डूप्ले  हिन्दी देवनागरी में पढ़ें।

doople ka poora nam 'josef fraikvay doople' tha. vah fransisi eest kampani ki vyaparik seva men bharat aya aur bad ko 1731 ee. men chandranagar ka gavarnar ban gaya. 1741 ee. men vah pandicheri ka gavarnar-janaral banaya gaya aur 1754 ee. tak is pad par raha, jahan se vah vapas bula liya gaya. vah yoddha n hote hue bhi ek kushal rajanitigy aur rajaneta tha. bharatiy itihas men hue karnatak yuddhon men doople ne mahattvapoorn bhoomika nibhaee thi. in yuddhon ke madhyam se doople ne apani ek amit chhap bharatiy itihas men chhodi hai.

dooradarshi vyakti

doople ne apani dooradrishti se ye dekh liya[1] ki 18vin shatabdi ee. ke pncham dashak men dakshin bharat ke rajanitik sntulan men parivartan ghatit ho raha hai. tatkalin dakshin bharat ki rajanitik vyavastha ki kamazoriyon ko usane samajha aur is bat ko bhi mahasoos kiya ki ek chhoti si yooropiyan sena lambi doori ki mar kar sakane vali topon, jaldi goli dagane vali paidal sipahiyon ki bandookon aur prashikshit sainikon ki sahayata se dakshin bharat ki rajaniti men nirnayak bhoomika ada kar sakati hai. is samay frans aur inglainnd ke bich yuddh chal raha tha. doople ka uddeshy madras par qabza karake british shakti ko pngu bana dena tha. isi uddeshy se usane fransisi jalasenapati la bordane ko apana jahazi beda sashakt karane ke lie dhan diya aur sitambar, 1746 ee. men madras angrezon se chhin liya. la bordane, angrezon se ghoos lekar madras vapas kar dena chahata tha. lekin doople ne badi chaturaee se aisa nahin hone diya. barasat ane par la bordane ke bede ne jab madras se hatakar ayals af fans men adda jamaya, to doople ne svayn jakar madras par adhikar kiya.

doople ki saphalata

doople angrezon ke nikatavarti set devid ke qile ko lena chahata tha, lekin viphal ho gaya. kintu any sthanon par use ullekhaniy saphalataen mili. karnatak ke navab anavaruddin ne ek badi sena madras par qabza karane ke lie bheji, lekir use do bar fransisi bharatiy sena dvara parast kiya gaya. ye donon yuddh kaveri pak aur sent tom men hue. yoorop men frans aur inglainnd ke bich yuddh 1748 ee. men samapt ho gaya. donon deshon ke bich eks-la-chaipel ki sndhi huee, jisake anusar madras angrezon ko vapas kar diya gaya. is prakar doople ne jo shram kiya, vah vyarth gaya. kuchh bhi ho, doople ne yah siddh kar diya ki yooropiy dhng se prashikshit aur adhunik shastron se lais chhoti si fansisi bharatiy sena is desh ki vishal bharatiy senaon ki apeksha kahin adhik shreshth hai.

hastakshep ki niti

doople ne apane is anubhav ka prayog karake dakshin bharat ki riyasaton ke antarik mamalon men dakhal dena shuroo kar diya. ye riyasaten bahar se dekhane par badi sashakt jan padati thin, kintu sainik drishti se bahut kamazor tatha antarik vigrah se pidit thin. 1748 ee. men haidarabad ke nizam ke marane par jab uttaradhikar ka jhagada chala to doople ne hastakshep kiya aur nizam ke putr nasirajng ke viruddh pote mujaffarajng ka paksh liya. isi riti se doople ne karnatak men navab anavaruddin ke viruddh chnda sahab ka paksh samarthan kiya. arambh men doople ko kuchh saphalata bhi mili. 1749 ee. men amboor ki ladaee men anavaruddin mara gaya. usaka putr muhammad ali bhagakar trichanapalli pahunch gaya, jahan chanda sahab aur fransisiyon ki sena ne use gher liya.

fransisiyon ki asaphalata

doosari or haidarabad men 1750 ee. men nasirajng mara gaya aur fransisi janaral busi ke snrakshan men mujaffarajng nizam ki gaddi par baitha diya gaya. naye nizam ne doople ko krishna nadi ke dakshin men samast mugal pradesh ka nizam man liya. naye nizam ne pandicheri ke asapas ke kshetr tatha udisa ke tatiy kshetr aur masulipattam bhi fransisiyon ko de diye. is prakar doople ne bharat men fransisi samrajy ki sthapana ke svapn ko sakar hote dekha. lekin bad men usaka pasa palatane laga. vah jin fransisiyon janaralon par nirbhar tha, ve bade ayogy sabit hue, phalat: usaki yojanaen viphal hone lagin. fransisi senapati trichanapalli par qabza n kar sake. fransisiyon ke dvara trichanapalli ki gherabndi itane lambe samay tak chali ki angrezi sena karnatak ke shahajade ki madad ke lie a gee. doosari or rabart klaib ke netritv men ek angrezi sena ne karnatak ki rajadhani arkat ke qile ko gher liya. yah ghera 50 din tak chala. kuchh aur angrezi sena a jane par klaib ne chnda sahab ka parajit karake mar dala.

fransisi sarakar ka nirnay

isi bich naya nizam mujaffarajng bhi mara gaya. usaki jagah salabajng gaddi par baitha. usane bhi fransisiyon se maitri qayam rakhi. doople trichanapalli par qabza karane ka barabar prayatn karata raha. usane tnjaur ke raja ko tatasth rakhane, maratha saradar murarirav ka samarthan prapt karane aur 31 disambar 1752 ee. ko trichanapalli ko gherabndi ek bar phir se shuroo kar di. yah gherabndi 1754 ee. ke madhy tak chali. jab yah sab kuchh ho raha tha, frans ki sarakar ne doople ki nitiyon ki mahatta ka nahin samajha aur bharat men hone vali in ladaiyon ke bhari kharche se vah pareshan ho uthi. fransisi sarakar ne doople ka kary poora hone ke pahale hi use 1754 ee. men vapas svadesh bula liya aur usake sthan par 1 agast 1754 ee. ko janaral godehoo ko naya gavarnar-janaral bana diya. godehoo ne ate hi 1755 ee. men angrezon se sndhi kar li. is sndhi ke anusar tay paya gaya ki angrez aur fransisi donon hi bharatiy riyasaton ke antarik mamalon men hastakshep nahin karenge aur jitana-jitana kshetr angrezon aur fransisiyon ke pas hai, vah unake pas hi bana rahega.

doople ki mrityu

is prakar se fransisi sarakar ne hi doople ki niti ko viphal kar diya. yah avashy hua ki haidarabad ke nizam ke darabar men fransisiyon ka prabhav bana raha aur vahan janaral busi ke netritv men fransisi bharatiy fauj tainat rahi. nirash doople ki mrityu frans men 1763 ee. men garibi ki dasha men huee.

doople bhale hi viphal raha, par yah manana padega ki vah bharatiy itihas ka ek pratibhashali aur shaktiman vyakti tha. doople ne jis rajanitik dooradrishti ka parichay diya, usase angrezon ne bad men svayn labh uthaya. yadyapi fransisi-bharatiy samrajy ki sthapana karane ka doople ka svapn sakar nahin hua, tathapi british bharatiy samrajy ki sthapana mukhyat: doople ki dooradrishti ke hi adhar par huee.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bhattachary, sachchidanand bharatiy itihas kosh, dvitiy snskaran-1989 (hindi), bharat diskavari pustakalay: uttar pradesh hindi snsthan, 183.

  1. jaisa ki koee nahin kar saka

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah