खानवा का युद्ध  हिन्दी देवनागरी में पढ़ें।

khanava ka yuddh 'bharatiy itihas' men kafi mahattvapoorn hai. yah yuddh 17 march, 1527 ee. men rajapoot naresh rana sanga aur mugal badashah babar ke madhy lada gaya tha. is yuddh men sanga ki har huee aur sampoorn bharat men hindoo rajy ki sthapana karane ka usaka sapana toot gaya. is yuddh ke karanon ke vishay men itihasakaron ke anek mat hain. rajasthan ke aitihasik kavy 'vir vinod' men sanga aur babar ke is yuddh ka vistarapoorvak varnan kiya gaya hai. 'khanava ki ladaee' se dilli-agara men babar ki sthiti sudridh ho gee thi. agara ke poorv men gvaliyar aur dhaulapur jaise qilon ki shrinkhala jit kar babar ne apani sthiti aur bhi mazaboot kar li thi.

rana sanga ki soch

'khanava' namak sthan rajasthan men bharatapur ke nikat ek gram hai, jo phatehapur sikari se 10 mil (lagabhag 16 ki.mi.) uttar-pashchim men sthit hai. uttari bharat men dilli ke sultan ke bad sabase adhik shaktishali shasak chittaud ka rajapoot naresh rana sanga (sngram sinh) tha. usane do muslimon- ibrahim lodi aur babar ke yuddh men tatasthata ki niti apanayi. sanga ka vichar tha ki babar loot-mar karake vapas chala jayega, tab lodi shasan ko hata dilli men hindoo rajy ka use suyog prapt ho jayega. kintu jab sanga ne dekha ki babar ab bharat men mugal samrajy ki sthapana ka ayojan kar raha hai, tab vah usase yuddh karane ke lie taiyar hua. rana sanga vir aur kushal senani tha. vah anek yuddh kar chuka tha. adhikansh yuddhon men use vijay prapt huee thi. udhar babar ne bhi samajh liya tha ki rana sanga ke rahate hue bharat men mugal rajy ki sthapana karana sambhav nahin hain. at: usane bhi apani sena ke sath rana se yuddh karane ka nishchay kiya.

yuddh ke sambhavit karan

17 march, 1527 ee. men 'khanava ka yuddh' babar aur rana sanga ke bich lada gaya. is yuddh ke karanon ke vishay men itihasakaron ke anek mat hain-

  1. choonki panipat ke yuddh ke poorv babar evn rana sanga men hue samajhaute ke tahat ibrahim lodi ke khilaf sanga ko babar ke sainy abhiyan men sahayata karani thi, jisase rana sanga bad men mukar gaya tha.
  2. rana sanga babar ko dilli ka badashah nahin manata tha.

sanga ke sahayogi

uparyukt donon karanon se alag kuchh itihasakaron ka manana hai ki yah yuddh babar evn rana sanga ki mahatvakankshi yojanaon ka parinam tha. babar sampoorn bharat ko raundana chahata tha tatha rana sanga turk-afagan rajy ke khandaharon ke avashesh par ek hindoo rajy ki sthapana karana chahata tha| parinamasvaroop donon senaon ke madhy 17 march, 1527 ee. ko yuddh arambh hua. is yuddh men rana sanga ka sath maravad, ambar, gvaliyar, ajamer, hasan khan mevati, basin chnderi evn ibrahim lodi ka bhaee mahamood lodi de rahe the.

babar dvara sainikon ka utsahavardhan

is yuddh se pahale rana sanga ke snyukt morche ki khabar se babar ke sainikon ka manobal girane laga. tab babar ne apane sainikon ke utsah ko badhane ke lie sharab pine aur bechane par pratibandh ki ghoshana kar sharab ke sabhi patron ko tudava kar sharab n pine ki kasam li. usane muslimon se "tamaga kar" n lene ki ghoshana ki. tamaga ek prakar ka vyaparik kar tha, jise rajy dvara lagaya jata tha. is tarah 'khanava ke yuddh' men bhi panipat yuddh ki rananiti ka upayog karate hue babar ne rana sanga ke viruddh ek saphal yuddh ki rananiti tay ki.

mugalon ki vijay

rajasthan ke aitihasik kavy 'vir vinod' men rana sanga aur babar ke is yuddh ka vistarapoorvak varnan kiya gaya hai ki babar 20,0000 mugal sainikon ko lekar sanga se yuddh karane aya tha. usane sanga ki sena ke lodi senapati ko pralobhan diya, jisase vah sanga ko dhokha dekar sena sahit babar se ja mila. babar aur sanga ki pahali muthabhed bayana men aur doosari usake pas khanava namak sthan par huee. rajapooton ne viratapoorvak yuddh kiya. lekin ant men sanga ki har huee aur babar ki vijay. is vijay ka sabase bada karan babar ke sainikon ki virata nahin, balki unaka adhunik topakhana tha.

babar ka kathan

rajapooton se yuddh karate hue turkon ke pair ukhad gaye, jisase rajapooton ki vijay aur turkon ki parajay dikhaee dene lagi thi, kintu jab babar ke topakhane ne ag barasayi, tab sanga ki jiti bazi har men badal gee. phir bhi sanga aur usake vir marate dam tak ladate rahe. babar ne rajapooton ke bare men likha hai−

ve marana−marana to janate hai, kintu yuddh karana nahin janate.

rana sanga ki mrityu

'khanava ke yuddh' men rana sanga buri tarah ghayal hua, lekin kisi tarah apane sahayogiyon dvara bacha liya gaya. kalantar men apane kisi samant dvara hi zahar diye jane ke karan rana sanga ki mrityu ho gee. 'khanava ke yuddh' ko jitane ke bad babar ne "gazi" ki upadhi dharan ki. 'khanava ki ladaee' se dilli-agara men babar ki sthiti sudridh ho gee. agara ke poorv men gvaliyar aur dhaulapur jaise qilon ki shrinkhala jit kar babar ne apani sthiti aur bhi mazaboot kar li. usane hasan khan mevati se alavar ka bahut bada bhag bhi chhin liya. phir usane malava sthit chanderi ke medini ray ke viruddh abhiyan chheda. rajapoot sainikon dvara rakt ki antim boond tak ladakar jauhar karane ke bad chanderi par babar ka rajy ho gaya. babar ko is kshetr men apane abhiyan ko simit karana pada, kyonki use poorvi uttar pradesh men afaganon ki halachal ki khabar mili.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah