मुहम्मद बिन क़ासिम  हिन्दी देवनागरी में पढ़ें।

muhammad bin qasim ek navayuvak arab senapati tha. use eerak ke prantapati al hajjaj ne, jo muhammad bin qasim ka chacha aur shvasur bhi tha, sindh ke shasak dahir ko dand dene ke lie bheja tha. qasim ko sindh bhejane ka karan yah tha ki samudri lutere al hajjaj ke jahazon ko jis kshetr men loot rahe the, vah kshetr dahir ke rajy men ata tha. dahir ne is bat se saf inkar kiya ki luteron se usake rajy ka koee sambandh nahin hai.

qasim ka bharat agaman

al hajjaj ne dahir se apane loote gaye jahajon ke badale jurmane ki mang ki thi. kintu dahir ne asamarthata jatate hue kaha ki usaka un luteron par koee niyntran nahin hai. dahir ke is javab se kruddh hokar khalifa al hajjaj ne sindh par akraman karane ka nishchay kiya. lagabhag 712 men al hajjaj ke bhatije evn damad muhammad bin qasim ne 17 varsh ki ayu men sindh ke abhiyan ka saphal netritv kiya.

muhammad bin qasim ke akraman (711-715 ee.)

muhammad bin qasim ne lagatar kee akraman kie, aur apane in akramanon men use vijay prapt hoti chali geen. usane apane netritv men jitane bhi abhiyan chalaye, un sabhi men lagabhag use vijay prapt huee. qasim ke dvara kiye ge akramanon men usaki nimn vijay ullekhaniy hain-

deval vijay

ek badi sena lekar muhammad bin qasim ne 711 ee. men deval par akraman kar diya. dahir ne apani adooradarshita ka parichay dete hue deval ki raksha nahin ki aur pashchimi kinaron ko chhodakar poorvi kinaron se bachav ki ladaee prarambh kar di. dahir ke bhatije ne rajapooton se milakar qile ki raksha karane ka prayas kiya, kintu asaphal raha.

neoon vijay

neoon pakistan men vartaman haidarabad ke dakshin men sthit charak ke samip tha. deval ke bad muhammad qasim neoon ki or badha. dahir ne neoon ki raksha ka dayitv ek purohit ko saunp kar apane bete jayasinh ko brahmanabad bula liya. neoon men bauddhon ki snkhya adhik thi. unhonne muhammad bin qasim ka svagat kiya. is prakar bina yuddh kie hi mir qasim ka neoon durg par adhikar ho gaya.

sehavan vijay

neoon ke bad muhammad bina qasim sehavan (sivistan) ki or badha. is samay vahan ka shasak 'majhara' tha. isane bina yuddh kie hi nagar chhod diya aur bina kisi kathinaee ke sehavan par muhammad bin qasim ka adhikar ho gaya.

sisam ke jaton par vijay

sehavan ke bad muhammad bin qasim ne sisam ke jaton par apana agala akraman kiya. 'bajhara' yahin par mar dala gaya. jaton ne muhammad bin qasim ki adhinata svikar kar li.

raor vijay

sisam vijay ke bad qasim raor ki or badha. dahir aur muhammad bin qasim ki senaon ke bich ghamasan yuddh hua. isi yuddh men dahir mara gaya. dahir ke bete jayasinh ne raor durg ki raksha ka dayitv apani vidhava man par chhodakar brahmanavad chala gaya. durg ki raksha karane men apane ap ko asaphal pakar dahir ki vidhava patni ne atmadah kar liya. isake bad qasim ka raor par niyntran sthapit ho gaya.

brahmanavad par adhikar

brahmanavad ki suraksha ka dayitv dahir ke putr jayasinh ke oopar tha. usane qasim ke akraman ka bahaduri ke sath samana kiya, kintu nagar ke logon ke vishvasaghat ke karan vah parajit ho gaya. brahmanavad par qasim ka adhikar ho gaya. qasim ne yahan ka kosh tatha dahir ki doosari vidhava rani 'ladi' ke sath usaki do putriyon 'sooryadevi' tatha 'paramal devi' ko apani qabze men kar liya.

alor vijay

brahmanavad par adhikar ke bad qasim alor pahuncha. prarambh men alor ke nivasiyon ne qasim ka samana kiya, kintu ant men vivash hokar atmasamarpan kar diya.

multan vijay

alor par vijay prapt karane ke bad qasim multan pahuncha. yahan par antarik kalah ke karan vishvasaghatiyon ne qasim ki sahayata ki. unhonne nagar ke jalasrot ki janakari arabon ko de di, jahan se durg nivasiyon ko jal ki apoorti ki jati thi. isase durg ke sainikon ne atmasamarpan kar diya. qasim ka nagar par adhikar ho gaya. is nagar se mir qasim ko itana dhan mila ki, usane ise 'svarnanagar' nam diya.

qasim ki hatya

muhammad bin qasim ne sindhu ghati ke sampoorn nichale kanthen men arab shasan sthapit kar diya. shasak ke roop men bhi usane yathesht kushalata ka parichay diya aur samast nav vijit pradeshon men ek aisi shasan vyavastha sthapit ki, jisase rajy men shanti rahe. kintu khalifa suleman ne asntusht hokar use shasak pad se hata diya aur virodhiyon ke hathon usaka vadh kara diya.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah