रणथम्भौर क़िला  हिन्दी देवनागरी में पढ़ें।

(रणथम्भौर se punarnirdeshit)
ranathambhaur qila
ranathambhaur qila
vivaran 'ranathambhaur qila' rajasthan ke prasiddh paryatan sthalon men se ek hai. yah aitihasik qila rajasthan ki aitihasik ghatanaon tatha gaurav ka pratik hai.
rajy rajasthan
zila savaeemadhopur
nirmata chauhan vnshiy shasak
nirman kal athavin shatabdi
bhaugolik sthiti yah qila 700 phut ki oonchaee par tatha vindhy pathar aur aravali pahadiyon ke bich sthit hai.
prasiddhi aitihasik paryatan sthal
kab jaen aktoobar aur aprail ke bich.
havaee adda sanganer havaee adda (jayapur)
relave steshan savaee madhopur
kya dekhen ranathnbhaur rashtriy udyan
snbndhit lekh rajasthan, rajasthan ka itihas, chauhan vnsh, rajasthan paryatan
any janakari vibhinn aitihasik mahattv ke grnthon men ranathambhaur ka ullekh milata hai. itihas men sarvapratham is qile par chauhanon ke adhipaty ka ullekh milata hai.

ranathambhaur qila (angrezi: Ranthambore Fort) rajasthan ke savaeemadhopur zile men sthit prachin aitihasik evn samarik mahattv ke durgon men apana vishesh sthan rakhata hai. yah atynt vishal pahadi durg hai. apani prakritik banavat ke karan yah kafi prasiddh hai. yadyapi yah durg oonchi pahadiyon ke pathar par bana hua hai, parntu prakriti ne ise apane ank men is tarah bhar liya hai ki mukhy dvar par pahunchakar hi is durg ke darshan kiye ja sakate hain. is durg ke prachir se kafi door tak shatru par nigah rakhi ja sakati thi. yah qila charon or saghan vanon se achchhadit chambal ki ghati par niyntran rakhata tha.

itihas

ranathambhaur qila rajasthan men aitihasik ghatanaon evn bahaduri ka pratik hai. is qile ke nirmata ka nam anishchit hai, kintu itihas men sarvapratham is par chauhanon ke adhikar ka ullekh milata hai. sambhav hai ki rajasthan ke anek prachin durgon ki bhanti ise bhi chauhanon ne hi banavaya ho. janashruti hai ki prarambh men is durg ke sthan ke nikat 'padmala' namak ek sarovar tha. yah isi nam se aj bhi qile ke andar hi sthit hai. isake tat par padmrishi ka ashram tha. inhin ki prerana se jaynt aur ranadhir namak do rajakumaron ne jo ki achanak hi shikar khelate hue vahan pahunch ge the, is qile ko banavaya aur isaka nam 'ranastambhar' rakha. qile ki sthapana par yahan ganesh ji ki pratishtha ki gee thi, jisaka ahvan rajy men vivahon ke avasar par kiya jata hai.
ranathnbhaur qile se ranathnbhaur rashtriy udyan ka drishy

nirman

rajasthan ke itihas men kee aitihasik ghatanaon ke sakshi rahe ranathambhaur qile ke nirman ka samay evn nirmata ke bare men nishchit janakari nahin hai. samanyatah yah mana jata hai ki is qile ka nirman athavin shatabdi men hua tha. gyarahavin-barahavin shatabdi tak is qile ki prasiddhi itani phail chuki thi ki tatkalin samay ke vibhinn aitihasik mahattv ke grnthon men isaka ullekh milata hai. itihas men sarvapratham is qile par chauhanon ke adhipaty ka ullekh milata hai. yah sambhav hai ki chauhan shasak rntidev ne isaka nirman karavaya ho.

yuddh

is qile ka prarambhik itihas anishchit hai. muhammad gori ke hathon tarain men prithviraj chauhan ki parajay ke bad unaka putr govindaraj dilli aur ajamer chhodakar ranathambhaur a gaya aur yahan shasan karane laga. usake bad lagabhag sau varshon tak chauhan ranathambhaur par shasan karate rahe. unake samay men durg ke vaibhav men bahut vriddhi huee. rajapoot kal ke pashchath se 1563 ee. tak yahan par muslimon ka adhikar tha. isase pahale bich men kuchh samay tak mevad nareshon ke hath men bhi yah durg raha. inamen chauhan shasak rana hammir pramukh hain. inake sath dilli ke sultan alauddin khilazi ka bhayanak yuddh 1301 ee. men hua tha, jisake phalasvaroop ranathambhaur ki vir nariyan pativrat dharm ki khatir chita men jalakar bhasm ho geen aur rana hammir yuddh men vir gati ko prapt hue. is yuddh ka vrittant jayachnd ke 'hammir mahakavy' men hai. 1563 ee. men boondi ke ek saradar samant sinh hada ne bedala aur kothariya ke chauhanon ki sahayata se muslimon se yah qila chhin liya aur yah boondi naresh sujanasinh hada ke adhikar men a gaya.

mugal adhikar

char varsh bad mugal badashah akabar ne chittaud ki chadhaee ke pashchath manasinh ko sath lekar ranathambhaur par chadhaee ki. akabar ne parakote ki divaron ko dhvast karane men koee kasar nahin chhodi, kintu pahadiyon ke prakritik parakoton aur vir hadaon ke durdaniy shaury ke age usaki ek n chali. kintu raja manasinh ne chhalapoorvak rav sujanasinh ko akabar se sandhi karane ke lie vivash kar diya. sujanasinh ne lobhavash qila akabar ko de diya, kintu samant sinh ne phir bhi akabar ke dant khatte karake marane ke bad hi qila chhoda. 1569 ee. men is par akabar ka adhikar ho gaya. isake bad agale do sau varshon tak is par mugalon ka adhikar bana raha. 1754 ee. tak ranathambhaur par mugalon ka adhikar raha. isi varsh ise marathon ne gher liya, kintu durgadhyaksh ne jayapur ke maharaj savaee madhosinh ki sahayata se marathon ke akraman ko viphal kar diya. tab se adhunik samay tak yah qila jayapur riyasat ke adhikar men raha.

parivesh

ranathambhaur

ranathambhaur ka durg sidhi oonchi khadi pahadi par sthit hai, jo asapas ke maidanon ke oopar 700 phut ki oonchaee par hai. yah vindhy pathar aur aravali pahadiyon ke bich sthit hai, jo 7 ki.mi. bhaugolik kshetr men phaila hua hai. qile ke tin or prakritik khaee bani hai, jisamen jal bahata rahata hai. qila sudridh aur durgam parakote se ghira hua hai. durg ke dakshini or 3 kos par ek pahadi hai, jahan 'mama-bhanaje' ki qabren hain. sambhavatah is pahadi par se yavan sainikon ne is qile ko jitane ka prayatn kiya hoga aur usi men yah saradar mare ge honge. qile men vibhinn hindoo aur jain mndiron ke sath ek masjid bhi hai. avasiy aur pravasi pakshiyon ki ek badi vividhata yahan dekhi ja sakati hai, kyonki qile ke asapas kee jal nikay upasthit hain. is qile se paryatak ranathnbhaur rashtriy udyan ke shanadar drishyon ka anand utha sakate hain.

kalatmak bhavan

chauhan shasakon ne is durg men anek devalayon, sarovaron tatha bhavanon ka nirman karavaya tha. chittaud ke guhil shasakon ne bhi isamen kee bhavan banavaye. bad men muslim vijetaon ne kee bhavy devalayon ko nasht kar diya. vartaman men qile men maujood naulakha daravaza, dilli daravaza, toranadvar, hammir ke pita jetasinh ki chhatari, pushpavatika, ganeshamandir, guptagnga, badal mahal, hammir kachahari, jain mandir adi ka aitihasik mahattv hai. durg men akarshit karane vale kalatmak bhavan ab nahin rahe, phir bhi shesh bache hue bhavanon ki sudridhata, vishalata tatha unaki ghatiyon ki ramaniyata darshakon ko barabas hi apani or akarshit karati hai.

bhagavan ke lie dak

ranathambhaur qile ke andar ganesh ji ka prasiddh mndir hai. kahate hain kahin bhi koee shadi vyah ho, sabase pahala kard ranathambhaur ke ganesh ji ke nam bheja jata hai. yah shayad desh ka ekamatr mndir hoga, jahan bhagavan ke nam dak ati hai. dakiya is dak ko mndir men pahuncha deta hai. pujari is dak ko bhagavan ganesh ke charanon men rakh dete hain. ghar men koee bhi mangalik kary ho, log ganesh ji ko bulane ke lie yahan ranathambhaur vale ganesh ji ke nam kard bhejana nahin bhoolate.[1]

ranathnbhaur rashtriy udyan

ranathambhaur men hiran

'ranathambhaur rashtriy udyan' uttar bharat men sabase bada vanyajiv snrakshan sthal hai. yah rajasthan ke sabase prasiddh sthanon men se ek hai. varsh 1955 men yah vanyajiv abhayarany ke roop men sthapit kiya gaya tha. bad men 1973 men 'projekt taigar' ke pahale charan men isako shamil kiya gaya. is abhayarany ko 1981 men rashtriy udyan ka darja pradan kiya gaya tha. baghon ke alava yah rashtriy abhyarany vibhinn jngali janavaron, siyar, chite, lakadabaggha, daladali magaramachchh, jngali suar aur hiranon ki vibhinn kismon ke lie ek prakritik nivas sthan upalabdh karata hai. isake atirikt yahan jaliy vanaspati, jaise- lili, dakavid aur kamal ki bahutayat hai. ranathambhaur rashtriy abhyarany hadauti ke pathar ke kinare par sthit hai. yah chnbal nadi ke uttar aur banas nadi ke dakshin men vishal maidani bhoobhag par phaila hai. abhyarany ka kshetraphal 392 varg ki.mi. hai. is vishal abhyarany men kee jhilen hain, jo vanyajivon ke lie anukool prakritik vatavaran aur jalasrot upalabdh karati hain. is abhyarany ka nam prasiddh ranathambhaur durg par rakha gaya hai.

asapas ke darshaniy sthal

ranathambhaur ke asapas kee prasiddh darshaniy sthal hain, jinhen dekha ja sakata hai-

taragadh durg, boondi

boondi

inhen bhi dekhen: boondi boondi ranathnbhaur se 66 ki.mi. dakshin men hai. yah apani aitihasik imaraton visheshakar taragadh qile ke lie prasiddh hai. rajasthan ke dakshin-poorv men sthit boondi ek poorv riyasat evn zila mukhyalay hai. isaki sthapana san 1242 ee. men rav devaji ne ki thi. yahan ke shasak rav surjan hada ne akabar ki adhinata svikar kar li thi. shahajahan ke samay boondi ke shasak chhatrasal hada ne dara shikoh ki or se dharamat ki ladaee men bhag liya tha, kintu vah is yuddh men mara gaya tha. boondi apani vishisht chitrakala shaili ke lie vikhyat hai. shravan-bhadon men nachate hue mor boondi ke chitrankan parampara men bahut sundar ban pade hain. yahan ke chitron men nari patr bahut lubhavane pratit hote hain. nari chitran men tikhi nak, badam-si ankhen, patali kamar, chhote v gol chehare adi mukhy vishishtataen hain. striyan lal-pile vastr pahane adhik dikhayi gayi hain.

karauli

inhen bhi dekhen: karauli karauli uttar bharat ke rajasthan ka pramukh nagar aur zile ka mukhyalay hai, jo poorv men karauli rajy ki rajadhani tha. yahan ka 'kailadevi mandir' rajy ke karauli nagar men sthit ek prasidv hindoo dharmik sthal hai. jahan prativarsh march-apral men ek bahut bada mela lagata hai. is mele men rajasthan ke alava dilli, hariyana, madhy pradesh, uttar pradesh ke tirth yatri ate hai. mukhy mandir sngamaramar se bana hua hai, jisamen kaila (durga devi) evn chamunda devi ki pratimaen hain. kailadevi ki ath bhujaain evn sinh par savari karate hue bataya hai. yahan kshetriy languriya ke git vishesh roop se gaye jate hai, jisamen bhakt languriya ke madhyam se kailadevi ko apani bhakti-bhav pradarshit karate hai. uttar bharat ke pramukh shaktipith ke roop men khyati prapt kaila devi mndir devi bhakton ke lie poojaniy hai, yahan ane valon ko sansarik bhagamabhag se alag anokha sukoon milata hai. yahi karan hai ki sal dar sal kaila man ke darshanarthiyon ki snkhya badhati hi ja rahi hai.

kab jaen

yah sthan varsh bhar udaravadi jalavayu ka anubhav pradan karata hai. is sthan ki yatra ka sabase achchha samay aktoobar aur aprail ke bich ka hai. is avadhi ke dauran mausam sukhad aur darshaniy sthalon ki yatra ke lie ekadam sahi rahata hai.

kaise pahunchen

ranathambhaur tak havaee, rel aur sadak marg dvara asani se pahuncha ja sakata hai. jayapur men 'sanganer havaee adda' ranathambhaur se sabase najadik hai, jabaki 'savaee madhopur relave steshan' nikatatam relave steshan hai.


panne ki pragati avastha
adhar
prarambhik
madhyamik
poornata
shodh

vithika

tika tippani aur sndarbh

  1. ranathambhaur ka kila, jahan bhagavan ke lie ati hai dak (hindi) pal-pal indiya. abhigaman tithi: 21 mee, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah