चौहान वंश  हिन्दी देवनागरी में पढ़ें।

chauhan vnsh rajapooton ke prasiddh vashon men se ek hai. 'chavhan' ya 'chauhan' uttar bharat ki ary jati ka ek vnsh hai. chauhan gotr rajapooton men ata hai. kee vidvanon ka kahana hai ki chauhan sanbhar jhil, pushkar, amer aur vartaman jayapur (rajasthan) men hote the, jo ab sare uttar bharat men phaile chuke hain. isake atirikt mainapuri (uttar pradesh) evn alavar zile men bhi inaki achchhi-khasi snkhya hai.

prasiddh shasak

chauhan vnsh ki anek shakhaon men 'shaknbhari chauhan' (sanbhar-ajamer ke as-pas ka kshetr) ki sthapana lagabhag 7vin shatabdi men vasudev ne ki. vasudev ke bad poornatall, jayaraj, vigraharaj pratham, chandraraj, goparaj jaise anek samnton ne shasan kiya. shasak ajayadev ne ‘ajamer’ nagar ki sthapana ki aur sath hi yahan par sundar mahal evn mandir ka nirman karavaya. 'chauhan vnsh' ke mukhy shasak is prakar the-

  1. ajayadev chauhan
  2. arnoraj (lagabhag 1133 se 1153 ee.)
  3. vigraharaj chaturth bisaladev (lagabhag 1153 se 1163 ee.)
  4. prithviraj tritiy (1178-1192 ee.)

rajasthan ke chauhan vnsh

rajasthan men chauhanon ke kee vnsh hue, jinhonne samay-samay par yahan shasan kiya aur yahan ki mitti ko gauravanvit kiya. 'chauhan' v 'guhil' shasak vidvanon ke prashrayadata bane rahe, jisase janata men shiksha evn sahityik pragati bina kisi avarodh ke hoti rahi. isi tarah nirantar sngharsh ke vatavaran men vastushilp panapata raha. is samooche kal ki saundary tatha adhyatmik chetana ne kalatmak yojanaon ko jivit rakha. chittaud, badauli tatha aboo ke mandir is kathan ke praman hain. chauhan vnsh ki shakhaon men nimn shakhaen mukhy thin-

  1. sanbhar ke chauhan
  2. ranathambhaur ke chauhan
  3. jalaur ke chauhan
  4. chauhan vnshiy hada rajapoot

sanbhar ke chauhan

chauhanon ke mool sthan ke snbndh men manyata hai ki ve sapadalaksh evn jangal pradesh ke as-pas rahate the. unaki rajadhani 'ahichchhatrapur' (nagaur) thi. sapadalaksh ke chauhanon ka adipurush 'vasudev' tha, jisaka samay 551 ee. ke lagabhag anumanit hai. bijauliya prashasti men vasudev ko sanbhar jhil ka nirmata mana gaya hai. is prashasti men chauhanon ko 'vatsagautriy' brahman bataya gaya hai. prarnbh men chauhan pratiharon ke samant the, parantu guvak pratham, jisane 'harshanath mandir' (sikar ke pas) ka nirman karaya, svatantr shasak ke roop men ubhara. isi vnsh ke chandaraj ki patni rudrani yaugik kriya men nipun thi. aisa mana jata hai ki vah pushkar jhil men pratidin ek hazar dipak jalakar mahadev ki upasana karati thi.[1]

ajayaraj chauhan ne 1113 ee. men ajamer nagar ki sthapana ki. usake putr arnoraj (anaji) ne ajamer men anasagar jhil ka nirman karavakar janopayogi karyon men bhoomika ada ki. chauhan shasak vigraharaj chaturth ka kal sapadalaksh ka svarn yug kahalata hai. use 'visaladev' aur 'kavi bandhav' bhi kaha jata tha. usane ‘harakeli’ natak aur usake darabari vidvanh somadev ne 'lalit vigraharaj’ namak natak ki rachana karake sahity star ko ooncha uthaya. vigraharaj ne ajamer men ek snskrit pathashala ka nirman karavaya, jis par age chalakar qutubuddin aibak ne 'dhaee din ka jhopada' namak masjid ka nirman karavaya. vigraharaj chaturth ek vijeta tha. usane tomaron ko parajit kar 'dhillika' (dilli) ko jita.

prithviraj chauhan aur muhammad gori

isi vnshakram men prithviraj chauhan tritiy rajasthan aur uttari bharat ka pratibhashali raja tha. barahavin shatabdi ke antim charan men shakambhari ke is chauhan shasak ne apani vijayon se uttari bharat ki rajaniti men ek vishisht sthan prapt kar liya tha. usane chandel shasak paramardidev ke deshabhakt senani 'alha' aur 'oodal' ko marakar 1182 ko mahoba ko jit liya. kannauj ke gahadaval shasak jayachand ka dilli ko lekar chauhanon se vaimanasy tha. halanki prithviraj chauhan tritiy bhi apani digvijay men kannauj ko shamil karana chahata tha. is prakar prithviraj chauhan tritiy aur jayachand ki mahattvakanksha donon ke vaimanasy ka karan ban gee. 'prithvirajaraso' donon ke madhy shatruta ka karan jayachand ki putri snyogita ko batata hai. prithviraj tritiy ne 1191 men tarain ke pratham yuddh men muhammad gori ko parast kar virata ka samuchit parichay diya tatha bharat men turk akraman ko dhakka pahunchaya.[1]

chauhan vnsh ki shakhaen[2]
kram snkhya vnsh ka nam shakha ki snkhya
1. chauhan rajapoot 14 shakha
2. rathaur rajapoot 12 shakha
3. paramar ya pnvar rajapoot 16 shakha
4. solnki rajapoot 6 shakha
5. parihar rajapoot 6 shakha
6. gahalot rajapoot 12 shakha
7. chandravnshi rajapoot 4 shakha
8. senavnshi ya pal rajapoot 1 shakha
9. makavan ya jhala rajapoot 3 shakha
10. bhati ya yaduvnshi rajapoot 5 shakha
11. kachhavaha ya kushavaha rajapoot 1 shakha
12. tnvar ya tomar rajapoot 1 shakha
13. rbhoonyar ya kaushik rajapoot 1 shakha

gauravapoorn adhyay

turkon ke viruddh lade ge yuddhon men tarain ka pratham yuddh chauhanon ki vijay ka ek gauravapoorn adhyay hai. parantu prithviraj chauhan dvara parajit turki sena ka pichha n kiya jana, is yuddh men ki gee bhool ke roop men ek kalnkit prishth mana jata hai. is bhool ke parinamasvaroop 1192 men muhammad gori ne tarain ke dvitiy yuddh men prithviraj chauhan tritiy ko parajit kar diya. tarain ke doosare yuddh men prithviraj ki gori se har ho gee, to usane atmasamman ko dhyan men rakhate hue ashrit shasak banane ki apeksha mrityu ko prathamikata di. is har ka karan rajapooton ka paramparagat sainy sngathan mana jata hai. prithviraj chauhan apane rajyakal ke arnbh se lekar ant tak yuddh ladata raha, jo usake ek achchhe sainik aur senadhyaksh hone ko pramanit karata hai. sivay tarain ke dvitiy yuddh ke vah sabhi yuddhon men vijeta raha tha.

sahity tatha vidvanh snrakshan

prithviraj svayn achchha guni hone ke sath-sath gunijanon ka samman karane vala tha. jayanak, vidyapati gaud, vagishvar, janardan tatha vishvaroop usake darabari lekhak aur kavi the, jinaki kritiyan usake samay ko amar banae hue hain. jayanak ne 'prithviraj vijay' ki rachana ki thi. 'prithvirajaraso' ka lekhak chandabaradaee bhi prithviraj chauhan ka ashrit kavi tha. 'prithviraj vijay' ke lekhak jayanak ke anusar prithviraj chauhan ne jivanaparyant yuddhon ke vatavaran men rahate hue bhi chauhan rajy ki pratibha ko sahity aur sanskritik kshetr men pusht kiya. tarain ke dvitiy yuddh ke pashchath bharatiy rajaniti men ek naya mod aya. parantu isaka yah arth nahin tha ki is yuddh ke bad chauhanon ki shakti samapt ho gee. lagabhag agami ek shatabdi tak chauhanon ki shakhaen ranathambhaur, jalaur, hadauti, nadaul tatha chandravati aur aboo men shasan karati rahin aur rajapoot shakti ki dhuri bani rahin. inhonne dilli ke sultanon ki satta ka samay-samay par mukabala kar shaury aur adamy sahas ka parichay diya. poorv madhy kal men parabhavon ke bavajood rajasthan bauddhik unnati men nahin pichhada. chauhan v guhil shasak vidvanon ke prashrayadata bane rahe, jisase janata men shiksha evn sahityik pragati bina avarodh ke hoti rahi. isi tarah nirantar sngharsh ke vatavaran men vastushilp panapata raha. is samooche kal ki saundary tatha adhyatmik chetana ne kalatmak yojanaon ko jivit rakha.[1]

ranathambhaur ke chauhan

ranathambhaur ke chauhan vnsh ki sthapana prithviraj chauhan ke putr govind raj ne ki thi. yahan ke pratibha sampann shasakon men hammir ka nam sarvopari hai. dilli ke sultan jalaluddin khilaji ne hammir ke samay ranathambhaur par asaphal akraman kiya tha. alauddin khilaji ne 1301 men ranathambhaur par akraman kar diya. isaka mukhy karan hammir dvara alauddin khilaji ke viruddh mngol sharanarthiyon ko ashray dena tha. qila n jit pane ke karan alauddin ne hammir ke senanayak 'ranamal' aur 'ratipal' ko lalach dekar apani or mila liya. hammir ne age badhakar shatru sena ka samana kiya, par vah viragati ko prapt hua. hammir ki rani rngadevi aur putri ne jauhar vrat dvara apane dharm ki raksha ki. yah rajasthan ka pratham jauhar mana jata hai. hammir ke sath hi ranathambhaur ke chauhanon ka rajy samapt ho gaya. hammir ke bare men prasiddh hai- "tiriya-tel, hammir hath, chadhe n dooji bar".

jalaur ki chauhan shakha

jalaur ki chauhan shakha ka snsthapak kirtipal tha. prachin shilalekhon men jalaur ka nam 'jabalipur' aur qile ka 'suvarnagiri' milata hai, jisako apabhrnsh men 'sonagadh' kahate hain. isi parvat ke nam se chauhanon ki yah shakha ’sonagara’kahalaee. is shakha ka prasiddh shasak kanhadade chauhan tha. dilli ke sultan alauddin khilaji ne jalaur ko jitane se poorv 1308 men sivana par akraman kiya. us samay chauhanon ke ek saradar, jisaka nam sataladev tha, durg ka rakshak tha. usane anek sthanon par turkon ko chhakaya. isalie usake shaury ki dhak rajasthan men jam chuki thi. parantu ek rajadrohi bhavale namak sainik dvara vishvasaghat karane ke karan sivana ka patan ho gaya aur alauddin ne sivana jitakar usaka nam khairabad rakh diya. is vijay ke pashchath 1311 men jalaur ka bhi patan ho gaya aur vahan ka shasak kanhadadev viragati ko prapt hua. vah shooravir yoddha, deshabhimani tatha charitravan vyakti tha. usane apane adamy sahas tatha soojhaboojh se qile ke nivasiyon, samanton tatha rajapoot jati ka netritv kar ek apoorv khyati arjit ki thi.

hada rajapoot

vartaman hadauti kshetr par chauhan vnshiy hada rajapooton ka adhikar tha. prachin kal men is kshetr par minaon ka adhikar tha. aisa mana jata hai ki boonda mina ke nam par hi boondi ka namakaran hua. kunbhakalin ranapur ke lekh men boondi ka nam ‘vrindavati’ milata hai. rav deva ne minaon ko parajit kar 1241 men boondi rajy ki sthapana ki thi. boondi ke prasiddh qile taragadh ka nirman barasinh hada ne karavaya tha. taragadh aitihasik kal men bhitti chitron ke lie vikhyat raha hai. boondi ke surjanasinh ne 1569 men akabar ki adhinata svikar ki thi. boondi ki prasiddh chaurasi khnbhon ki chhatari shatrusal hada ka smarak hai, jo 1658 men samoogadh ke yuddh men aurngazeb ke viruddh shahi sena ki or se ladata hua mara gaya tha. buddhasinh ke shasan kal men marathon ne boondi riyasat par akraman kiya tha.[1]

prarambh men kota boondi rajy ka hi bhag tha, jise shahajahan ne boondi se alag kar madhosinh ko saunpakar 1631 ee. men ne rajy ke roop men manyata di thi. kota rajy ka divan jhala jalimasinh itihas charchit vyakti raha hai. kota riyasat par usaka poorn niyantran tha. kota men aitihasik kal se aj tak krishn ki bhakti ka prabhav raha hai. isalie kota ka nam nandagram bhi milata hain. boondi-kota men sanskritik upagam ke roop men yahan ki chitr shailiyan vikhyat rahi hain. boondi men pashu-pakshiyon ka shreshth ankan hua hai, vahin kota shaili shikar ke chitron ke lie vikhyat rahi hai.[3]



panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 rajasthan ke vividh rng (hindi). . abhigaman tithi: 19 aprail, 2014.
  2. chauhan vnsh ki shakhaen (hindi). . abhigaman tithi: 12 aprail, 2014.
  3. sndarbh- madhyamik shiksha bord, rajasthan ki rajasthan adhyayan ki pustak

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah