हुसैन कुली ख़ाँ  हिन्दी देवनागरी में पढ़ें।

husain kuli khan bairam khan khanakhanan ka bhanja tha. isaka pita varlabeg julukadr daulatakhan ke samay achchhi jagir pane tatha atynt vishvasapatr hone se any sabhi saradaron se badhakar mana jata tha. jalndhar ke antargat hakadar kasbe ke yuddh men jo bairam khan tatha shamshuddin khan ataga ke bich men hua tha, yah ghayal hokar pakada gaya aur usi chot ke karan mar gaya. akabar yahi samajhata tha ki isi ke bahakane se bairam khan ne yah vidroh tatha upadrav kiya hai isalie isake sir ko katavakar usane poorviy prant ko bhej diya.

jivan parichay

khanakhanan ko jis samay badashah ke aprasann ho jane ka nishchay hua usi samay usane apani saradari ka sab saman mevat se darabar bhej diya ki ise kripa tatha vriddhi ki prarthana samajhe jane par usaka kam ban jaega. jab khanakhanan ke pnjab jane ka samachar gyat hua, jo vidroh tatha upadrav ki soochana thi. isalie samayochit samajhakar isako (husain kulibeg) asaphakhan abdul malit ko saunp diya, jo dilli ka adhyaksh tha, ki ise surakshit rakhe tatha hani n pahunchave. us jhagade ke shant hone par husain kulibeg ko chhutakara mila aur seva tatha vyavahar ke anusar isapar barabar kripa hoti gee. 8ven varsh sanh 971 hijari men jab mirja sharaphuddin husain aharari bina karan darabar se bhaga tab akabar ne husain kulibeg ko khan ki padavi tatha ajamer aur nagaur ki jagiradari mirja ke sthan par dekar usaka pichha karane ko niyat kiya. jab mirja bina yuddh kie uttari bharat se bahar chala gaya tab husain kuli bina parishram ke us prant par adhikat hokar vahan ka prabndh pahale se achchha karane laga. isane jodhapur durg ko thode samay hi men vijay kar liya, jo ray maladev ka nivas sthan tha. maladev aishvay tatha sevakon ki adhikata ke karan hindustan ke sabhi rajaon men adhik sammanit tha aur usaki mrityu par usaka chhota putr chandrasen uttaradhikari ho gaya tha. isane chittaud ke ghere ke samay rana udayasinh ka pichha karane men bahut prayatn kiya tha aur isake lie isaki prashnsa bhi huee thi.
jab 93 ven varsh men ataga vale sab saradar pnjab se darabar balaye gaye, tab us prant ka, jo badashahi bade pranton men se ek tha, husain kuli khan soobedar niyat hua, par ranathambhor ki chadaee ke nishchit ho jane par vahan jane ki chhutti n pakar yah badashahi sena ke sath chala gaya. us dridh durg ke tootane par jab badashah agara aye tab ise niyat mahal par jane ki chhutti mil gee. 97ven darsh men nagarakot durg ko gherane ke vichar se badashah ki agya ke anusar yah us or gaya, jo raja jayachndr ke adhikar men tha aur jise kaidakar usake putr vidhichndr ne apane ko pita ka sthanapann samajhakar aur use mrit manakar vidroh kar liya tha. jab yah dhamathari ke pas pahuncha tab vahan ka adhyaksh jann jayachndr ka snbndhi hone ke karan shnka se alag hat gaya par apane vakil ko bhejakar vachan diya ki yah marg ka uchit prabandh rakhega. husain kuli khan apane kuchh adami us moje ki thanedari par chhodakar, jo marg men padata tha, age ko chala. jab yah kotila durg pahuncha, jo oonchaee men akash ki barabari karata tha aur kuchh topon ne jab pahad ki oonchaee se jo durg ke pas samane thi, gole utare, tab durgavalon ka hosh jata raha. ve sab ratri men bhag ge. yah durg pahale gvaliyar ke raja uttamachndr ka tha aur ise jayachndr ke pitamah raja ramachndr ne chhin liya tha is lie raja gvaliyari ko, jo uttamachndr ka vnshadhar tha, is durg ko saunpakar apana thana baitha diya. vahan vrikshon ka aisa ghana jngal tha ki age badhana kathin ho gaya is lie kuchh logon ko jngal katane ke lie bheja. pratidin thoda thoda marg banane par age badhata. sanh 980 hijari ke rajjab mahine ke arnbh men sena nagarakot ke pas pahunchi. pahale ki akraman men durg bhavan par adhikar ho gaya, jisamen mahamaya ka mandir tha. bahut se rajapoot tatha brahman, jo puny lootane ke lie vahan date hue the, mare gaye. isake anntar nagarakot ke bahar ki basti par bhi adhikar ho gaya. tab durg par adhikar karane ka raksha marg banaya tatha morche bandhe gaye. pratidin gole barasakar makanon ko todane aur jivijon ko marane ka prayas hota raha. raja vidhachnd ke bhojan ke samay badi top dagi ge, jisase pray: assi adami divar ke niche dabakar mar ge.
jis samay durg tootane ka kary samapt hone ko tha, usi samay mirja ibrahim husain aur masood mircha vidrohiyon ke ane ka samachar pnjab men ekaek sunaee diya tatha sena men galla bhi khatam ho chala tab nirupay hokar husain kuli khan ne panch man sona aur bahut sa saman bhent men lekar sndhi kar li. raja jayachnd ke makan ke samane ek masajid ki ninv dalakar do din men yah bahar chala aya. ukt sanh ke shabbas mahine madhy men juma ke din badashahi khutaba padhavakar husain kuli khan vahan se lauta. ismail kuli khan tatha mirja yoosooph khan ke sath vidrohiyon ka pichha karane men shighrata ki. mulatan se chalis kos par tulumba kasbe men un asavadhanon par ja pahuchan aur donon paksh men ghor yuddh hua. ibrahim husain parast hokar sulatan ki or bhaga aur masood husain kuchh sathiyon ke sath pakada gaya. 78 ven varsh 921 hijari men jab akabar gujarat vijay kar agara lauta aur se saradaragan badhaee dene ke lie ae tab husain kuli khan darabar pahuncha aur masood husain ki ankhen silavakar tatha any kaidiyon ko bail ke chamade, jinaki singhen alag nahin ki gee thin, pahirakar badashah ke samane aisi vichitr sooraton men upasthit kiya.
badashah ne kripa tatha murauvat se mirja ki ankhen khulava din aur any ki jan bakhshi. husain kuli khan achchha mnsab tatha khanajahan ki padavi, jisase badhakar khanakhanan ke siva any koee padavi nahin thi, pakar sammamit hua. jab badakhshan ka shasak mirja suleman apane pautr mirja shaharukh ke adhikar se bhagakar akabar ki sharan men aya tab husain kuli khan ko agya huee ki pnjab ki bhari sena lekar mirja ke sath badakhshan jay aur us vriddh shasan ko us prant ko rajagaddi par baitha den. isi samay 20 ven varsh sanh 983. hijari men bngal ka shasak munis khan khanakhanan mar gaya aur us prant men bada upadrav macha. sahayak gan us prant ki kharab hava se dar kar aur daood afagan ke upadrav se, jo un pranton ke rajy ka dava karata tha aur adhinata chhodakar ne sire se vidroh kar baitha tha, bhay khakar ekabaragi apane sthanon ko chhod us prant se bahar chale aye. vishesh kary ke lie sadharan kary ko chhod dena achchhi rajaniti hai, isalie badashah ne khanajahan ko phurti se pnjab se bulakar bngal ka soobedar niyat kiya aur raja todaramal ko jo virata tatha anubhav men bahut badhachadha tha aur us prant men achchha kam kar chuka tha, isake sath bheja. bngal ke saradar gan bhagalapur bihar ke pas khanajahan se mile aur unamen se kuchh ne kharab jalavayu ke karan lautane ki ray di. kuchh dharm ki bhavana ke karan virodhakar bakavad karane lage.
khanajahan vriddh tatha svabhav pahachanane vala saradar tha isaliye vah vahan se n hata aur un logon ko santvana tatha dilasa dekar in sabake sath age badha. is karan ki adhikatam sena chagattaee thi aur kajilabash ki saradari se bigadati n thi, isaliye thode hi prayatn se gaddi ko, jo bngal ka phatak hai, khali karakat tande tak ke prant par adhikar kar liya, jo hath se nikal gaya tha. isake siva jo gadabadi machi thi use bhi dur karane ka isane prayatn kiya. daood khan kirrani ak mahal ko dridhakar badashahi sena ke samane dat gaya. prati din yuddh aur dhave hote rahate the. khanajahan aur raja todaramal kitana bhi prayatn karate the par sainikon ke sahas ki kami ke karan kuchh n ho pata tha. ek din khvaja abdulla nakshabndi ne kuchh sevakon ke sath apane morche se age badhakar yuddh ke lie shatru ko lalakara, jisase shatruon ka ek jhund ladane ke lie age badh aya. khvaja ke sathiyon ne isaka sath nahin diya par vah svayn virata ke sath data raha aur mara gaya. jab yah samachar akabar badashah ko mila tab usane shok prakat kar bihar ke soobedar mujaphphar khan ko agya patr bheja ki shighr us prant ke jagiradaron ke sath bngal ki sena se ja mile. sanh 984 hi. men mujaphphar khan bihar prant ki kuchh sena ekatrakar vahan pahuncha aur khanajahan sena ka dhyooh rachakar yuddh karane laga. daivayog se vijay ke din ki pahale ratri ko top ka ek gola badashahi sena se usaki charapaee par pahuncha, jisapar daood ka junahe kirrani soya hua tha aur usase usaka pair nasht ho gaya. isake anntar jab virata ke sath kade ghave hue tab shartu ki madhy sena ka adhyaksh kala pahad ghayal hokar bhaga. abhi yuddh madhy men pahuncha tha ki shatru sena men bhagadad mach gee.
aphamanon ne sahas chhodakar bhagana arambh kar diya aur bahut se pichha karanevale viron dvara mare gaye. daood chahata tha ki kisi or vah bhag jay par kichad ke karan ghode ke ruk jane se vah pakada gaya. jab ah khanajahan ke samane laya gaya tab usase poochha gaya ki khanakhanan ke sath vachanabaddh hona tatha shapath khana kya hua? usane uddndata se uttar diya ki vah maukhik sndhi thi, jisamen mitrata ka snbndh naye sire se ho. khanajahan ne agya di ki usake sir ka bojh jisamen mastishk nahin hai, halaka kar do. usaka sir usi samay saiyad abdulla khan ke hath darabar bhej diya gaya. jisako badashah ne khanajahan ke pas isalie bheja tha ki vah jakar yah samachar de ki goghoonda ke pas rana ke sath yuddh karake raja manasinh kachhavaha ne vijay prapt ki hai aur badashahi sena saradaron ke sath shighr laut kar poorviy prant men pahunchati hai. daivayog se ise vida karate samay badashah ne kaha th ki jab vah yah mubh samachar le jay to us or se bhi bngal ke vijay ka samachar le ave. snyad abdulla khan gyarahaven din, jis samay badashah us prant par chadhaee karane ke vichar se pharahapur se bahar nikala tha, usi samay pahunchakar us vidrohi ka sir jilau khane men dal diya. akraman ke ashnka jati rahi aur vijay patr charon or bheje gaye. is vijay ke anntar khanajahan raja todaramal ko darabar bhejakar svayn sataganv ki or sena lekar gaya, jahan daood ka parivar tha.
usaka khasakhel jamashed akraman kar parast hua aur daood ki man apane snbndhiyon ke sath darabar aee. vah prant jise prachin samay se upadrav ka ghar kahate the arthath jahan ki kuchh bhi jamin balavaiyon ke upadrav se khali nahin bachi thi, khanajahan ke sahas tatha virata se pun: adhikrit hokar shanti ka ghar ho gaya. kooch prant ke zamindar raja mal gosaee ne bhi adhinata svikar kar li. khanajahan ne vahan ki achchhi vastuen tatha 45 hathi darabar bhej diya. bhati prant men kuchh afaganon ne upadrah macha rakha tha aur vahan ke zamindar eesa ne vidroh kar diya tha, isalie 23ven varsh men khanajahan ne us or ravana hokar ek sena age age bheji. ghor akraman par parast hokar eesa bhag gaya aur afagan astavyast ho gaye. khajakan is kary ke nipatane par lautakar sahetapur pahuncha, jis nagar ko yah tanda ke pas basa raha tha, aur vahin aram se rahane laga. har ek sukh ka ant du:kh men hota hai aur har ek poornata ka ant mash men shair ka arth-koee ichchha poornat: sajal nahin hoti. jyonhi prishth poora hua ki ulat diya gaya. khanajahan thode hi samay ke bad bimari se dedh mahine tak bichhone par pada raha. hakim log bina samajhe dava karate rahe. usi varsh sanh 986 hijari men yah mar gaya. yah panch hajari akabari manasabadar tha. isaka putr mirja rajakuli 47 ven varsh men panch saddi 300 savar ke manasab tak pahuncha tha. [1]




panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. pustak- 'mugal darabar ke saradar' bhag-2| lekhak: masirulh umara | prakashan: nagari pracharini sabha, varanasi | prishth snkhya: 705-709

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah