मीर क़ासिम  हिन्दी देवनागरी में पढ़ें।

mir qasim
mir qasim
poora nam mir muhammad qasim ali khan
mrityu tithi 8 mee, 1777
mrityu sthan dilli
pita/mata mir raza khan
upadhi navab nazim (bngal, bihar, udisa)
shasan 1760 ee. se 1764 ee.
dharmik manyata islam
yuddh baksar ki ladaee
snbndhit lekh mir zafar, eest indiya kampani
vishesh kalakatta (vartaman kolakata) ke anuchit hastakshep se apane rajy ko door rakhane ke lie mir qasim rajadhani murshidabad se uthakar munger le gaya.
any janakari mir qasim, mir zafar se adhik yogy tatha dridh vyakti tha. usane malaguzari ki vasooli ke niyam adhik kathor bana die the aur rajy ki ay lagabhag dooni kar di. usane fauj ka bhi behatar sngathan kiya tha.

mir qasim 1760 ee. se 1764 ee. tak bngal ka navab raha tha. usaka poora nam 'mir muhammad qasim ali khan' tha. mir qasim ko british eest indiya kampani ki sahayata se navab banaya gaya tha. angrezon ne 1760 ee. men usake sasur mir zafar ko gaddi se utar diya aur use bngal ka soobedar bana diya. mir qasim ne navabi pane ke lie kampani ko bardavan, midanapur tatha chataganv ke tin zile saunp diye, kalakatta kaunsil ko 20 lakh rupaya naqad diya aur mir zafar ka sara qarja bebaq (rinamukt) kar dene ka vayada kiya.

yogy vyakti

mir qasim ke pita ka nam 'mir raza khan' tha. mir zafar se adhik yogy tatha adhik dridh vyakti tha. usane malaguzari ki vasooli ke niyam adhik kathor bana die aur rajy ki ay lagabhag dooni kar di. usane fauj ka bhi sngathan kiya aur kalakatta (vartaman kolakata) ke anuchit hastakshep se apane ko door rakhane ke lie rajadhani murshidabad se uthakar munger le gaya.

vyaparik nirnay

kampani ke adhikari mir zafar (1757-60 ee.) ke samay se bina chungi diye avaidh vyapar ke dvara bahut hi avaidh fayada utha rahe the. mir zafar ne is avaidh vyapar ko band karane ka nishchiy kiya. usane kalakatta kaunsil ke tatkalin adhyaksh vainsitart se samajhauta kiya ki phirngi vyapariyon ke niji mal par navab ko doosaron se li jane vali 40 pratishat chungi ke sthan par 9 pratishat chungi lene ka adhikar hoga. parantu kalakatta kaunsil ne is samajhaute ko radd kar diya aur sirf namak par 2 pratishat chungi ke lie razi huee. kalakatta kaunsil ke is anauchityapoorn nirnay par navab mir qasim itana kruddh hua ki usane bharatiy aur phirngi sabhi vyapariyon ko bina chungi diye vyapar karane ki anumati de di.

angrezon se parajay

is tarah se yah spasht ho gaya ki eest indiya kampani ke karmachariyon ke dvara apane avaidh vyapar ko jari rakhane ke agrah aur navab mir qasim dvara apane ko khudamukhtar (svechchhachari, nirnkush, manamani karane vala shasak, svatntr, svadhin, azad) banane ke dridh nishchay ke bich koee samajhauta nahin ho sakata tha, phalat: navab tatha kampani ke bich yuddh anivary ho gaya. yuddh ki disha men pahala qadam patana men kampani ke mukhyadhikari mi. elis ne uthaya. usane patana par dakhal kar lene ki koshish ki, jo viphal kar di gee aur yuddh chhid gaya. kintu mir qasim men koee bhi sainik pratibha nahin thi. usake pas koee bhi yogy sipahasalar nahin tha. aisi paristhitiyon men vah katava, dheriya tatha udhuvanala ki ladaeeyon men kampani ki faujon se har gaya.

mrityu

angrezi fauj jab usaki rajadhani munger ke nikat pahunchi to vah patana bhag gaya. vahan usane samast angrez bandiyon ko mar dala tatha jagat seth jaise usake jo bhi poorv virodhi hath pade, unhen bhi maut ke ghat utar diya. isake bad vah avadh bhag gaya aur vahan usane navab shujauddaula tatha bhagode badashah shahalam dvitiy se kampani ke viruddh gathabandhan kar liya. parantu angrezon ne 22 aktoobar, 1764 ko baksar ki ladaee men tinon ko hara diya. shujauddaula jan bachakar roohelakhand bhag gaya. badashah shahalam dvitiy angrezon ki sharan men a gaya aur mir qasim dar-dar ki khaq chhanata hua kee sal bad bhari mufalisi[1] men 8 mee, 1777 ee. ko dilli men mar gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bhattachary, sachchidanand bharatiy itihas kosh, dvitiy snskaran-1989 (hindi), bharat diskavari pustakalay: uttar pradesh hindi snsthan, 365.

  1. daridrata, nirdhanata, kngali, garibi

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah