इंडियन होमरूल लीग  हिन्दी देवनागरी में पढ़ें।

indiyan homarool lig
indiyan homarool lig
vivaran joon 1914 men jel se riha hue bal gngadhar tilak sahit 'bharatiy rashtravadi netaon' ne sarakar ke yuddh prayason ka samarthan karane ka nirnay kiya. aisa british uddeshyon ke prati nishtha ya sahanubhooti ki bhavana ke karan kiya gaya.
sthapana 1916
adhyaksh bal gngadhar tilak
gadar parti gadar parti ne bharat men angrezon ke khilaf krantikari yuddh karane ki shapath li thi. 1914 men yuddh ke arambh hote hi gadar parti valon ne tay kiya ki hathiyar aur adami bharat bheje jaen jisase sainikon tatha sthaniy krantikariyon ki sahayata se vidroh shuroo kiya jae.
snbndhit lekh mahatma gandhi, javaharalal neharoo
any janakari tilak pahale vyakti the, jinhonne kaha tha ki bharatiyon ko videshi shasan ke sath sahayog nahin karana chahie aur is bat se vah barabar inkar karate rahe ki unhonne hinsa ke prayog ko ukasaya.

bal gngadhar tilak ne 1914-15 ko snsadiy karyon ki vyavaharik shiksha hetu madras men 'parliyament' ki sthapana ki aur bambee men kangres ke netaon ki baithak ayojit kar 'indiyan homarool' ke lie andolan karane ko kaha. kangres isake lie taiyar nahin huee to tilak ne svayn yah kary ko apane hath men liya aur 1916 men 'homarool lig' ki sthapana ki.


svaraj hamara janmasiddh adhikar hai aur main ise lekar rahoonga- bal gngadhar tilak
nare ke sath indiyan homarool lig ki sthapana ki. sanh 1916 ee. men vah phir se kangres men shamil ho ge tatha hinduon aur musalamanon ke bich hue aitihasik lakhanoo samajhaute par hastakshar kie.
neharu ji ki aautobaauyographi se

joon 1914 men jel se riha hue tilak sahit 'bharatiy rashtravadi netaon' ne sarakar ke yuddh prayason ka samarthan karane ka nirnay kiya. aisa british uddeshyon ke prati nishtha ya sahanubhooti ki bhavana ke karan kiya gaya. jaisa ki javaharalal neharoo ne apani 'aautobaauyographi' men batalaya hai-

"nishtha ki zoradar ghoshana ke bavajood angrezon ke prati koee khas sahanubhooti nahin thi. jarman jiton ko sunakar naramapnthi aur garamapnthi saman roop se khush hue. beshak, jarmani ke lie koee prem bhavana nahin thi balki unake man men apane shasakon ko dhool chatate hue dekhane ki ichchha thi."
mahatma gandhi dvara rachit 'hind svaraj' ka angrezi rupantaran 'indiyan hom rul'
rashtrvadiyon ka drishtikon

rashtrvadiyon ne mukhy roop se is galat dharana ke karan sakriy roop se british samarthak rukh apanaya ki kritgy briten bharat ki nishtha ka badala ehasanamndi se chukaega aur bharat ko svarajy ke raste par dag bharane men sahayata dega. unako is bat ka poora ahasas nahin tha ki vibhinn shaktiyan is lie lad rahi hain ki ve apane tatkalin upaniveshon ki raksha kar saken. sath hi, anek bharatiy netaon ne saf taur par dekha ki tab tak sarakar dvara koee vastavik riyaaten dene ki sambhavana nahin hai, jab tak is par janata ka dabab nahin badhaya jae. isalie, ek vastavik 'rajanitik jan-andolan' zaroori tha. kuchh any karak bhi 'rashtravadi andolan' ko isi disha men jane ke lie prerit kar rahe the. vishv yuddh ke dauran yoorop ki samrajyavadi shaktiyon men paraspar sngharsh hue aur usane eshiyaee janagan ki tulana men pashchimi deshon ke jatiy yuddh ke phalasvaroop bharat ke adhik garib vargon ki vipannata badh gayi. unake lie yuddh ka matalab tha- karon ka bhari bojh tatha jivan ki dainik avashyakataon ki vastuon ki belagam badhati huee kimaten. ve kisi bhi jujharoo virodh andolan men shamil hone ke lie tatpar ho rahe the. phalasvaroop, yuddh ke varsh tivr rashtravadi rajanitik andolan ke bhi varsh the.

do homarool lig ki sthapana

parntu yah jan-andolan bharatiy rashtriy kangres ke netritv men nahin chalaya ja saka, jo naramapnthiyon ke netritv men ek nishkiy aur gatihin rajanitik sngathan ban gayi thi aur usane janata ke bich koee sarahaniy rajanitik kary nahin kiya tha. isalie, 1915-16 men 'do hom rool ligon ki sthapana huee. ek ke neta lokamany tilak the aur doosari ka netritv eni besent, aur 'es. subrahmany ayyar' ne kiya. donon hom rool ligon ne yuddh ke bad bharat ko homarool ya svarajy dene dene ki mang ke paksh men sare bharat men joradar prachar kiya. isi andolan ke dauran tilak ne yah lokapriy nara diya: svarajy mera janmasiddh adhikar hai, aur main ise lekar rahoonga. donon ligon ne tezi se pragati ki aur svarajy ka nara sare bharat men goonj utha.

krantikari andolan ka vikas

yuddh kal ke dauran krantikari andolan ka bhi vikas hua. bngal aur atnkavadi dal sare uttar bharat men phail ge. anek bharatiyon ne angrezi raj ka takhta ulatane ke lie hinsatmak vidroh ki yojana banani arambh kar di. snyukt rajy amerika tatha kanada men rahane vale bharatiy krantikariyon ne 1913 men gadar parti ki sthapana ki thi. parti ke adhikansh sadasy sikkh kisan aur sainik the magar unake neta adhikatar shikshit hindoo ya musalaman the. meksiko, japan, filipains, malaya, singapur thaeelaind, indochin aur poorv tatha dakshin aphrika jaise any deshon men bhi parti ke sakriy the.

gadar parti

gadar parti ka dhvaj

gadar parti ne bharat men angrezon ke khilaf krantikari yuddh karane ki shapath li thi. 1914 men yuddh ke arambh hote hi gadar parti valon ne tay kiya ki hathiyar aur adami bharat bheje jaen jisase sainikon tatha sthaniy krantikariyon ki sahayata se vidroh shuroo kiya jae. kee hazar log bharat vapas jane ke lie age ae. unake kharch ko poora karane ke lie lakhon daaular ki rakam chande men mili. anek logon ne apani zamin-jyadad bechakar dhan laga diya. gadar parti valon ne sudoor-poorv, dakshin-poorv eshiya tatha sare bharat men bharatiy sainikon se sampark sthapit kiya tatha kee rejimento ko vidroh karane ke lie taiyar kar liya. antat: 21 faravari 1915 ko pnjab men hathiyarabnd bagavat ka din tay kiya gaya. durbhagyavash, adhikariyon ko in yojanaon ka pata chal gaya aur unhonne turnt karyavaee ki. vidroh ke lie tatpar rejimenton ko vighatit kar diya gaya tatha netaon ko jel men bnd kar diya gaya ya phansi par lataka diya gaya. 23ven risale ke barah adamiyon ko maut ki saza di gayi. pnjab men gadar parti ke netaon aur sadasyon ki bade paimane par giraftar huee tatha un par mukadama chalaya gaya. un men se 42 ko phansi par lataka diya gaya 114 ko ajanm kale pani tatha 93 ko kaid ki lambi saza di gayi. unamen se anek ne riha hone ke bad pnjab men kirti aur kamyunist andolanon ki ninv rakhi. gadar parti ke kuchh pramukh neta the - baba gurumukh sinh, karatar sinh sarabha, sohan sinh bhakana, rahamat ali shah, bhaee paramanand aur mohammad barakatulla.

Blockquote-open.gif "nishtha ki zoradar ghoshana ke bavajood angrezon ke prati koee khas sahanubhooti nahin thi. jarman jiton ko sunakar naramapnthi aur garamapnthi saman roop se khush hue. beshak, jarmani ke lie koee prem bhavana nahin thi balki unake man men apane shasakon ko dhool chatate hue dekhane ki ichchha thi." Blockquote-close.gif

singapur men vidroh

gadar parti se prerit hokar singapur sthit panchavin lait infentri ke 700 sainikon ne jamadar chisti khan aur soobedar dnde khan ke netritv men vidroh kar diya. unhen ek katu ladaee ke bad kuchal diya gaya, jisamen kee log mare. saintis any sainikon ko sarvajanik roop se fansi par lataka diya gaya jabaki 41 ko ajanm karavas ki saza de di gayi.

ek asafal krantikari prayas

any krantikari bharat tatha videshon men sakriy the. ek asafal krantikari prayas ke dauran 1915 men jatindranath mukharji ne, jo badha jatin ke nam se lokapriy the, balasor men pulis se ladate hue apani jan de di. rasabihari bos, raja mahendr pratap, lala haradayal, abdul rahaman, maulana aubaidulla sindhi, champak raman pille, saradar sinh rana, aur maidam kama ke nam un kuchh bharatiyon men the jinhonne bharat ke bahar krantikari gatividhiyan chalayin aur prachar kary kie.

'indiyan homarool lig' ke adhyaksh tilak

san 1916 ee. men vah phir se kangres men shamil ho ge tatha hinduon aur musalamanon ke bich hue aitihasik lakhanoo samajhaute par hastakshar kie. jo unake evn pakistan ke bhavi snsthapak muhammad ali jinna ke bich hua tha, 'indiyan homarool lig' ke adhyaksh ke roop men tilak san 1918 men inglaind ge. unhonne mahasoos kiya ki briten ki rajaniti men 'lebar parti' ek udiyaman shakti hai, isalie unhonne usake netaon ke sath ghanishth snbndh qayam kie. unaki dooradrishti sahi sabit huee. san 1947 ee. men 'lebar sarakar' ne hi bharat ki svatntrata ko mnzoori di. tilak pahale vyakti the, jinhonne kaha tha ki bharatiyon ko videshi shasan ke sath sahayog nahin karana chahie, is bat se vah barabar inkar karate rahe ki unhonne hinsa ke prayog ko ukasaya.


tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah