वायकोम सत्याग्रह  हिन्दी देवनागरी में पढ़ें।

vayakom satyagrah (1924-1925 ee.) ek prakar ka gandhivadi andolan tha. is andolan ka netritv ti. ke. madhavan, ke. kelappan tatha ke. pi. keshavamenan ne kiya. yah andolan travanakor ke ek mandir ke pas vali sadak ke upayog se sambandhit tha.

uddeshy

'vayakom satyagrah' ka uddeshy nimn jatiy ejhavaon evn achhooton dvara gandhi ji ke ahinsavadi tarike se travanakor ke ek mndir ke nikat ki sadakon ke upayog ke bare men apane-apane adhikaron ko manavana tha.

andolan ki shuruat

keral men chhooachhoot ki jaden kafi gahari jamin huee thin. yahan savarnon se avarnon ko, jinamen ‘ejhava’ aur ‘pulaiya’ achhoot jatiyan shamil thin, 16 se 32 phit ki doori banaye rakhani hoti thi.19vin sadi ke ant tak keral men narayan guru, en. kumaran, ti. ke. madhavan jaise buddhijiviyon ne chhuachhoot ke khilaf avaz uthaee. sarvapratham hindoo mndiron men pravesh tatha sarvajanik sadakon par harijanon ke chalane ko lekar travanakor ke gram ‘vayakom’ men andolan shuroo hua.

samarthan

andolan ka netritv ejhavaon ke kangresi neta ti. ke. madhavan, ke. kelappan tatha ke. pi. keshavamenan ne kiya. gram men sthit ek mndir men 30 march, 1924 ko keral kangresiyon ke ek dal ne, jisamen savarn aur avarn donon sammilit the, mndir men pravesh kiya. mndir men pravesh ki khabar phailate hi savarnon ke sngathan ‘nayar sarvis sosaiti’, ‘nayar samajam’ v ‘keral hindoo sabha’ ne andolan ka samarthan kiya. namboodariyon (uchch brahman) ke sngathan ‘yogakshem’ ne bhi is andolan ko samarthan pradan kiya.

satyagrahiyon ki giraftari

30 march, 1924 ko ke.pi. keshavamenan ke netritv men satyagrahiyon ne mndir ke pujariyon tatha travanakor ki sarakar dvara mndir men pravesh ko rokane ke lie lagaee gee bad ko par kar mndir ki or kooch kiya. sabhi satyagrahiyon ko giraftar kiya gaya. is satyagrah ke samarthan men poore desh se svayn sevak vayakom pahunchane lage. pnjab se ek akali jattha tatha ee. vi. ramasvami nayakar, jinhen ‘periyar’ ke nam se jana jata tha, ne madurai se aye ek dal ka netritv kiya.

gandhiji tatha maharani men samajhauta

san 1924 men travanakor ke maharaja ki mrityu ke bad maharani ne sabhi satyagrahiyon ko mukt kar diya, kintu unhonne mndir ki sadak sabake lie kholane ki mang namnjoor kar di. march, 1925 ee. men jab mahatma gandhi keral pahunche to unamen aur maharani men ek samajhauta hua, jisake anusar avarnon ko mndir ke bahar sadak par pravesh ki anumati mili, lekin mndir men pravesh ab bhi varjit hi tha. bad men andolan kamazor pad gaya, kyonki angrez sarakar ne achhooton ke lie alag sadak ka nirman kara diya. 'vayakom satyagrah' mandir pravesh ka pratham andolan tha.


inhen bhi dekhen: satyagrah, guruvayoor satyagrah, ke. kelappan evn mahatma gandhi


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah