स्थाई बन्दोबस्त  हिन्दी देवनागरी में पढ़ें।

sthaee bandobast ya zamindari pratha, is vyavastha ko jagiradari, malaguzari v bisavedari ke nam se bhi jana jata tha. is vyavastha ke lagoo kie jane se poorv british sarakar ke samaksh yah samasya thi ki bharat men krishi yogy bhoomi ka malik kise mana jae, sarakar rajasv chukane ke lie antim roop se kise uttaradayi banaye tatha upaj men se sarakar ka hissa kitana ho.

hestings ke vichar

varen hestings ne apane vichar vyakt karate hue kaha tha ki kisanon se lagan vasool karane ke badale men zamindaron ke pas kuchh kamishan prapt karane ka adhikar ho. parantu hestings ki yah paddhati asaphal rahi. 1772 ee. men varen hestings ne pnchavarshiy bandobast chalaya. 1776 ee. men is vyavastha ko bhi samapt kar diya gaya. 1786 ee. men laaurd karnavalis bngal ka gavarnar-janaral bana. usane jems grant evn sar jaaun shor se navin lagan vyavastha par vichar-vimarsh kiya. 1790 ee. men laaurd karnavalis ne dasavarshiy vyavastha ko lagoo kiya. 1793 ee. men is vyavastha ko bngal, bihar evn udisa men sthayi kar diya gaya aur kalantar men ise uttar pradesh ke banaras khand evn uttari karnatak men bhi lagoo kiya gaya.

bandobast vyavastha

sthaee bandobast vyavastha tatkalin british bharat ki lagabhag 19% bhoomi par lagoo ki gee. sarvapratham yah vyavastha bngal men lagoo ki gee. vyavastha ke antargat zamindaron se malaguzari ke roop men ek nishchit ay hamesha ke lie nishchit kar li jati thi. zamindar kisan se vasoole ge lagan ka 10/11 bhag sarakari kosh men jama karata tha tatha shesh 1/11 bhag apane kharch, parishram v dayitv ke lie apane pas rakh leta tha. zamindaron dvara nishchit samay men sarakari khazane men lagan n jama karane par bhoomi ko nilam kar diya jata tha. daiviy prakop ke samay lagan ki dar men koee riyayat nahin di jati thi. lagan ki dar badhane ka adhikar sarakar ke pas nahin tha, lekin zamindar isamen vriddhi kar sakata tha. zamindar bhoomi ko bech sakata tha aur rehan v dan men de sakata tha.

vyavastha lagoo karane ke karan

kampani sarakar dvara is vyavastha ko lagoo karane ke pichhe anek karan the, jo nimnalikhit hain-

  1. sarakar ek nishchit tatha sthayi ay prapt karana chahati thi.
  2. vah lagan vasooli par samay tatha paisa kharch karana nahin chahati thi.
  3. kampani is vyavastha ke dvara sashakt zamindaron ko apana samarthak banana chahati thi.
  4. is vyavastha se yah apeksha ki gee ki isase krishi vikas ke kshetr men krantikari parivartan hoga.
  5. isake sath hi kampani ke pas yogy karmachariyon evn bhoomi ke sandarbh men gyan ka abhav tha, isalie bhi aisi vyavastha ko lagoo karana anivary ho gaya tha.

labh

is vyavastha se kampani ko anek labh prapt hue. jaise-

  1. isase kampani ke tatha logon ke arthik hiton ki adhik raksha huee.
  1. isase rajy ko ek nirdharit ay nishchit samay par prapt ho jati thi, chahe paidavar ho ya n ho.
  2. yadi koee zamindar lagan ada karane men asamarth raha to usaki bhoomi ke ek tukade ko bechakar sarakar lagan ke barabar ay prapt kar leti thi.
  3. zamindar krishi unnati ki or adhik dhyan dene laga tha, kyonki use sarakar ko ek nishchit hissa dena padata tha tatha shesh adhishesh par usaka vyaktigat adhikar hota tha.
  4. yah is vyavastha ka hi parinam tha ki, kampani sarakar ko 1857 ee. ke vidroh men zamindar varg ka poora sahayog prapt hua.
  5. kampani ka vah dhan ab kharch hone se bach raha tha, jise vah lagan vasooli ke samay apane karmachariyon par kharch karati thi.

vyavastha ke dosh

is vyavastha ke anek dosh bhi the-is vyavastha ki alochana men homs ne kaha ki, “sthayi vyavastha ek bhayanak bhool thi, yahan ke krishakon ne isase kuchh bhi labh nahin uthaya, zamindar apane lagan ko tay samay men jama karane men asamarth rahe aur sath hi unaki bhoomi ko sarakar ke labh ke lie bech diya gaya”. is vyavastha ke lagoo hone par sarakar ka kisan se koee sidha sampark nahin rah gaya. parinamat: sarakar kisanon ki vastavik sthiti se parichit n hone ke karan unake prati udasin rahane lagi. badh evn akal ke samay sarakar malaguzari ki vasooli men koee bhi chhoot nahin deti thi. zamindar log kisanon ka arthik shoshan karate the. krishakon dvara lagan n dene par unhen bhoomi se bedakhal kar diya jata tha, jisake antargat yah vyavastha thi ki nishchit din ko soory chhipane se pahale lagan ko avashy hi jama kara diya jae, aisa n karane par zamindar ko jagir ke adhikar se mukt kar diya jata tha tatha usaki poori athava kuchh jagir jabt karake sarvajanik nilami dvara use nilam kar diya jata tha.

parinam

is prakar se laaurd karnavalis ki sthayi bandobast men vyapt khamiyon ke adhar par ham yah kah sakate hain ki isase kampani ki ay men kami, bhoomi ki urvara shakti ka nasht hona evn zamindaron ke adhik shaktishali hone men sahayog mila.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bhattachary, sachchidanand bharatiy itihas kosh, dvitiy snskaran-1989 (hindi), bharat diskavari pustakalay: uttar pradesh hindi snsthan, 242.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah