तानाजी मालुसरे  हिन्दी देवनागरी में पढ़ें।

tanaji ki pratima, sinhagadh qila

tanaji malusare (angrezi: Tanaji Malusare) shivaji maharaj ke senapati the, jo apani virata ke karan sinh ke nam se prasiddh the. shivaji unako sinh hi kaha karate the. 1670 ee. men kodhana qile (sinhagadh) ko jitane men tanaji ne viragati payi thi. jab shivaji sinhagadh ko jitane nikale the, tab tanaji apane putr ke vivah men vyast the, kintu shivaji maharaj ka samachar milate hi vah vivah adi chhod kar yuddh men chale gaye the.

vir nishthavan saradar

tanaji malusare shivaji maharaj ke ghanishth mitr aur vir nishthavan saradar the. unake putr ke vivah ki taiyari ho rahi thi. charon or ullas ka vatavaran tha. tabhi shivaji maharaj ka sndesh unhen mila- "mata jijabaee ne pratigya ki hai ki jab tak kondana durg par musalamanon ke hare jhnde ko hata kar bhagava dhvaj nahin phaharaya jata, tab tak ve ann-jal grahan nahin karengi. tumhen sena lekar is durg par akraman karana hai aur apane adhikar men lekar bhagava dhvaj phaharana hai."


svami ka sndesh pakar tanaji ne sabako adesh diya- vivah ke baje bajana band karo, yuddh ke baje bajao." anek logon ne tanaji se kaha- "are, putr ka vivah to ho jane do, phir shivaji maharaj ke adesh ka palan kar lena." parantu, tanaji ne oonchi avaj men kaha- "nahin, pahale kondana durg ka vivah hoga, bad men putr ka vivah. yadi main jivit raha to yuddh se lautakar vivah ka prabndh karoonga. yadi main yuddh men kam aya to shivaji maharaj hamare putr ka vivah karenge." bas, yuddh nishchit ho gaya.

viragati

sena lekar tanaji shivaji ke pas pune chal diye. unake sath unaka bhaee tatha assi varshiy shelar mama bhi ge. pune men shivaji ne tanaji se paramarsh kiya aur apani sena unake sath kar di. durgam kondana durg par tanaji ke netritv men hindoo viron ne rat men akraman kar diya. tanaji ke pas ek goh thi, jisaka nam yashavnti tha. isaki kamar men rassi bandh kar tanaji qile ki divar par oopar ki or phenkate the aur yah goh chhipakali ki tarah divar se chipak jati thi. is rassi ko pakad kar ve qile ki divar chadh jate the. lekin is rat pahali bar men yashavnti sahi dhng se divar par pakad nahin bana payi aur vapas niche gir gayi. sabhi ne ise apashakun mana aur tanaji se vapas lautane ke lie kaha; lekin tanaji ne is bat ko andhavishvas kahakar thukara diya. dobara goh phenki gayi aur vah chipak gayi. is prakar qile ke dvar khol die gaye.


bhishan yuddh hua. kondana ka durgapal udayabhanu nam ka ek hindoo tha, jo svarthavash muslim ho gaya tha. isake sath ladate hue tanaji viragati ko prapt hue. thodi hi der men shelar mama ke hathon udayabhanu bhi mara gaya. sooryoday hote-hote kondana durg par bhagava dhvaj phahar gaya. shivaji yah dekhakar prasann ho uthe. parantu, jab unhen gyat hua ki unake adesh ka palan karane men tanaji viragati ko prapt hue hai, tab unake mukh se nikal pada- gadh ala pan sinh gela arthath "gadh to hath men aya, parantu mera sinh ( tanaji ) chala gaya." usi din se kondana durg ka nam sinhagadh ho gaya.


3 agast, 1984 ko bharat ke qile shirshak se nikale 4 vishesh dak tikaton men 150 paise vala dak tikat sinhagadh ko hi samarpit hai.


panne ki pragati avastha
adhar
prarambhik
madhyamik
poornata
shodh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah