भानगढ़  हिन्दी देवनागरी में पढ़ें।

bhanagadh
bhanagadh sthit mndir
vivaran 'bhanagadh' rajasthan ke aitihasik tatha prasiddh paryatanon sthalon men se ek hai. kisi samay yah sthan rajapooti shano-shaukat ka pratik hua karata tha, kintu ab yah khndahar avastha hai.
rajy rajasthan
sthiti jayapur-agara marg par 55 ki.mi. ki doori par dausa zile se uttar ki or.
sthapana 1573 ee.
sthapak raja bhagavanadas
snbndhit lekh rajasthan, rajasthan ka itihas, kachhavaha rajavnsh, amer
any janakari sthaniy logon men ab bhi yahi dharana chali a rahi hai ki bhanagadh ek shapit sthan hai, lekin yah ek shanadar sthal hai, jo paryatan ki drishti se behad khoobasoorat hai aur ise antarrashtriy paryatan sthal ke taur par badhava diya ja sakata hai.

bhanagadh rajasthan ke alavar zile men 'sariska rashtriy udyan' ke pas sthit ek poora ka poora khndahar shahar hai. bhanagadh ke qile ko amer ke raja bhagavanadas ne 1573 ee. men banavaya tha. kisi samay yah sthan rajapoot an, ban aur shan ka pratik hua karata tha. kahane ko yahan bazar, galiyan, haveliyan, mahal, kuen aur bavadiya tatha bag-bagiche adi sab kuchh hain, lekin sab ke sab khndahar hain. jaise ek hi rat men sab kuchh ujad gaya ho. poore shahar men ek bhi ghar ya haveli aisi nahin hai, jis par chhat ho, lekin mndiron ke shikhar atmamugdh khade dikhaee dete hain. har divar men padi dararen atit ke bhayavah pnjon se khnrochi huee lagati hain. vinash ke inhin chinhon ne sadiyon se yahan ki havaon men ek aphavah ghol rakhi hai ki yah sthan shapit hai aur yahan bhoot-pishachon ka vas hai.

sthiti

jayapur-agara marg par 55 ki.mi. ki doori par dausa zile se uttar ki or ek sadak bhanagadh ki or jati hai. lagabhag 25 ki.mi. ke saphar ke bad is raste par 'gola ka bas' se pashchim ki or kuchh ki.mi. ek sadak bhanagadh ki or jati hai.[1]

itihas

bhanagadh ka mahal amer ke raja bhagavanadas ne 1573 ee. men banavaya tha. bhagavanadas ne poori nagar yojana ke sath is shahar ka nirman karaya tha. bad men 1605 ee. tak madhosinh ne yahan akar apana raj jamaya aur bhanagadh ko rajadhani bana liya. raja manasinh ke bhaee madhosinh akabar ke darabar men divan ke ohade par the. madhosinh ke tin putr the- tejasinh, chhatrasinh aur sujanasinh. madhosinh ke bad chhatrasinh bhanagadh ke shasak bane. san 1630 ee. men ek yuddh ke dauran yuddh maidan men hi chhatrasinh ki mrityoo ho gee. shasakahin bhanagadh ki raunak ghatane lagi. tatpashchath chhatrasinh ke putr ajabasinh ne bhanagadh ke pas hi naya nagar basaya aur vahin rahane laga. yah nagar ajabagadh tha. lekin ajabasinh ka putr harisinh bhanagadh men hi raha. mugalon ke badhate prabhav ke chalate snrakshan ke lie harisinh ke do bete aurngazeb ke samay musalaman ban ge aur bhanagadh par raj karane lage. amer ke kachhavaha shasakon ko yah gavara nahin tha. mugalon ke kamazor padane par savaee jayasinh ne san 1720 ee. men inhen marakar bhanagadh par qabza kar liya aur bhanagadh ko apani riyasat men mila liya. lekin ilake men pani ki kami ke chalate yah shahar abad nahin rah saka aur 1783 ee. ke akal ne mahal ko poori tarah ujad diya. sath hi vakt ki mar ne isaki shakl bhootaha kar di.

kinvadntiyan

bhanagadh ko bhootaha roopakar dene men vakt ke sath-sath is mahal se judi kinvadntiyan aur lok kathaen bhi hain. sthaniy kshetravasi aur as-pas ke ilake ke log apane bujurgon dvara batae ge sachche-jhoothe anubhavon ko saty kathaon ki tarah pracharit karate hain. isase logon men dar ke sath-sath bhanagadh ke lie akarshan bhi paida hota hai. in kinvadntiyon ko sthaniy logon ne itana pukhta kar diya hai ki rajasthan men "bhooton ka bhanagadh" nam se ek rajasthani film ka pradarshan bhi ho chuka hai.[1]

tntrik ka shap

ek kinvadnti ke anusar aravali ki pahadi़yon men singhiya nam ka tantrik apane tntr-mntr aur totakon ke lie jana jata tha. kahate hain ki vah man hi man bhanagadh ki rajakumari ratnavati ko chahane laga aur rajakumari ko prapt karane ki koshishen karane laga. rajakumari ko pane ke lie usane sir men lagane vale tel ko abhimntrit kar diya. kaha jata hai ki ratnavali bhi tntr-mntr aur totake karana janati thi. usane apani shakti se tel ke totake ko pahachan liya aur tel ek badi shila par dal diya. shila tantrik ki or ud chali. chattan ko apani or ate dekh tantrik baukhala gaya.
bhanagadh ke avashesh
usane shila se kuchalakar marane se pahale ek aur tntr kiya aur shila ko samooche bhanagadh ko barbad karane ka adesh diya. chattan ne raton rat bhanagadh ke mahal, bazaron aur gharon ko khndahar men tabdil kar diya. lekin mndiron aur dharmik sthanon par tantrik ka tntr nahin chala aur mndiron ke shikhar dhvast hone se bach ge.

as-pas ke log ab bhi yahi manate hain ki ratnavati aur tantrik ke apasi takarav ke karan raton rat huee mauton ke karan yah jagah shapit ho gee aur aj bhi yahan un logon ki atmaen vicharan karati hain. is kinvadnti ne sthaniy tantrikon ko bhi yahan tntr-karm karane ke lie ukasaya aur puratattv vibhag ke snrakshan se poorv yahan mahal ke andar tantrik kriyaen hone ke praman bhi milate hain.

pravesh

bhanagadh qile ka pravesh dvar

aravali ki pahadi़yon se ghire bhanagadh men pravesh ka marg poorv men hanuman get se hai. yah pravesh dvar shahar ki qilebndi ke lie nirmit ki gee prachir ka pramukh daravaza hai. uttar se dakshin ki or phaili is prachir men kul panch daravaze hain, jinhen 'dilli get', 'phulavari get', 'hanuman get', 'ajameri get' aur 'lahauri get' ke nam se jana jata hai. bhanagadh men mukhy pravesh hanuman get se hota hai. get ke donon or yahan chaukidari ki bairakanuma kothariyan hain. get ke dahini or hanumanaji ka prachin mndir aur tibariyan hai. samane ek patthar ki sadak jauhari bazar se hoti huee mahal ke parisar ke dvar tak jati hai. hanuman get ke pas hi puratattv vibhag ki or se mahal parisar aur kasbe ke nakshe ka shailapatt lagaya hua hai. patt par kasbe aur mahal parisar men sthit sabhi mukhy sthanon ka vivaran diya gaya hai.[1]

shanadar paryatan sthal

sthaniy logon men ab bhi yahi dharana chali a rahi hai ki bhanagadh ek shapit sthan hai, lekin yah ek shanadar sthal hai, jo paryatan ki drishti se behad khoobasoorat hai aur ise antarrashtriy paryatan sthal ke taur par badhava diya ja sakata hai. aitihasik drishtikon se aravali ki god men soya yah shahar mahatvapoorn hai hi, sath hi fotografi ke shaukin logon ke lie bhi yahan ke khndahar aur prakritik vatavaran bemisal hain. 'bharatiy puratattv sarvekshan vibhag' ne apane adhin lekar mahal aur isake avasheshon ka snrakshan kiya hai. vartaman men bhanagadh paryatan ka khoobasoorat kendr ban chuka hai.

haveliyan aur avashesh

bhanagadh qile ke avashesh

tin or prachir se ghire is kasbe men jagah-jagah haveliyan aur avashesh dikhaee dete hain. hanuman get se pravesh karane ke bad bayen hath se pahadi ki or ek thos rasta mahal tak jata hai, jisake donon or do mnjila bina chhat vali dukanen hain. is bazar ko "jauhari bazar" ka nam diya gaya hai. dukanon ke sath makanon ke bhi avashesh hain, jo solahavin sadi ki nagar shaili men bane dikhaee padate hain. jauhari bazar ke hi dahini taraf modon ki haveli, hanuman mndir, tibariyan aur pahadi par nigarani taauvar najar ati hai. jabaki bayen hath ki or ajameri get, lahauri get, mngala mata mndir, keshoray mndir, purohitaji ki haveli adi dikhaee padate hain.

jauhari bazar par karane ke bad ek pahadi nala gujarata hai, jisake dono or ghani vrikshavali hai. yahan ke vriksh bhi rahasyamayi dhng se bal khae aur tude-mude najar ate hain. nale se age chalane par mahal parisar ka tripoliya get ata hai, jisake bhitar door mahal tak oonche-niche dhalanon par shanadar bag aur mndir, haveliyan, kund adi najar ate hain. tripoliya get se andar dahine hath ki or ek oonche chauras sthal par gopinathaji ka mndir hai. pas hi samnton ki badi haveliyan bhi hain. mahal tak ki pagadndi ke bayen hath ki or someshvar mndir aur do kund hain, jahan varshabhar pahadon se jaladhara akar milati hai. mahal ke mukhyadvar se angrezi ke zed akar ka rasta mahal ke ahate men jata hai. mukhyadvar ke bayen hath ki or kevada bag hai. kaha jata hai yah mahal sat mnjila tha, lekin vartaman men isaki tin mnjilen hi astitv me hain aur chhat par bane bhavan aur parisar bhi khndit hain, jabaki mahal ke nichale baramadon aur kakshon men ab bhi chamagadadon ka raj hai.[1]

kinvadntiyan, kisse, kahaniyan adi apane sthan par hain. bhanagadh ko usaki kismat ne ujad banaya, lekin bhanagadh apane ap men solahavin sadi men itihas ki halachal aur uthal-puthal ko samete hue hai. puratattv sarvekshan vibhag isake atit ko janane aur nishkarsh nikalane par kary kar raha hai. yahan bhanagadh men paryatan vibhag ya puratattv vibhag ka koee karyalay nahin hai, lekin yahan rah rahe chaukidaron ka kahana hai ki ham rat-din yahin rahate hain. hamen aisa koee anubhav nahin hua hai, jisase yah lage ki bhanagadh men kisi prakar ka dar hai. unhonne mana ki yahan jngali janavaron ka dar hai, isalie ratri ke samay ve pahare par kam hi nikalate hain. sarakar ne bhi dar jaisi chij sire se kharij ki hai.


panne ki pragati avastha
adhar
prarambhik
madhyamik
poornata
shodh

vithika

tika tippani aur sndarbh

  1. 1.0 1.1 1.2 1.3 bhanagadh, khoobasoorat vartaman, rahasyamayi atit (hindi) pinkasiti.kaaum. abhigaman tithi: 12 aktoobar, 2014.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah