बाजी प्रभु देशपांडे  हिन्दी देवनागरी में पढ़ें।

baji prabhu deshapande
baji prabhu deshapande
poora nam baji prabhu deshapande
janm 1615 ee.
janm bhoomi bhor taluk, pune
mrityu tithi 1660 ee.
mrityu sthan kolhapur, maharashtr
prasiddhi maratha saradar
vnsh chndraseniy kayasth prabhu vnsh
snbndhit lekh shivaji, maratha, maratha samrajy, mugal kal, mugal samrajy, mugal vnsh
dharm hindoo
any janakari baji prabhu deshapande ki viragati ka samachar sunakar shivaji ne unhen ek bhav bhini shraddhanjali dete hue 'ghod kind darre' ka nam pavan kind rakha, jo yah darshata tha ki baji prabhu ke rakt se vah sthan ab pavan ho chuka tha.

baji prabhu deshapande (angrezi: Baji Prabhu Deshpande, janm- 1615; mrityu- 1660, kolhapur, maharashtr) maratha itihas men bada hi mahattvapoorn nam hai. ve chhatrapati shivaji maharaj ke sahasi, nidar aur deshabhakti se paripoorn vyaktitv vale saradar the.

parichay

baji prabhu deshapande ka janm chndraseniy kayasth prabhu vnsh ke ek parivar men vartaman pune kshetr ke bhor taluk men mavळ prant men hua tha. balyakal se hi unake hriday men bharatavarsh se bahari mugal hamalavaron ko nestanaboot kar bahar ka rasta dikha dene ka jazba tha aur shivaji ki sena men ek abhinn hissa banakar kary karana unake isi svapn ko vastavikata men badalane vala tha. yahi nahin, svayn shivaji ne bhi baji prabhu ke abhootapoorv utsah aur samarik soojaboojh ko dekhate hue unhen apani sabal sena ke dakshini kaman ko saunpa, jo ki adhunik kolhapur ke ird gird upasthit tha.[1]

shivaji ka sath

baji prabhu deshapande ne adilashahi namak raja ke senapati afazal khan ko shikast dene men atynt hi aham bhoomika ada ki thi. chhatrapati shivaji afazal khan se apane hone vale dvndv yuddh ke abhyas ke lie ek ati balavan aur afazal jitane hi lambe chaude pratidvndi ko dhoondh rahe the aur yahin par baji prabhu apane sath soorama maratha yoddhaon ki ek khep lekar aye, jinamen visaji muramabak bhi tha, jo apani kad kathi men afazal khan jitana hi vishalakay tha. shivaji aur baji prabhu ke netritv men maratha senaon ne apani kootanitik aur samarik chatury se aphazal khan ko mrityu ke dvar pahuncha diya aur is prabal jodi ne adilashah ki ati vishal senaon tak ki nak men dam kar diya. vastutah maratha senaen apani chhapamar aur ghat lagakar var karane ki kshamata ke karan yuddhabhoomi men islami hamalavaron ke khilaph behad hi saphal rahi. sath hi, adilashah jaise anekon mugal aur musalaman shasakon par samool vidhvns kar dene vale akramanon ke dvara maratha senaon ne apane varshon se jvalnt svapn ko poorn kiya aur in shasakon dvara bharatavarsh ke mool nivasi hindoo janasnkhya par kiye ge atyacharon ka bharapoor uttar diya.

panhala durg par adilashah ka akraman

in dinon shivaji ne apani sena ko panhala qile ke ird-gird ikaththa kar liya tha. adilashah ko kisi tarah khabar mil gayi. usane turnt apani ek vishal sena ke dvara panhala qile ke samip ek tivr hamala bol diya. hamala itana bhishan tha ki maratha sena ko bhari nukasan ka samana karana pada. vahan se nikalakar bachana shivaji ke lie ati mahatvapoorn ho gaya tha. yuddh kee mah tak chalata raha. adilashah ka prabal senapati siddi johar apani jehadi senaon ke dvara khoob kahar barapa raha tha aur usane kafi saphalata bhi hasil ki, jab usane maratha senaon ki rasad aur snpatti ko nasht kar diya.

hamale ko nakam karane ke sabhi upay viphal hue ja rahe the. shivaji ke kushal senapati netaji palakar ne bhi har snbhav prayas kiya. antatah shivaji ne ek ati gopaniy vikalp chuna. unhonne apane ek vakil ko siddi johar ke pas is karar ko lekar bheja ki ham ek sasamajhauta karane ke lie taiyar hain. yah sunate hi adilashah ki senaon ne kuchh halka rukh ikhtiyar kara aur mahinon se chal rahe sngram men ek alp viram to lag hi gaya. darasal yah shivaji ki panhala qile se apani senaon ko surakshit bacha lane ki rananiti ka hissa th. adilashah ki das hazar sainikon ki jehadi sena se bachana ek jatil kary tha.[1]

shiva navi ka balidan

isi yojana ke antargat guru poornima ya ashad vyadh poornima ki ek ratri ko 600 behad hi chuninda aur saksham yoddhaon ki toli ko lekar shivaji aur baji prabhu is yojana ko anjam dene ke lie nikal chale. ve do guton men bnte. ek chhadm gut ki aguvaee shivaji ke hamashakl shiva navi kar rahe the aur doosare ki khud shivaji maharaj jisamen baji bhi the. mugal sena ne shiva navi ki sena par akraman kar apani sari kshamata aur oorja us disha men hi laga di. adilashah ki jehadi senaon ne shiva navi ko aguva kar liya aur unaka shirsh mardan kar diya. shiva navi ke is mahanh balidan ke karan shivaji maharaj aur baji prabhu dvara snchalit dalon ko apani muhim ke lie aur adhik samay mil gaya.

mugalon se yuddh

is chhadmavaran ka pata chalate hi mugal senaen chhatapata kar apane bal nochane lagin aur asali shivaji ki talash men nikal padi. parantu tab tak shivaji aur unaki senaen purajor lagakar vahan se jitani door ho sake nikal chuki thi. mugalon ki 4000 sainikon ki fauj ko chakama dete hue sena ke ashvon ka daud-daud kar jab sara bal samapt hone ki kagar par hi tha, tabhi ve ghode kind darre ke par pahunch ge, jisase bad men shivaji ne pavan kind ka nam diya aur yahi vah aitihasik pal tha, jab baji prabhu ne apane oopar mugalon ko poori tarah se dhool chatane ki zimmedari li. unhonne apane sath kuchh 300 maratha sainikon ko liya aur shivaji maharaj se age badhane ke lie kaha. is prakar ve mugalon se ladakar shivaji aur unaki bachi huee sena ko sakushal vishalagadh qile tak pahunchane men madadagar rahe. shivaji yah sunakar baji prabhu ki virata se stabdh rah ge aur anamane bhav se apani sena ke sath vishalagadh ki or chal die.

kind men maratha sooramaon ne apane jauhar ka vah sailab barapaya, jisaka itihas sakshi hai. har har mahadev ki prachnd hunkaron ke sath hi maratha sena bhookhe sheron ki tarah mugalon par toot padi. baji prabhu ki sena ki snkhya bahut hi alp thi. mugal sena ka sirph ek sauvan hissa. har taraf bhishan narasnhar ka mnzar fail chooka tha. jihadi apane akramanon men barbarata ka upayog kare ja rahe the. par baji prabhu deshapande us virata ki param gatha ka nam hai, jo ki shatru ki rah men ek bhimakay chattan ki tarah khade rahe. unhonne donon hathon men ek talavar li aur apani poorn shakti se mugalon ko maut ke ghat utarate rahe. shighr hi unake tan par choton aur ghavon ki snkhya itani badh gayi ki aisa lagane laga mano kabhi bhi unake pran tan ko tyag sakate hain, parantu apane mano-mastishk ki asim gaharaiyon men samaye us vishvas aur shakti ke chalate ve apani antim sans tak ladate rahe aur jihadi mugalon ko chhathi ka doodh yad dila diya. unaka sharir rakt se lathapath aur talavaron aur bhalon ke ghavon se chhalani ho gaya tha. par ve date rahe. ve tab tak date rahe, jab tak unhonne un tin topon ke dage jane ki dhvani nahin sun li jo shivaji ke vishalagadh qile men surakshit pahunch jane ke chinh ke roop men poorv nirdharit ki gee thi.[1]

viragati

udhar shivaji maharaj ki sena ko bhi vishalagadh men pahale se maujood ek aur mugal saradar ki sena ka samana karana pada. unase joojhate hue lagabhag subah hi ho chali thi aur sooryoday tak akhirakar shivaji ne un tin topon ko dag diya jo baji prabhu ko ek ishara thi. baji prabhu yadyapi tab tak jivit to the, parantu lagabhag maranasin ho chuke the. unake sabhi sathi sainik har har mahadev ka udghosh karate hue baji prabhu deshapande ko uthakar darre ke par pahunch ge. parantu tabhi, ek vir, vijayi muskan ke sath baji ne apani antim sans li aur paramatma men lin ho ge. isi ke sath bharatiy itihas ke pannon par vir baji prabhu deshapande ka nam kabhi ne mit sakane vali syahi se ankit ho gaya. unaka svarnim balidan bharatiy svaraj ki or uthe sabase pahale kadamon men se ek tha. deshabhakti hi nahin, yah sampoorn manav jati ke lie paristhitiyon ke jhukane vale jazbe ka ek dil dahala dene vala praman tha.

baji prabhu deshapande ki viragati ka samachar sunakar shivaji ka hriday bhar aya. baji prabhu ko ek bhav bhini shraddhanjali dete hue unhonne ghod kind darre ka nam pavan kind rakha, jo darshata tha ki baji prabhu ke rakt se vah pavan ho chuka tha.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 vir baji prabhu deshapande : virata ka ek avismaraniy paryay (hindi) satyavijayi.com. abhigaman tithi: 02 agast, 2017.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah