मान सिंह  हिन्दी देवनागरी में पढ़ें।

(मानसिंह se punarnirdeshit)
man sinh
man sinh
poora nam man sinh
janm 21 disambar, 1550 ee.
janm bhoomi amer, rajasthan (mugal kal)
mrityu tithi 6 julaee, 1614 ee.
pita/mata pita- bhagavanadas, mata- rani bhagavati baee
dharmik manyata hindoo
prasiddhi akabar ke navaratnon men se ek tatha rajapoot saradar
snbndhit lekh akabar, mugal samrajy, rana pratap, rajapoot samrajy, rajapootana
any janakari jab raja bhagavanadas pnjab ke soobedar niyat hue the, tab sindh ke par simant prant ka shasan kunvar manasinh ko diya gaya tha. 1576 ee. ke ant men manasinh badashah ke adesh se rana pratap ko dand dene par niyat hue the.

man sinh (janm- 21 disambar, 1550 ee., amer, rajasthan; mrityu- 6 julaee, 1614 ee.) raja bhagavanadas ke putr the.[1] apani buddhimani, sahas, sambandh aur uchch vnsh ke karan akabar ke rajy ke stambhon aur saradaron ke agrani the. inake karyon aur vyavahar se inhen badashah kabhi pharjad[2]aur kabhi miraza raja ke nam se pukarate the[3].

rana aur manasinh ka yuddh

san 1576 ee. ke ant men manasinh rana koka (maharana pratapasinh) ko dand dene par niyat hue. sanh 1577 ee. ke arambh men gulakand ke pas, jise chittaud ke anantar banavaya tha, ghor yuddh hua. isamen raja ramasah gvaliyari putron ke sath mara gaya. isi mar–kat men rana aur manasinh ka samana hone par yuddh hua aur ghayal hone par rana bhag ge. raja manasinh ne unake mahalon men utar kar hathi ramashah ko[4] doosari loot ke sath darabar bheja. parantu jab manasinh ne us prant ko lootane ki agya nahin di, tab badashah ne inhen rajadhani men bulakar darabar ane ki manahi kar di.

kabul ka shasak niyukt

jab raja bhagavntadas pnjab ke soobedar niyat hue, tab sindh ke par simant prant ka shasan kunvar manasinh ko diya gaya. jab 30ven varsh men akabar ke sautele bhaee miraza muhammad haqim ki[5] mrityu ho gee, tab inhonne agyanusar phurti se kabul pahunchakar vahan ke nivasiyon ko shanti di aur usake putr miraza afarasiyab aur miraza knkuvad ko rajy ke bure–bhale any saradaron ke sath lekar ve darabar ae. akabar ne sindh nadi tak thahar kar kunvar manasinh ko kabul ka shasanakarta niyat kiya. inhonne badi bahaduri ke sath rooshani jati valon ko luterepan aur vidroh se khaibar ke raste roke hue the, poora dand diya. jab raja birabal svad prant men yoosufajee ke yuddh men mare ge aur jainakhan koka aur haqim abul fatah darabar bula lie ge, tab yah kary manasinh ko saunpa gaya. jab jabulistan ke shasan par bhagavntadas niyukt hue aur sindh par hone par pagal ho ge, tab us pad par kunar manasinh niyat hue.

kachhavahon ki jagir

32ven varsh men jab yah gyat hua kunar thande desh ke karan ghabara gaya hai aur rajapoot jati jabulistan ki praja par atyachar karati hai, kintu kunar duahkhiyon ka paksh nahin leta, tab use vahan se bula kar poorv ki or usake lie jagir niyukt ki gee. svayn rooshaniyon ka daman karana nishchit kiya. usi varsh jab bihar prant men kachhavahon ki jagir niyukt huee tab kunar manasinh vahan ka shasanakarta niyat hua.

panch hazari manasab

34ven varsh men inake pita ki mrityu par inhen raja ki padavi aur panch hazari manasab mila. jab yah bihar ge tab poornamal kndhoriya par (jo bada ghamand karata tha) chadhaee karake usake bahut se sthanon par adhikar kar liya. vah nayarast durg men ja baitha aur vahan par se usane sndhi ka prastav kiya. vahan se laut kar inhonne raja sngram sinh par chadhaee ki jisane sndhi karake hathi aur us or ki any vastuen bhent men din. raja manasinh patana laut aya aur ranapati charava par chadhaee kar vahan se bahut loot paee.

udisa par chadhaee

jab us prant ke balavaiyon ne phir se sir uthaya, tab 35 varsh men inhonne jharakhnd ke raste se udisa par chadhaee ki. us prant ke shasanakarta sarvada alag shasan karate the. isase kuchh pahale pratapadev namak raja tha, jisake putr virasinh dev ne apane bure svabhav ke karan pita ka pad lena chaha aur avasar milane par use vish de diya, jisase vah mar gaya. telngana se akar mukundadev namak ek purush inake yahan par naukar ho chuka tha. vah is bure kam se ghabara kar putr se badala dene ki fikr men pada. usane yah prakat kiya ki meri stri mujhe dekhane ati hai. is prakar bahana kar shastron se bhari huee doliyan durg men jane lagin aur bahut sa yuddh ka saman do sau anubhavi manushyon ke sath durg men pahunch gaya. vahan usaka kam jaldi samapt ho gaya aur use saradari mil gee. yah koee achchhi chal nahin hai ki poorvajon ke snchit kosh par raja adhikar kar le; par isane kosh ke sattar talon ko todakar unamen ka snchit dhan le liya. yadyapi isane dan bahut kiya, par yah agyapalan ke raste se hat gaya.

suleman kirrani ne, jisaka bngal par adhikar ho gaya tha, apane putr vayajid ko jharakhand ke raste se is prant par bheja aur isakndar khan ujabeg ko, jo akabar ke pas vidroh karake suleman kirrani ke pas chala aya, tha sath kar diya. raja ne apane sukh ke karan do senaen jhapataray aur durga tez ke adhin bheji. ye donon svamidrohi shatru ke senadhyakshon se mil kar yuddh se laut ae. badi atishtha huee. nirupay hokar raja ne sharir ka tyagana vichar kar bayajid ka samana kiya. usaki adhinata men ghor yuddh hua. jisamen raja aur jhapataray mare ge tatha durga tez saradar hua. suleman ne usako kapat se apane pas bulava kar marava dala aur prant par apana adhikar kar liya[6].

munim khan khanakhanan aur khanejahan turkaman ki soobedari men us prant se bahutere saradar samrajy men chal ae. bngal ke saradaron ki gadabadi men kataloo khan lohani vahan prabal ho utha. jab raja usi varsh prant men gaya[7] tab kataloo ne un par chadhaee ki. jab badashahi sena parast ho gee, tab raja dridh nahin rah sakate the. par kataloo (jo ki bimar tha) ekaek mar gaya aur usake pradhan eesa ne usake chhote putr nasir khan ko saradar banakar raja se sndhi kar li[8]. raja jagannath ji ka mandir usaki bhoosampatti sahit lekar bihar laut ge. yah mandir hinduon ke prasiddh tirthon men se ek hai aur parasotam nagar men samudr ke pas hai. usamen shrikrishn ji, unake bhaee aur bahin ki chndan ki moortiyan hain.

jagannath mndir

kahate hain ki isase char hazar aur kuchh varsh pahale nilagiri parvat ke shasanakarta raja indramani ne kisi mahatma ke kahane par bada nagar basaya. raja ko ek ratri svapn hua ki 'use ek din ek lakadi bavan angul lambi aur dedh hath chaudi mili hai. vah eeshvar ka sharir hai aur use lekar usane grih men sat din tak band rakha hai. isake anantar isi mandir men rakhakar usane usake poojan ka prabandh kiya hai.' jab usaki nidra khuli, tab jagannath ji nam rakha. kahate hain ki suleman kirrani ke naukar kala pahad ne jab vahan par adhikar kiya, tab usane is lakadi ko ag men dal diya tha, par vah jali hi nahin. tab usane use nadi men phinkava diya. par vah phir se laut aee. kahate hain ki is moorti ko chhah bar snan karate aur ne vastr dharan karate hain. pachas–sath brahman seva men rahate hain. prati varsh (jab bada rath khinchakar us moorti ke samane late hain tab) bis sahasr manushy sath men rahate hain. us rath men solah pahie lage hue hain. us par moortiyon ko savar karate hain aur upadesh dete hain ki jo use khinchega, pap se shuddh ho jaega. snsar ki kathinaee n dekhakar usase bahut si siddhaee dekhana chahate hain.

jab tak kataloo ka vaqil eesa jivit raha, tab tak usane raja ke sath ki huee pratigya ki raksha ki. usake anantar kataloo ke putron khvaja suleman aur khvaja usaman ne sndhi bhng kar vidroh arambh kar diya. 37ven varsh raja ne unaka daman karane ke lie aur us prant par adhikar karane ke lie dridh snkalp kiya. bngal ka soobedar seed khan bhi pahuncha. kade yuddhon ke anantar ve parast hokar bhage aur raja ramachandr ki sharan men (jo ki us prant ka bhari bhoomyadhikari tha) ge. yadyapi seed khan bngal laut gaya, par raja ne pichha karane se hath n uthakar sarngagadh ko[9] gher liya. nirupay hokar usane raja se bhent ki. sarakar khalifabad men unake lie jagir niyat karake sanh 1000 hi. men udisa prant ko samrajy men mila liya[10]

khusaro ka abhibhavak niyukt

39ven varsh sanh 1002 hi. men (sultan khusaro ko panch hazari manasab aur udisa jagir men mila tha) raja manasinh usaka abhibhavak niyukt hokar bngal aur us prant ka shasanakarta hua. raja manasinh ne apane upayon aur talavar ke bal se bhati prant aur doosare bhoomyadhikariyon ki bahut si bhoomi par adhikar kar samrajy men mila liya. 40ven varsh sanh 1004 hi0 men ak mahal ke pas ka sthan pasand kiya gaya, kyonki vahan par ladaee ka dar kam tha. sherashah bhi is sthan se prasann rahata tha. is us prant ki rajadhani niyat kar akabar nagar nam rakha gaya. isaka nam rajamahal bhi hai. 41ven varsh men kooch[11] ghodaghat ke uttar praja sampann prant hai, 200 kos lamba aur 40 se 100 kos tak chauda hai) ke raja lakshminarayan ne adhinata svikrit kar raja manasinh se bhent ki aur apani bahin raja ko byah di.

bngal ka vidroh

man sinh par hamala karate hue maharana pratap aur chetak

44ven varsh sanh 1008 hi0 men, jab
akabar dakshin ki or chala, tab sultan salim rana ko dand dene ke lie ajamer prant par niyat kiya gaya tha tab) raja ko bngal ki soobedari ke sahit shahajade ke sath niyat kiya. us samay eesa ke marane se, jo vahan ka saradar tha, raja ne us prant ka shasan sahaj samajhakar apane bade putr jagatasinh ko apana pratinidhi banakar bheja. jagatasinh ki mrityu raste men hi ho gee. usake putr mahasinh ko[12]bngal bheja. 45ven varsh men katal ke putr khvaja usaman ne vidroh machaya. raja ke sainikon ne sahaj samajh kar yuddh kiya, par ve parast hue. yadyapi bngal hath se nahin nikal gaya, par usake bahut se sthanon se ve adhikrit ho ge. shahajada sultan salim [13] kary poorn hone ke pahale hi svayn apane man se pnjab chala gaya. vahin ekaek bngal ke vidroh ka samachar mila. raja manasinh ko us or vida kiya aur kuchh bahakave se shahajada agara lene chala. jab mariyam makani use samajhane ke lie jane ko durg men savar huee tab shahajada lajja ke mare rajadhani ke char kos idhar hi laut kar nav par savar hokar prayag chala gaya[14] raja shahajade se alag hokar bngal ke vidrohiyon ko dand dene chala aur usane sherapur ke pas yuddh kar shatru ko poornatayah parast kiya. mir abdurrazzaq mamoori, jo ki bngal prant ka habshi tha, yuddh men hathakadi–bedi sahit pakada gaya. isake anantar jab us prant ka prabandh thik ho gaya tab darabar pahunchakar raja manasinh sat hazari 7000 savar ka manasab, us samay tak koee bhari saradar panch hazari manasab se badhakar nahin tha, par isake anantar miraza shaharukh aur miraza ajjij ko bhi yah pad mila tha) pakar sammanit hue[15]

raja manasinh ki mrityu

akabar ki mrityu ke samay raja manasinh ne sultan khusaro [16] gaddi par baithane ke vichar se miraza ajij koka ka sath diya tha; par jahangir ne bngal ki niyukti nishchit rakh aur svadesh jane ki chhutti dekar apani or mila liya[17] jahangir ki rajagaddi hone par yah apane shasan par chale ge; parantu usi varsh bngal se badal kar auron ke sath rohatas ke vidrohiyon ka damane karane par niyat hue. vahan se darabar pahunchakar tisare varsh[18] men inhen isilie chhutti mili ki dakshin ki chadhaee ka saman thik kar khanakhanan ke sahayatarth vahan jaen. ye bahut varshon tak dakshin men rahe. vahin 9ven varsh men inaki mrityu ho gee aur sath[19] manushy unake sath men jale.

shasan vyavastha

raja ne bngal ke shasan ke samay bahut aishvary aur saman snchit kiya tha. yahan tak ki unake pas men sau hathi the aur unake sabhi sainik susajjit the. inake yahan par bahut se vishvasi sevak the, jo sabhi saradar the. kahate hain us samay (jab dakshin ka kary khanejahan lodi ke hath men aya tha) tab pandrah dnke nishan vale panch hazari (jaise navab abdurrahim khan khanakhanan, raja manasinh, miraza rustam saphavi, asaf khan jafar aur sharif khan amirulumara) aur char hazari se sau tak vale satrah sau manasabadar vahan sahayatarth sena men upasthit the. jab balaghat men ann ka yahan tak akal pada ki (ek rupaya ser ka bhi ann nahin milata tha) tab ek din raja ne majalis men kaha ki yadi main musalaman hota to pratidin ek samay tum logon ke sath men bhojan karata. par main vriddh hua, isalie mera hi pan lijie. sabase pahale khanejahan ne salam kar kaha ki mujhe svikar hai. doosaron ne bhi is bat ko man liya. usi din se raja ne aisa prabandh kiya ki pratyek panch hazari ko ek sau rupaya aur isi hisab se sadi manasab valon tak ko dainik nishchit kar prati ratri ko vah rupaya khalite men rakhakar aur us par apana nam likh kar har ek ke pas bhej dete the. tin–char mahine tak (ki yah yatra hoti rahi) ek bhi naga nahin hua. knp–valon ko rasad pahunchane tak amer ke bhav men barabar ann dete rahe. kahate hain ki raja ki vivahita stri rani kunar (jo badi buddhimata thi) desh se sab prabandh karake bhejati thi. raja ne yatra men mulasamanon ke lie kapade ke snanagar aur masaziden khadi karaee thin aur unamen niyukt manushyon ko ek samay bhojan dete the.

hindoo dharm aur islam

kahate hain ki ek din ek saiyad ek brahman se tark karane laga ki hindoo dharm se islam badhakar hai. in donon ne raja ko pnch mana. raja ne kaha ki 'yadi islam ko bada kahata hoon to kahoge ki badashah ki chapaloosi hai; aur yadi isake aisa kahata hoon to pakshapat kahalaega.' jab un logon ne hath kiya tab raja ne kaha ki mujhe gyan nahin hai, par hindoo dharm[20] ke mahatma ke marane par jala dete hain aur hava men uda dete hain; aur ratri men yadi koee vahan jata hai to bhoot ka dar hota hai, parantu har ek ganv aur nagar ke pas musalaman piron ki kaben hain, jahan par manauti hoti hain aur jamaghat lagata hai.

kahate hain ki bngal jate samay munger men shah daulat [21] se bhent ki. shah ne kaha ki itani buddhi aur samajh rahane par bhi musalaman kyon nahin hua? raja ne kaha ki quran men likha hai ki eeshvar ki muhar pratyek hriday par hai. yadi apaki kripa se abhagy ka tala mere hriday se khul jae to jhat se musalaman ho jaoon. ek mahine tak isi asha men vahan par thahara raha; par bhagy men islam hi nahin likha tha, isase koee labh nahin hua.

parivar

kahate hain ki raja manasinh ki pandrah sau raniyan thin, aur pratyek se do–tin putr hue the. parantu sab pita ke samane hi mar ge. keval ek jhaoosinh[22] vah bhi pita ke kuchh din anantar madyapan ke karan mar gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. raja bhagavan das ke bhaee jagatasinh ke putr the, jinhonne svayn ni:santan hone ke karan inhen dattak le liya tha. manasinh pahale pahal snvat 1619 men akabar ke darabar men ge the
  2. putr
  3. yah sanh 1562 ee. men badashah ke sath agare ae the, sanh 1572 ee. men yah badashah ke sath gujarat ki chadhaee par bhi ge the. jab badashah patan se bis kos idhar sirohi se age disa durg pahunche, tab samachar mila ki sher khan fauladi saparivar tatha sasainy idhar ja raha hai. kunvar manasinh us par bheje ge aur unhonne use parast kar bhaga diya. (ili. dau., ji. 5sh pri. 342). isake anantar saranal yuddh men tatha gujarat vijay men yog diya. isake do varsh anantar sanh 1575 ee. men doongarapur tatha as–pas ke rajaon ka daman karane ke lie bheje ge, jinake adhinata svikar kar lene par ye udayapur ke marg se laute. yahi maharana pratapasinh se inhonne apane ko apamanit kiya gaya samajha tha (akabaranama, ili. dau., ji. 6, pri. 42). isi ke anantar akabar badashah ne maharana par isaka badala lene ke lie chadhaee ki thi
  4. jo usake prasiddh hathiyon men se tha
  5. jo ki kabul ka shasanakarta tha
  6. yah ansh akabaranama men (ji. 3, pri. 640) se liya hua hai. bhinnata itani hai ki pratapadev ke sthan par pratap rav aur virasinh ke badale men narasinh hai. (ili. dau., ji. 6, pri. 88-9)
  7. bihar tatha bngal ki raja manasinh ki soobedari ka poora varnan start ki 'histri aauf bngal' (pri0 114-121) men diya hai.
  8. akabaranama, ili0 dau0, ji0 6, pri0 85-7
  9. jahan par unhonne sharan li thi
  10. akabaranama, ili. dau., ji. 6, pri. 86-7.
  11. koochabihar se tatpary hai. isi varsh ye ghodaghat ke pas adhik bimar ho ge the. afaganon ne balava kiya, par inake putr himmatasinh ne inhen parast kar diya.
  12. jo ki alpavayask tha
  13. jo sharirik sukh, madyapan aur bure sng–sath ke karan bahut din tak ajamer men thahar kar udayapur chala gaya
  14. akabaranama men likha hai ki jab jahangir agara hota hua ilahabad ja raha tha, tab vah apani dadi mariam makani se niyamanusar milane nahin gaya. isase duahkhit hokar vah milane ke lie a rahi thi, ki vah jhat se prayag chala gaya. (ili. da., ji. 6, pri. 99)
  15. 47ven varsh men usaman ka vidroh shant kiya aur 48ven varsh men magh raja aur kaidaray ko parast kiya. (takamile akabaranama, ili. da., ji. 6, pri. 106,9,11)
  16. jo ki praja men yuvaraj mana jata tha
  17. bikayah asadabeg, ili. da., ji. raja 6, pri. 170-3.
  18. sn. 1686 vi. sanh 1630 ee.
  19. raja manasinh ki pandrah sau raniyon men se sath sath men sati ho huee thin.
  20. jo bahut dinon se chala jata hai
  21. namak ek fakir jo vahan par rahata tha
  22. inake vrittant ke lie 38van nibandh dekhie, jisaka shirshak 'miraza raja bahadurasinh kachhavaha' hai. tujuke jahangiri, pri. 130 men bhi inaka ullekh hai.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah