हल्दीघाटी  हिन्दी देवनागरी में पढ़ें।

haldighati
=maharana pratap ki pratima, haldighati, udayapur
vivaran 'haldighati' rajasthan ke prasiddh sthanon men se ek hai. yahin par badashah akabar ki mugal sena evn maharana pratap ki rajapoot sena men 18 joon, 1576 ko prasiddh 'haldighati ka yuddh' hua tha. yuddh men pratap ke asnkhy shooraviron ne viragati prapt ki aur sath hi rana ke ghade chetak ne bhi apane svami par pran nyauchhavar kar diye.
rajy rajasthan
prasiddhi 'haldighati ke yuddh' ke lie
snbndhit lekh rana pratap, jhala man
any janakari rana pratap ke vir saradaron men se ek 'mannaji' ne haldighati ke yuddh men viragati paee. mannaji ne pratap ko bachane ke lie unaka mukut svayn dharan kar liya aur ant tak yuddh karata raha.

haldighati bharatiy itihas men prasiddh rajasthan ka vah aitihasik sthan hai, jahan maharana pratap ne apani matribhoomi ki laj bachaye rakhane ke lie asnkhy yuddh lade aur shaury ka pradarshan kiya. haldighati rajasthan ke udayapur zile se 27 mil (lagabhag 43.2 ki.mi.) uttar-pashchim evn nathadvara se 7 mil (lagabhag 11.2 ki.mi.) pashchim men sthit hai. yahin samrat akabar ki mugal sena evn maharana pratap tatha unaki rajapoot sena men 18 joon, 1576 ko bhishan yuddh hua. is yuddh men pratap ke sath kee rajapoot yoddhaon sahit hakim khan soor bhi upasthit tha. is yuddh men rana pratap ka sath sthaniy bhilon ne diya, jo is yuddh ki mukhy bat thi. mugalon ki or se raja manasinh sena ka netritv kar rahe the.

itihas

udayapur se nathadvara jane vali sadak se kuchh door hatakar pahadi़yon ke bich sthit haldighati itihas prasiddh vah sthan hai, jahan 1576 ee. men maharana pratap aur mugal badashah akabar ki senaon ke bich ghor yuddh hua tha. is sthan ko 'gognda' bhi kaha jata hai. akabar ke samay ke rajapoot nareshon men mevad ke maharana pratap hi aise the, jinhen mugal badashah ki maitripoorn dasata pasand n thi. isi bat par unaki amer ke manasinh se bhi anaban ho gee thi, jisake phalasvaroop manasinh ke bhadakane se akabar ne svayn manasinh aur salim (jahangir) ki adhyakshata men mevad par akraman karane ke lie bhari sena bheji.

haldighati ki ladaee 18 joon, 1576 ee. ko huee thi. isamen rana pratap ne apratim virata dikhaee. unaka param bhakt saradar jhala man isi yuddh men viragati ko prapt hua tha. svayn pratap ke durgharsh bhale se gajasin salim bal-bal bach gaya. kintu pratap ki chhoti sena mugalon ki vishal sena ke samane adhik saphal nahin ho saki aur pratap apane ghayal, kintu bahadur ghode par yuddh-kshetr se bahar a gaye, jahan chetak ne pran chhod diye. is sthan par is svamibhakt ghode ki samadhi aj bhi dekhi ja sakati hai. is yuddh men pratap ki 22 sahastr sena men se 14 sahastr kam aee thi. isamen se 500 vir sainik rana pratap ke sambndhi the. mugal sena ki bhari kshati huee tatha usake bhi lagabhag 500 saradar mare gaye the. salim ke sath jo sena ayi thi, usake alava ek sena vakt par sahayata ke liye surakshit rakhi gee thi. aur is sena dvara mukhy sena ki hanipoorti barabar hoti rahi. isi karan mugalon ke hatahaton ki thik-thik snkhya itihasakaron ne nahin likhi hai. is yuddh ke pashchath rana pratap ko badi kathinaee ka samay vyatit karana pada tha. kintu unhonne kabhi sahas nahin chhoda aur apane rajy ka adhikansh mugalon se vapas chhin liya tha.[1]

balidan bhoomi

haldighati rajapootane ki vah pavan balidan bhoomi hai, jisake shaury evn tez ki bhavy gatha se itihas ke prishth rnge hain. bhilon ka apane desh aur naresh ke liye vah amar balidan, rajapoot viron ki vah tejasvita aur maharana ka vah lokottar parakram itihas men prasiddh hai. yah sabhi tathy virakavy ke param upajivy hai. mevad ke ushn rakt ne shravan snvat 1633 vi. men haldighati ka kan-kan lal kar diya. apar shatru sena ke sammukh thode-se rajapoot aur bhil sainik kab tak tikate? maharana ko pichhe hatana pada aur unaka priy ashv chetak, usane unhen nirapad pahunchane men itana shram kiya ki ant men vah sada ke liye apane svami ke charanon men gir pada.

yuddh ki taiyari

haldighati sngrahalay, udayapur

dilli ka uttaradhikari shahazada salim (bad men badashah jahangir) mugal sena ke sath yuddh ke lie chadh aya. usake sath raja manasinh aur sagaraji ka jatibhrasht putr mohabat khan bhi tha. pratap ne apane parvaton aur baees hazar rajapooton men vishvas rakhate hue akabar ke putr ka samana kiya. aravali ke pashchim chhor tak shahi sena ko kisi prakar ke virodh ka samana nahin karana pada, parantu isake age ka marg pratap ke niyantran men tha. pratap apani nee rajadhani ke pashchim ki or pahadiyon men a date. is ilaqe ki lambaee lagabhag 80 mil (lagabhag 128 ki.mi.) thi aur itani hi chaudaee thi. sara ilaqa parvaton aur vanon se ghira hua tha. bich-bich men kee chhoti-chhoti nadiyan bahati thin. rajadhani ki taraf jane vale marg itane tng aur durgam the ki badi kathinaee se do gadiyan a-ja sakati thin. is sthan ka nam haldighati hai, isake dvar par khade parvat ko langhakar usamen pravesh karana snkat ko mol lene ke saman tha. pratap ke sath vishvasi bhil log bhi dhanush aur ban lekar dat ge. bhilon ke pas bade-bade pattharon ke dher pade the, jaise hi shatru samane se ayega vaise hi pattharon ko ludhakakar unake sir ko todane ki yojana banaee gee thi.

haldighati ka yuddh

man sinh par hamala karate hue maharana pratap aur chetak

maharana udayasinh 1541 ee. men rana bane the aur rana banane ke kuchh hi samay bad akabar ki mugal sena ne mevad par akraman kar chittaud ko gher liya. kintu rana udayasinh ne akabar ki adhinata svikar nahin ki aur prachin adhatapur ke pas udayapur namak apani rajadhani basakar vahan chale gaye. unake bad maharana pratap ne bhi yuddh jari rakha aur adhinata svikar nahin ki. 'haldighati ka yuddh' 'bharatiy itihas' men prasiddh hai. rajapoot aur mugal sainikon ke madhy 'haldighati ka yuddh' joon, 1576 ee. men lada gaya. badashah akabar ne mevad ko poornaroop se jitane ke lie raja manasinh evn asaf khan ke netritv men mugal sena ko akraman ke lie bheja. donon senaon ke madhy 'gogunda' ke nikat aravali pahadi ki haldighati shakha ke madhy yuddh hua.

donon or ki senaon ka samana hote hi bhishan roop se yuddh shuroo ho gaya aur donon taraf ke shooravir yoddha ghayal hokar zamin par girane lage. pratap apane ghode chetak par savar hokar drutagati se shatru ki sena ke bhitar pahunch gaye aur rajapooton ke shatru manasinh ko khojane lage. vah to nahin mila, parantu pratap us jagah par pahunch gaye, jahan par salim apane hathi par baitha hua tha. pratap ki talavar se salim ke kee angarakshak mare ge aur yadi pratap ke bhale aur salim ke bich men lohe ki moti chadar vala hauda nahin hota to akabar apane uttaradhikari se hath dho baithata. rana pratap ke ghode chetak ne apane svami ki ichchha ko bhanpakar poora prayas kiya aur tamam aitihasik chitron men salim ke hathi ke soond par chetak ka ek utha hua pair aur pratap ke bhale dvara mahavat ka chhati ka chhalani hona ankit kiya gaya hai.[2]

mannaji ka balidan

mahavat ke mare jane par ghayal hathi salim sahit yuddh bhoomi se bhagane laga tha, lekin salim ne use niyntrit kar liya. yuddh us samay aur bhi bhayanak ho utha, jab shahazada salim par rana pratap ke akraman ko dekhakar asnkhy mugal sainik usi taraf badhe aur pratap ko gherakar charon taraf se un par prahar karane lage. rana pratap ke sir par mevad ka rajamukut laga hua tha.
yuddhabhoomi par maharana pratap ke chetak (ghode) ki maut
isalie mugal sainik usi ko nishana banakar var kar rahe the. rajapoot sainik bhi rana ko bachane ke lie pran hatheli par rakhakar sngharsh kar rahe the. parantu dhire-dhire pratap snkat men phnsata ja raha tha. sthiti ki gambhirata ko parakhakar jhala saradar 'mannaji' (ya 'jhala man') ne svamibhakti ka ek apoorv adarsh prastut karate hue apane pranon ka balidan kar diya. jhala saradar mannaji tezi ke age badha aur pratap ke sir se mukut utar kar apane sir par rakh liya aur tezi ke sath kuchh doori par jakar ghamasan yuddh karane laga. mugal sainik use hi pratap samajhakar us par toot pade aur pratap ko yuddh bhoomi se door nikal jane ka avasar mil gaya. usaka sara sharir aganit ghavon se lahooluhan ho chuka tha. yuddhabhoomi se jate-jate pratap ne mannaji ko marate dekha. rajapooton ne bahaduri ke sath mugalon ka muqabala kiya, parantu maidani topon tatha bandookadhariyon se susajjit shatru ki vishal sena ke samane samoocha parakram nishphal raha. yuddhabhoomi par upasthit baees hazar rajapoot sainikon men se keval ath hazar jivit sainik yuddhabhoomi se kisi prakar bachakar nikal paye.

yuddh ki samapti

'haldighati ka yuddh' yuddh rana pratap ke paksh men nirnayak n ho saka. khula yuddh samapt ho gaya tha, kintu sngharsh samapt nahin hua tha. bhavishy men sngharsho ko anjam dene ke lie rana pratap evn unaki sena yuddh sthal se hatakar pahadi pradesh men a gayi thi. bad ke kuchh varshon men jab akabar ka dhyan doosare kamon men laga gaya, tab pratap ne apane sthanon par phir adhikar kar liya tha. sanh 1597 men chavnd men unaki mrityu ho gee thi. akabar ki adhinata svikar n kie jane ke karan pratap ke sahas evn shaury ki gathaen tab tak gunjit rahengi, jab tak yuddhon ka varnan kiya jata rahega. yuddh ke dauran pratap ka svamibhakt ghoda chetak ghayal ho gaya tha, phir bhi vah buri tarah ghayal ho chuke apane svami ko yuddh sthal se door nikal le jane men saphal raha. usane apane svami ki shatruon ke hath men pad jane se raksha ki aur ant men viragati ko prapt hua. yuddh sthali ke samip hi chetak ki smriti men smarak bana hua hai. ab yahan par ek sngrahalay hai. is sngrahalay men halh‍dighati ke yuddh ke maidan ka ek maaudal rakha gaya hai. isake alava yahan maharana pratap se snbndhit vash‍tuon ko bhi sahej kar rakha gaya hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. aitihasik sthanavali |lekhak: vijayendr kumar mathur |prakashak: rajasthan hindi grnth akadami, jayapur |snkalan: bharatakosh pustakalay |prishth snkhya: 1013 |
  2. da. gopinath sharma is kathan ko sahi nahin manate. pratap ne salim ke hathi par nahin apitu manasinh ke hathi par akraman kiya tha. salim to yuddh sthal par upasthit hi nahin tha.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah