ऋषभदेव मन्दिर उदयपुर  हिन्दी देवनागरी में पढ़ें।

udayapur se lagabhag 40 kimi. door ganv 'dhoolev' men sthit bhagavan rishabhadev ka mandir 'kesariyaji' ya 'kesariyanath' ke nam se bhi jana jata hai. yah prachin tirth aravali parvatamala ki kndaraon ke madhy koyal nadi ke kinare par sthit hai. rishabhadev mandir ko jain dharm ka pramukh tirth mana jata hai. yah mndir n keval jain dharmavalnbiyon apitu vaishnav hindoo logon tatha mina aur bhil adivasiyon evn any jatiyon dvara bhi pooja jata hai. bhagavan rishabhadev ko tirthayatriyon dvara atyadhik matra men kesar chadhae jane ke karan 'kesariyaji' kaha jata hai. yahan pratham jain tirthnkar bhagavan 'adinath' ya 'rishabhadev' ki kale rng ki pratima sthapit hai. yahan ke adivasiyon ke lie ye kesariyaji kaliya baba ke nam se prasiddh v poojit hain.[1]

nirman shaili

mndir ka pratham dvar nakkarakhane ke roop men hai. bahari parikrama ka chauk nakkarakhane se pravesh karate hi ata hai. doosara dvar bhi vahin par hai. kale patthar ka ek-ek hathi donon dvaron ki or khade hue hain. hathi ke pas ek havanakund uttar ki taraf bana hai, jahan navaratri ke dinon men durga ka havan hota hai. ukt dvar ke donon or ke takhon men se ek men brahma ki tatha doosare men shiv ki moorti hai. sidhiyon ke dvara is mndir men jane ki vyavastha hai. sidhiyon ke oopar ke mndap men madhyam qad ke hathi par baithi huee marudevi ki moorti hai. shrimadbhagavadagita ka chabootara sidhiyon se age banyi taraf bana hai, jahan bhagavat ki katha chaumase men hoti hai. mndap men 9 stambhon ke hone ke karan yah nau-chauki ke roop men jana jata hai. yahan se tisare dvar men pravesh kiya jata hai.

shilalekh praman

mandir ke ukt dvar ke bahar uttar ke takh men shiv tatha dakshin ke takh men sarasvati ki moorti sthapit hai. vahan par khude abhilekh ise vikram snvat 1676 men bana batate hain. tisara dvar 'khela mndap' (antaral) men pahunchata hai, jisake age 'nijamndir' (garbhagrih) bana hai. isi men rishabhadev ki kale patthar ki bani pratima virajaman hai. garbhagrih ke oopar vishal shikhar bana hai, jahan dhvajadnd bhi laga hai. khela mndap, nau-chauki tatha marudevi vale mndap ki chhat gunbadakar bani hai. mndir ke uttari, dakshini tatha pashchimi parshv men dev-kulikaon ki pnktiyan hain, jinamen se pratyek ke madhy men mndap sahit ek-ek mndir bana hai. in tinon mndiron ko vahan ke pujari log 'neminath ka mndir' kahate hain. lekin shilalekhon se yah spasht hai ki inamen se ek rishabhadev ka hi mndir hai.

vibhinn moortiyan

rishabhadev ki pratima ke gird indr adi devata bane hain. inaki moorti ke charanon men, niche chhoti-chhoti nau moortiyan hain, jinhen 'navagrah' ya 'navanath' ke roop men jana jata hai. navagrahon ke niche solah svapn khude hain. isake niche hathi, sinh, devi adi ki mootiyan hain. sabase niche do bailon ke bich devi ki moorti bani hai. pashchim ki devakulikaon men se ek men thos patthar ke bane ek mndir-si rachana hai, jis par tirthnkaron ki bahut-si chhoti-chhoti mootiyan khudi hain. ise log giranaraji ke binb ke roop men janate hain. is prakar yahan kul milakar tirthnkaron ki 22 tatha devakulikaon ki 54 mootiyan virajaman hain. in kul 76 mootiyon men 62 men lekh upalabdh hai, jo batate hain ki, ye moortiyan vikram snvat 1611 se vikram snvat 1863 ke bich banaee gee hain. ye lekh jainon ke itihas ki janakari ki drishti se vishesh mahattv ke hain.

manyata

tirthnkar rishabhadev ki garbhavati mata ne jo svapn dekhe, ve jain dharm men bahut hi pavitr mane jate hain. dignbar solah svapn manate hain, vahin shvetanbaron men chaudah svapnon ki manyata hain. bharat par musalamanon ke adhikar ke bad musalaman log mndiron ko nasht kar dete the. atah aisi manyata hai ki us samay bane hue anek bade mndiro men jan-boojhakar islam dharm ka koee pavitr chinh bana diya jata tha, jisase musalaman akramanakari use tod nahin payen. pashan ka ek chhota-sa stambh nau-chauki ke mndap ke dakshini kinare par khada hai, jisake oopar-niche tatha charon or chhoti-chhoti10 takhen khudi hain. musalaman log is stambh ko masjid ka chinh manakar apani shraddha vyakt karate hain.

pramukh tathy

rishabhadev ke mndir men vishnu ke janmashtami, jalajhoolani adi utsav manaye jate hain. shrimadbhagavat ki katha chaumase men hoti hai. pahale to any vishnu-mndiron ke saman yahan bhog bhi lagata tha. 'rasoda' bhog taiyar hone ke sthan ko kahate the. maharana ke is mndir men pravesh se ek dilachasp bat judi hai. ve is mndir men dvitiy dvar se pravesh nahin karate the, balki bahari parikrama ke pichhale bhag men bane hue chhote dvar se pravesh karate the. doosare dvar ke oopar ki chhat men panch sharir aur ek siravali ek moorti khudi huee hai, jisako log 'chhatrabhng' kahate hain. isake niche se pravesh karana maharana ke lie uchit nahin mana jata tha.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. jain tirth rishabhadev ka mela (hindi) (ech.ti.em.el.) rajasthan ke vividh rng. abhigaman tithi: 7 julaee, 2011.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah