होमरूल लीग आन्दोलन  हिन्दी देवनागरी में पढ़ें।

homarool lig andolan ka uddeshy british samrajy ke adhin rahate hue snvaidhanik tariqe se svashasan ko prapt karana tha. is lig ke pramukh neta bal gngadhar tilak evn shrimati eni besent thin. svarajy ki prapti ke lie tilak ne 28 aprail, 1916 ee. ko belaganv men 'homarool lig' ki sthapana ki thi. inake dvara sthapit lig ka prabhav karnatak, maharashtr (bambee ko chhodakar), madhy prant evn barar tak phaila hua tha.

svaraj hamara janmasiddh adhikar hai aur main ise lekar rahoonga - bal gngadhar tilak

shakhaen tatha prachar

homarool lig ki chh: shakhaen banayin gayin. madhy maharashtr, bambee, karnatak aur madhy prant men ek-ek tatha barar men do. bal gngadhar tilak ne chh: marathi aur do angrezi parache nikalakar unhonne apane prachar kary ko tej kar diya. tilak ne janata ko homarool ki avashyakata ko samajhate hue kaha, "bharat us bete ki tarah hai, jo ab javan ho chuka hai. samay ka takaja hai ki bap ya palak is bete ko usaka vajib hak de de." tilak ne mee, 1917 ee. men nasik men lig ki pahali varshaganth manaee.

eni besent ka yogadan

bharat akar eni besent ne saptahik patr 'kamanavil' ka 2 janavari, 1914 ee. se evn dainik patr 'nyoo indiya' ka 14 julaee, 1914 ee. se prakashan prarambh kiya. in patron ke dvara eni besent ne bharatiyon men svatantrata evn ratanitik bhavana ko jagrit kiya. unhonne bharat men ayaralaind ki tarah sitambar, 1916 ee. men madras (adayar) men 'homarool lig' ki sthapana ki tatha jaaurj arundel ko lig ka sachiv niyukt kiya. eni besent ke sahayogiyon men bi.pi. vadiya tatha si.pi. ramasvami ayyar shamil the. javahar lal neharoo, vi. chakravarti, je. banarji jaise netaon ne bhi lig ki sadasyata grahan ki. gopal krishn gokhale dvara sthapit snstha 'sarvent aauf indiya sosayati' ke sadasyon ko lig men pravesh ki anumati nahin thi. tilak ke homarool lig ke prabhav kshetr se bahar ke sabhi hisson men lig ke prabhav ko phailane ki zimmedari eni besent par thi. homarool lig ke sarvadhik karyalay madras men the. tilak ne apane patr 'maratha' evn 'kesari' tatha eni besent ne patr 'kaaumanavil' evn 'nyoo indiya' ke madhyam se 'grih shasan' ya 'homarool' ka zabaradast prachar kiya.

lig ka prabhav

kalantar men homarool lig ke badhate hue prabhav se khatara mahasoos karake british sarakar ne eni besent, jaaurj arundel tatha vi.pi. vadiya ko 1917 ee. men giraphtar kar liya. is giraphtari ke virodh men es.subrahmany ayyar ne apani 'nait hud' ki upadhi vapas kar di. tilak ne giraphtari ke virodh men 'satyagrah' karana chaha, kintu isase poorv hi sarakar ne eni besent ko chhod diya. eni besent ki lokapriyata bahut badh gayi. isake parinamasvaroop 1917 ee. men kangres ke 'kalakatta adhiveshan' men eni besent ko adhyaksh banaya gaya. kangres ki adhyaksh banane vali vah pratham mahila thin. adhyaksh ke roop men unhonne kaha ki "bharat ab anugrahon ke lie apane ghutanon par nahin, balki apane adhikaron ke lie apane pairon par khada hai."

samapti ki ghoshana

charo or se dabav mahasoos hone par bharat sachiv mantegyoo ne 20 agast, 1917 ee. ko british snsad men is ashay ka ek prastav parit kiya, jisamen bharat ko uttaradayi shasan pradan karane ki bat ki gee thi. isake parinamasvaroop eni besent ne 20 agast, 1917 ee. ko hi 'homarool lig' ko samapt karane ki ghoshana ki.

inhen bhi dekhen: indiyan homarool lig


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah