मंगल पांडे  हिन्दी देवनागरी में पढ़ें।

mngal pande
mngal pande
poora nam mngal pande
janm 19 julaee, 1827 ee.
janm bhoomi nagava ganv, baliya zila athava surahurapur gram, faizabad zila, uttar pradesh[1]
mrityu 8 aprail, 1857 ee.
mrityu sthan bairakapur, kalakatta (ab kolakata)
mrityu karan phansi
abhibhavak pita- divakar pande, mata- abhay rani
nagarikata bharatiy
prasiddhi svatantrata senani
dharm hindoo
andolan bharatiy svadhinata sngram, 1857
pramukh sngathan jng-e-azadi
any janakari 8 aprail ka din mngal pande ki phansi ke lie nishchit kiya gaya. bairakapur ke jalladon ne mngal pande ke pavitr khoon se apane hath rngane se inakar kar diya. tab kalakatta se char jallad bulae ge. aprail, 1857 ke soory ne udit hokar mngal pande ke balidan ka samachar snsar men prasarit kar diya.

mngal pande athava mngal pandey (angrezi: Mungal Pandey athava Mangal Pandey, janm: 19 julaee, 1827; mrityu: 8 aprail, 1857) ka nam 'bharatiy svadhinata sngram' men agrani yoddhaon ke roop men liya jata hai, jinake dvara bhadakaee gee kranti ki jvala se angrez eest indiya knpani ka shasan buri tarah hil gaya tha. mngal pande ki shahadat ne bharat men pahali kranti ke bij boe the. brahmadesh (barma {vartaman myanmar}) par vijay tatha sikkh yuddh ki samapti ke pashchath angrezon ne bharatavarsh par nishkntak rajy karane ke sapane dekhen honge; par unhen kya pata tha ki san 1857 ka varsh unaki ashaon par tusharapat ka varsh siddh hoga.

janm aur parivar

krantikari mngal pande ka janm 19 julaee, 1827 ko uttar pradesh ke baliya zile ke nagava ganv men hua tha. kuchh sandarbhon men inaka janm sthal faizabad zile ki akabarapur tahasil ke surahurapur gram men bataya gaya hai.[1] inake pita ka nam divakar pande tatha mata ka nam shrimati abhay rani tha. ve kolakata (bhootapoorv kalakatta) ke pas bairakapur ki sainik chhavani men "34vin bngal netiv inphaintri" ki paidal sena ke 1446 nambar ke sipahi the. bharat ki azadi ki pahali ladaee arthath 1857 ke sngram ki shuruat unhin ke vidroh se huee thi.

jng-e-azadi

'bharatiy itihas' men 29 march, 1857 ka din angrezon ke lie durbhagy ke din ke roop men udit hua. panchavi knpani ki chauntisavin rejiment ka 1446 nn. ka sipahi viravar mngal pande angrezon ke lie pralay-soory ke saman nikala. bairakapur ki snchalan bhoomi men pralayavir mngal pande ka ranaghosh goonj utha-

"bndhuo! utho! utho! tum ab bhi kis chinta men nimagn ho? utho, tumhen apane pavan dharm ki saugndh! chalo, svatntry lakshmi ki pavan archana hetu in atyachari shatruon par tatkal prahar karo."

mngal pande ke badale hue tevar dekhakar angrez sarajent mejar hyoosan usane path ko avaruddh karane ke lie age badha. usane us vidrohi ko usaki uddndata ka puraskar dena chaha. apani kadakati avaz men usane mngal pande ko khada rahane ka adesh diya. vir mngal pande ke araman machal uthe. vah shivashnkar ki bhanti sannaddh hokar raktagnga ka ahvan karane laga. usaki sabal bahuon ne bndook tan li. usaki sadhi huee ungaliyon ne bndook ka ghoda apani or khincha aur ghudad ghoonsss ka tivr svar ghahara utha. mejar hyasan ghayal kabootar ki bhanti bhoomi par tadap raha tha. usaka rakt bharat ki dhool chat raha tha. 1857 ke krantikari ne ek phirngi ki bali le li thi. viplav mahaygy ke purodha mngal pande ki bndook pahala 'svara' bol chuki thi. svatntry ygy ki vedi ko dasyu-deh ki samidha arpit ho chuki thi.

Blockquote-open.gif khabaradar, jo koee age badha! aj ham tumhare apavitr hathon ko brahman ki pavitr deh ka sparsh nahin karane denge. Blockquote-close.gif

hyasan ko dharashayi hua dekh lephtinent baaub vahan ja pahuncha. us ashvaroodh gore ne mngal pande ko gherana chaha. pahala gras khakar mngal pande ki bndook ki bhookh bhadak uthi thi. usane doosari bar munh khola aur lephtinent baaub ghode sahit bhoo-lunthit hota dikhaee diya. girakar bhi baaub ne apani pistaul mngal pande ki or sidhi karake goli chala di. vidyut gati se vir mngal pande goli ka var bacha gaye aur baaub khisiyakar rah gaya. apani pistaul ko munh ki khati huee dekh baaub ne apani talavar khinch li aur vah mngal pande par toot pada. mngal pande bhi kachche khiladi nahin the. baaub ne mngal pande par prahar karane ke lie talavar tani hi thi ki mngal pande ki talavar ka bharapoor hath us par aisa pada ki baaub ka kndha aur talavar vala hath jad se katakar alag ja gira. ek bali mngal pande ki bndook le chuki thi aur doosari usaki talavar ne le li.

mngal pande ki tikat

lephtinent baaub ko gira hua dekh ek doosara angrez mngal pande ki or badha hi tha ki mngal pande ke sathi bharatiy sainik ne apani bndook dnde ki bhanti us angrez ki khopadi par de mari. angrez ki khopadi khul gee. apane adamiyon ko girate hue dekh karnal vhilar mngal pande ki or badha; par sabhi kruddh bharatiy sinh garjana kar uthe-

"khabaradar, jo koee age badha! aj ham tumhare apavitr hathon ko brahman ki pavitr deh ka sparsh nahin karane denge."

karnal vhilar jaisa aya tha vaisa hi laut gaya. is sare kand ki soochana apane janaral ko dekar, angrezi sena ko batorakar le ana usane apana dharm samajha. jng-e-azadi ke pahale senani mngal pande ne 1857 men aisi chingari bhadakaee, jisase dilli se lekar lndan tak ki british hukoomat hil gee.

nara 'maro phirngi ko'

"maro phirngi ko" yah prasiddh nara bharat ki svadhinata ke lie sarvapratham avaz uthane vale krantikari mngal pande ki juban se 1857 ki kranti ke samay nikala tha. bharat ki azadi ke lie kranti ka agaz 31 mee, 1857 ko hona tay hua tha, parantu yah do mah poorv 29 march, 1857 ko hi arambh ho gee. mngal pande ko azadi ka sarvapratham krantikari mana jata hai. 'phirngi' arthath 'angrez ya british jo us samay desh ko gulam banae hue the, ko krantikariyon v bharatiyon dvara phirngi nam se pukara jata tha. gulam janata tatha sainikon ke hriday men kranti ki jal rahi ag ko dhadhakane ke lie v ladakar azadi lene ki ichchha ko darshane ke lie yah nara mngal pande dvara gunjaya gaya tha.[2]

angrezi sena dvara bndi

vir mngal pande ne apane kartavy ki poorti kar di thi. shatru ke rakt se bharat bhoomi ka tarpan kiya tha. matribhoomi ki svadhinata jaise mahat kary ke lie apani raktanjali dena bhi apana pavan kartavy samajha. mngal pande ne apani bndook apani chhati se adakar goli chhod di. goli chhati men sidhi n jati huee pasali ki taraph phisal gee aur ghayal mngal pande angrezi sena dvara bndi bana liye gaye. angezon ne bharasak prayatn kiya ki ve mngal pande se kranti yojana ke vishay men usake sathiyon ke nam-pate poochh saken; par vah mngal pande the, jinaka munh apane sathiyon ko phnsane ke lie khula hi nahin.

karatoos ghatana

1857 ke vidroh ka prarambh ek bndook ki vajah se hua tha. sipahiyon ko 1853 men enafild bndook di gayi thin, jo ki 0.577 kailibar ki bndook thi tatha purani aur kee dashakon se upayog men layi ja rahi braun bais ke mukabale men shaktishali aur achook thi. nayi bndook men goli dagane ki adhunik pranali ka prayog kiya gaya tha, parantu bndook men goli bharane ki prakriya purani thi. nayi enafild bndook bharane ke liye karatoos ko danton se kat kar kholana padata tha aur usame bhare hue barood ko bndook ki nali men bhar kar karatoos men dalana padata tha. karatoos ka bahari avaran men charbi hoti thi, jo ki use nami arthath pani ki silan se bachati thi.

Blockquote-open.gif bndhuo! utho! utho! tum ab bhi kis chinta men nimagn ho? utho, tumhen apane pavan dharm ki saugndh! chalo, svatntry lakshmi ki pavan archana hetu in atyachari shatruon par tatkal prahar karo. Blockquote-close.gif

sipahiyon ke bich afavah fail chuki thi ki karatoos men lagi huee charbi suar aur gay ke mans se banayi jati hai. yah hindoo aur musalaman sipahiyon donon ki dharmik bhavanaon ke viruddh tha. angrej afasaron ne ise aphavah bataya aur sujhav diya ki sipahi naye karatoos banayen, jisamen bakare ya madhumakkkhi ki charbi prayog ki jaye. is sujhav ne sipahiyon ke bich faili is aphavah ko aur mazaboot kar diya. doosara sujhav yah diya gaya ki sipahi karatoos ko danton se katane ki bajay hathon se kholen. parntu sipahiyon ne ise ye kahate hue asvikar kar diya ki ve kabhi bhi nayi kavayad ko bhool sakate hain aur danton se karatoos ko kat sakate hain. tatkalin angrej afasar pramukh (bharat) jarj enasan ne apane afasaron ki salah ko darakinar hue is kavayad aur nayi bndook se utpann huee samasya ko sulajhane se mana kar diya.[3]

29 march sanh 1857 ko ne karatoos ko prayog karavaya gaya, mngal pande ne agya manane se mana kar diya aur dhokhe se dharm ko bhrasht karane ki koshish ke khilaf unhen bhala-bura kaha, is par angrej afasar ne sena ko hukam diya ki use giraphtar kiya jaye, sena ne hukm nahin mana. palatan ke sarjent hadasan svny mngal pande ko pakadane age badha to, pande ne use goli mar di, tab lephtinent bal age badha to use bhi pande ne goli mar di. ghatanasthal par maujood any angrez sipahiyon nen mngal pande ko ghayal kar pakad liya. unhonne apane any sathiyon se unaka sath dene ka ahvan kiya. kintu unhonne unaka sath nahin diya. un par muqadama (kort marshal) chalakar 6 aprail, 1857 ko maut ki saza suna di gee.

nidhan

fauji adalat ne nyay ka natak racha aur phaisala suna diya gaya. 8 aprail ka din mngal pande ki phansi ke lie nishchit kiya gaya. bairakapur ke jalladon ne mngal pande ke pavitr khoon se apane hath rngane se inakar kar diya. tab kalakatta se char jallad bulae ge. 8 aprail, 1857 ke soory ne udit hokar mngal pande ke balidan ka samachar snsar men prasarit kar diya. bharat ke ek vir putr ne azadi ke ygy men apane pranon ki ahuti de di. vir mngal pande ke pavitr pran-havy ko pakar svatntry ygy ki lapaten bhadak uthin. kranti ki ye lapalapati huee lapaten phirngiyon ko lil jane ke lie charon or phailane lagin.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 Ahuja, M. L.. Eminent Indians: Revolutionaries (hindi) googal buks. abhigaman tithi: 13 apral, 2014.
  2. kaun-sa nara kisane diya (hindi) gk-in-hindi.com. abhigaman tithi: 03 faravari, 2017.
  3. pratham krantipurush : krantikari mngal pande balidan divas (hindi) (ech.ti.em.el) jay jay bharat. abhigaman tithi: 7 julaee, 2011.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah