue. bhagavan mahavir tatha buddh, donon ne hi in kuritiyon ke viruddh avaz uthaee. donon ne ahinsa ka bharapoor vikas kiya.

jivan parichay

mahavir svami ka jivan kal 599 ee. eesa poorv se 527 ee. eesa poorv tak mana jata hai. inaki mata ka nam 'trishala devi' aur pita ka nam 'siddharth' tha. bachapan men mahavir ka nam 'vardhaman' tha, lekin balyakal se hi yah sahasi, tejasvi, gyan pipasu aur atynt balashali hone ke karan 'mahavir' kahalae. bhagavan mahavir ne apani indriyon ko jit liya tha, jis karan inhen 'jitendr' bhi kaha jata hai.

vivah

kaling naresh ki kanya 'yashoda' se mahavir ka vivah hua. kintu 30 varsh ki umr men apane jyeshthabndhu ki agya lekar inhonne ghar-bar chhod diya aur tapasya karake 'kaivaly gyan' prapt kiya. mahavir ne parshvanath ke arnbh kie tatvgyan ko parimarjit karake use jain darshan ka sthayi adhar pradan kiya. mahavir aise dharmik neta the, jinhonne rajy ka ya kisi bahari shakti ka sahara lie bina, keval apani shraddha ke bal par jain dharm ki pun: pratishtha ki. adhunik kal men jain dharm ki vyapakata aur usake darshan ka poora shrey mahavir ko diya jata hai.

diksha prapti

mahavir svami ke sharir ka varn suvarn aur chihn sinh tha. inake yaksh ka nam 'brahmashanti' aur yakshini ka nam 'siddhayika devi' tha. jain dharmavalambiyon ke anusar bhagavan mahavir ke ganadharon ki kul snkhya 11 thi, jinamen gautam svami inake pratham ganadhar the. mahavir ne margashirsh dashami ko kundalapur men diksha ki prapti ki aur diksha prapti ke pashchath 2 din bad khir se inhonne pratham parana kiya. diksha prapti ke bad 12 varsh aur 6.5 mahine tak kathor tap karane ke bad vaishakh shukl dashami ko rijubaluka nadi ke kinare 'sal vriksh' ke niche bhagavan mahavir ko 'kaivaly gyan' ki prapti huee thi.[2]

kundalapur mahotsav

digambar jain agam grnthon ke anusar bhagavan mahavir bihar prant ke kundalapur nagar men aj (san 2013) se 2612 varsh poorv maharaja siddharth ki maharani trishala ke garbh se chaitr krishn teras ko janme the. vah kundalapur vartaman men nalnda zile men avasthit hai. vahan san 2002 men jain samaj ki sarvochch sadhvi poojy ganinipramukh shri gyanamati mataji apane sngh ke sath padavihar karake geen aur unaki pavan prerana se kundalapur men 2600 varsh prachin nndyavart mahal ki pratikriti ka (7 mnzil ooncha) nirman hua, jise bihar sarakar ka paryatan vibhag paryatakon ke lie khoob pracharit kar raha hai. atah vahan pratidin paryatakon evn tirthayatriyon ka tanta laga rahata hai. kundalapur men prativarsh chaitr shukl trayodashi ke din bihar sarakar evn kundalapur dignbar jain samiti ke dvara kundalapur mahotsav ayojit kiya jata hai. inhen bhi dekhen: kaivaly gyan

any nam

mahavir, dilli

mahavir svami ke anek nam hain- 'arhat', 'jin', 'nirgrath', 'mahavir', 'ativir' adi. inake 'jin' nam se hi age chalakar is dharm ka nam 'jain dharm' pada. jain dharm men ahinsa tatha karmon ki pavitrata par vishesh bal diya jata hai. unaka tisara mukhy siddhant 'anekantavad' hai, jisake anusar doosaron ke drishtikon ko bhi thik-thak samajh kar hi poorn saty ke nikat pahuncha ja sakata hai. bhagavan mahavir ahinsa aur aparigrah ki sakshat moorti the. ve sabhi ke sath saman bhav rakhate the aur kisi ko koee bhi duahkh dena nahin chahate the. apani shraddha se jain dharm ko punah pratishthapit karane ke bad kartik mas ki amavasya ko dipavali ke din pavapuri men bhagavan mahavir ne nirvan ko prapt kiya.

vardhaman

virahsarv surasurendr mahito , virn budhaah snshritaah .
virenaiv hatah svakarmanichayo , viray bhaktya nam ..
virattirthamidn pravrittamatuln , virasy virn tapo .
vire shri dyutikantikirtidhritayo , he vir ! bhadrn tvayi ..1..

bharat ke vrijji ganarajy ki vaishali nagari ke nikat kundagram men raja siddharth apani patni priyakarini ke sath nivas karate the. indr ne yah janakar ki priyakarini ke garbh se tirthnkar putr ka janm hone vala hai, unhonne priyakarini ki seva ke lie shatakumarika deviyon ko bheja. priyakarini ne airavat hathi ke svapn dekhe, jisase raja siddharth ne bhi yahi anuman lagaya ki tirthnkar ka janm hoga. ashadh, shukl paksh ki shashthi ke avasar par purushottar viman se akar pranatendr ne priyakarini ke garbh men pravesh kiya. chaitr, shukl paksh ki trayodashi ko somavar ke din vardhaman ka janm hua. devataon ko isaka poorvabhas tha. at: sabane vibhinn prakar ke utsav manaye tatha balak ko vibhinn namon se vibhooshit kiya. is balak ka nam saudharmendr ne 'vardhaman' rakha to riddhidhari muniyon ne 'sanmati' rakha. sngamadev ne usake aparimit sahas ki pariksha lekar use 'mahavir' nam se abhihit kiya.

kaivaly

vivek utpann hone par aupadhik du:kh sukhadi-ahnkar, prarabdh, karm aur snskar ke lop ho jane se atma ke chitasvaroop hokar avagaman se mukt ho jane ki sthiti ko 'kaivaly' kahate hain. patnjalasootr ke anusar chith‌ dvara atma ke sakshatkar se jab usake karttrittv adi abhiman chhootakar karm ki nivritti ho jati hai, tab vivekgyan ke uday hone par mukti ki or agrasarit atma ke chitsvaroop men jo sthiti utpann hoti hain, usaki sngya kaivaly hai. vedant ke anusar paramatma men atma ki linata aur nyay ke anusar adrisht ke nash hone ke phalasvaroop atma ki janmamaran se muktavastha ko kaivaly kaha gaya hai. yogasootron ke bhashyakar vyas ke anusar, jinhonne karmabndhan se mukt hokar kaivaly prapt kiya hai, unhen 'kevali' kaha jata hai. aise kevali anek hue hai. buddhi adi gunon se rahit nirmal jyotivale kevali atmaroop men sthir rahate hain. hindoo dharmagrnthon men shuk, janak adi rishiyon ko jivanmukt bataya hai, jo jal men kamal ki bhanti, snsar men rahate hue bhi mukt jivon ke saman nirlep jivanayapan karate hai. jain grnthon men kevaliyon ke do bhed- 'snyogakevali' aur 'ayogakevali' batae ge hai.

achar-snhita

mahavir ne jo achar-snhita banaee vah nimn prakar hai-

  1. kisi bhi jivit prani athava kit ki hinsa n karana
  2. kisi bhi vastu ko kisi ke die bina svikar n karana
  3. mithya bhashan n karana
  4. ajanm brahmachary vrat ka palan karana
  5. vastron ke atirikt kisi any vastu ka snchay n karana.

jain grnth evn jain darshan men pratipadit hai ki bhagavan mahavir jain dharm ke pravartak nahin hain. ve pravartaman kal ke chaubisaven tirthnkar hain. apane atmajay ki sadhana ko apane hi purusharth evn charitry se siddh karane ki vicharana ko lokonmukh banakar bharatiy sadhana parampara men kirtiman sthapit kiya. apane dharm ke kshetr men mngal kranti sampann ki. udghosh kiya ki ankh moondakar kisi ka anukaran ya anusaran mat karo. dharm dikhava nahin hai, roodhi nahin hai, pradarshan nahin hai, kisi ke bhi prati ghrina evn dveshabhav nahin hai. apane dharmon ke apasi bhedon ke viruddh avaj uthaee. dharm ko karm-kandon, andhavishvason, purohiton ke shoshan tatha bhagyavad ki akarmanyata ki jnjiron ke jal se bahar nikala. ghoshana ki ki dharm utkrisht mngal hai. dharm ek aisa pavitr anushthan hai, jisase atma ka shuddhikaran hota hai. dharm n kahin ganv men hota hai aur n kahin jngal men, balki vah to antaratma men hota hai. sadhana ki siddhi paramashakti ka avatar banakar janm lene men athava sadhana ke bad paramatma men vilin ho jane men nahin hai, bahiratma ke antaratma ki prakriya se gujarakar svayn paramatma ho jane men hai.

prophesar jain ne spasht kiya hai ki vartaman men jain bhajanon men bhagavan mahavir ko 'avatari' varnit kiya ja raha hai. yah mithya gyan ka pratiphal hai. vastav men bhagavan mahavir ka janm kisi avatar ka prithvi par sharir dharan karana nahin hai. unaka janm narayan ka nar sharir dharan karana nahin hai, nar ka hi narayan ho jana hai. paramatm shakti ka akash se prithvi par avataran nahin hai. karan-paramatmasvaroop ka uttaran dvara kary-paramatmasvaroop hokar siddhalay men jakar avasthit hona hai. bhagavan mahavir ki krantikari avadharana thi ki jivatma hi brahm hai.[3]


inhen bhi dekhen: vardhaman evn mahavir jayanti


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. shri adinath
  2. shri parshvanath ji (hindi). . abhigaman tithi: 04 march, 2012.
  3. jain, prophesar mahavir saran. mahavir saran jain ka alekh : bhagavan mahavir (hindi) rachanakar (blaaug). abhigaman tithi: 6 agast, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah